‎1 ‏וְלִבְנֵ֥י אַהֲרֹ֖ן מַחְלְקוֹתָ֑ם בְּנֵ֣י אַהֲרֹ֔ן נָדָב֙ וַאֲבִיה֔וּא אֶלְעָזָ֖ר וְאִיתָמָֽר׃

‎2 ‏וַיָּ֨מָת נָדָ֤ב וַאֲבִיהוּא֙ לִפְנֵ֣י אֲבִיהֶ֔ם וּבָנִ֖ים לֹא־הָי֣וּ לָהֶ֑ם וַֽיְכַהֲנ֔וּ אֶלְעָזָ֖ר וְאִיתָמָֽר׃

‎3 ‏וַיֶּֽחָלְקֵ֣ם דָּוִ֔יד וְצָדוֹק֙ מִן־בְּנֵ֣י אֶלְעָזָ֔ר וַאֲחִימֶ֖לֶךְ מִן־בְּנֵ֣י אִיתָמָ֑ר לִפְקֻדָּתָ֖ם בַּעֲבֹדָתָֽם׃

‎4 ‏וַיִּמָּצְא֣וּ בְֽנֵי־אֶלְעָזָ֡ר רַבִּ֞ים לְרָאשֵׁ֧י הַגְּבָרִ֛ים מִן־בְּנֵ֥י אִיתָמָ֖ר וַֽיַּחְלְק֑וּם לִבְנֵ֨י אֶלְעָזָ֜ר רָאשִׁ֤ים לְבֵית־אָבוֹת֙ שִׁשָּׁ֣ה עָשָׂ֔ר וְלִבְנֵ֧י אִיתָמָ֛ר לְבֵ֥ית אֲבוֹתָ֖ם שְׁמוֹנָֽה׃

‎5 ‏וַיַּחְלְק֥וּם בְּגוֹרָל֖וֹת אֵ֣לֶּה עִם־אֵ֑לֶּה כִּי־הָי֤וּ שָֽׂרֵי־קֹ֙דֶשׁ֙ וְשָׂרֵ֣י הָאֱלֹהִ֔ים מִבְּנֵ֥י אֶלְעָזָ֖ר וּבִבְנֵ֥י אִיתָמָֽר׃ ס

‎6 ‏וַֽיִּכְתְּבֵ֡ם שְֽׁמַֽעְיָה֩ בֶן־נְתַנְאֵ֨ל הַסּוֹפֵ֜ר מִן־הַלֵּוִ֗י לִפְנֵ֨י הַמֶּ֤לֶךְ וְהַשָּׂרִים֙ וְצָד֣וֹק הַכֹּהֵ֗ן וַאֲחִימֶ֙לֶךְ֙ בֶּן־אֶבְיָתָ֔ר וְרָאשֵׁי֙ הָֽאָב֔וֹת לַכֹּהֲנִ֖ים וְלַלְוִיִּ֑ם בֵּֽית־אָ֣ב אֶחָ֗ד אָחֻז֙ לְאֶלְעָזָ֔ר וְאָחֻ֥ז׀ אָחֻ֖ז לְאִיתָמָֽר׃ פ

‎7 ‏וַיֵּצֵ֞א הַגּוֹרָ֤ל הָרִאשׁוֹן֙ לִיה֣וֹיָרִ֔יב לִֽידַעְיָ֖ה הַשֵּׁנִֽי׃

‎8 ‏לְחָרִם֙ הַשְּׁלִישִׁ֔י לִשְׂעֹרִ֖ים הָרְבִעִֽי׃

‎9 ‏לְמַלְכִּיָּה֙ הַחֲמִישִׁ֔י לְמִיָּמִ֖ן הַשִּׁשִּֽׁי׃

‎10 ‏לְהַקּוֹץ֙ הַשְּׁבִעִ֔י לַאֲבִיָּ֖ה הַשְּׁמִינִֽי׃

‎11 ‏לְיֵשׁ֙וּעַ֙ הַתְּשִׁעִ֔י לִשְׁכַנְיָ֖הוּ הָעֲשִׂרִֽי׃

‎12 ‏לְאֶלְיָשִׁיב֙ עַשְׁתֵּ֣י עָשָׂ֔ר לְיָקִ֖ים שְׁנֵ֥ים עָשָֽׂר׃

‎13 ‏לְחֻפָּה֙ שְׁלֹשָׁ֣ה עָשָׂ֔ר לְיֶֽשֶׁבְאָ֖ב אַרְבָּעָ֥ה עָשָֽׂר׃

‎14 ‏לְבִלְגָּה֙ חֲמִשָּׁ֣ה עָשָׂ֔ר לְאִמֵּ֖ר שִׁשָּׁ֥ה עָשָֽׂר׃

‎15 ‏לְחֵזִיר֙ שִׁבְעָ֣ה עָשָׂ֔ר לְהַפִּצֵּ֖ץ שְׁמוֹנָ֥ה עָשָֽׂר׃

‎16 ‏לִֽפְתַחְיָה֙ תִּשְׁעָ֣ה עָשָׂ֔ר לִֽיחֶזְקֵ֖אל הָעֶשְׂרִֽים׃

‎17 ‏לְיָכִין֙ אֶחָ֣ד וְעֶשְׂרִ֔ים לְגָמ֖וּל שְׁנַ֥יִם וְעֶשְׂרִֽים׃

‎18 ‏לִדְלָיָ֙הוּ֙ שְׁלֹשָׁ֣ה וְעֶשְׂרִ֔ים לְמַֽעַזְיָ֖הוּ אַרְבָּעָ֥ה וְעֶשְׂרִֽים׃ פ

‎19 ‏אֵ֣לֶּה פְקֻדָּתָ֞ם לַעֲבֹדָתָ֗ם לָב֤וֹא לְבֵית־יְהוָה֙ כְּמִשְׁפָּטָ֔ם בְּיַ֖ד אַהֲרֹ֣ן אֲבִיהֶ֑ם כַּאֲשֶׁ֣ר צִוָּ֔הוּ יְהוָ֖ה אֱלֹהֵ֥י יִשְׂרָאֵֽל׃ פ

‎20 ‏וְלִבְנֵ֥י לֵוִ֖י הַנּוֹתָרִ֑ים לִבְנֵ֤י עַמְרָם֙ שֽׁוּבָאֵ֔ל לִבְנֵ֥י שׁוּבָאֵ֖ל יֶחְדְּיָֽהוּ׃

‎21 ‏לִרְחַבְיָ֑הוּ לִבְנֵ֣י רְחַבְיָ֔הוּ הָרֹ֖אשׁ יִשִּׁיָּֽה׃

‎22 ‏לַיִּצְהָרִ֣י שְׁלֹמ֔וֹת לִבְנֵ֥י שְׁלֹמ֖וֹת יָֽחַת׃

‎23 ‏וּבְנָ֖י יְרִיָּ֑הוּ אֲמַרְיָ֙הוּ֙ הַשֵּׁנִ֔י יַחֲזִיאֵל֙ הַשְּׁלִישִׁ֔י יְקַמְעָ֖ם הָרְבִיעִֽי׃

‎24 ‏בְּנֵ֤י עֻזִּיאֵל֙ מִיכָ֔ה לִבְנֵ֥י מִיכָ֖ה שמור שָׁמִֽיר׃

‎25 ‏אֲחִ֤י מִיכָה֙ יִשִּׁיָּ֔ה לִבְנֵ֥י יִשִּׁיָּ֖ה זְכַרְיָֽהוּ׃

‎26 ‏בְּנֵ֤י מְרָרִי֙ מַחְלִ֣י וּמוּשִׁ֔י בְּנֵ֖י יַעֲזִיָּ֥הֽוּ בְנֽוֹ׃

‎27 ‏בְּנֵ֖י מְרָרִ֑י לְיַֽעֲזִיָּ֣הֽוּ בְנ֔וֹ וְשֹׁ֥הַם וְזַכּ֖וּר וְעִבְרִֽי׃

‎28 ‏לְמַחְלִי֙ אֶלְעָזָ֔ר וְלֹא־הָ֥יָה ל֖וֹ בָּנִֽים׃

‎29 ‏לְקִ֖ישׁ בְּנֵי־קִ֥ישׁ יְרַחְמְאֵֽל׃

‎30 ‏וּבְנֵ֣י מוּשִׁ֔י מַחְלִ֥י וְעֵ֖דֶר וִירִימ֑וֹת אֵ֛לֶּה בְּנֵ֥י הַלְוִיִּ֖ם לְבֵ֥ית אֲבֹתֵיהֶֽם׃

‎31 ‏וַיַּפִּילוּ֩ גַם־הֵ֨ם גּוֹרָל֜וֹת לְעֻמַּ֣ת׀ אֲחֵיהֶ֣ם בְּנֵֽי־אַהֲרֹ֗ן לִפְנֵ֨י דָוִ֤יד הַמֶּ֙לֶךְ֙ וְצָד֣וֹק וַאֲחִימֶ֔לֶךְ וְרָאשֵׁי֙ הָֽאָב֔וֹת לַכֹּהֲנִ֖ים וְלַלְוִיִּ֑ם אָב֣וֹת הָרֹ֔אשׁ לְעֻמַּ֖ת אָחִ֥יו הַקָּטָֽן׃ ס

1 wəliḇənê ’ahărōn m^aḥələqwōṯām bənê ’ahărōn nāḏāḇ wa’ăḇîhû’ ’elə‘āzār wə’îṯāmār:

2 wayyāmāṯ nāḏāḇ wa’ăḇîhû’ lifənê ’ăḇîhem ûḇānîm lō’-hāyû lâem wayəḵahănû ’elə‘āzār wə’îṯāmār:

3 wayyeḥāləqēm dāwîḏ wəṣāḏwōq min-bənê ’elə‘āzār wa’ăḥîmeleḵə min-bənê ’îṯāmār lifəqudāṯām b^a‘ăḇōḏāṯām:

4 wayyimmāṣə’û ḇənê-’elə‘āzār rabîm lərā’šê hagəḇārîm min-bənê ’îṯāmār wayy^aḥələqûm liḇənê ’elə‘āzār rā’šîm ləḇêṯ-’āḇwōṯ šiššâ ‘āśār wəliḇənê ’îṯāmār ləḇêṯ ’ăḇwōṯām šəmwōnâ:

5 wayy^aḥələqûm bəḡwōrālwōṯ ’ēlleh ‘im-’ēlleh kî-hāyû śārê-qōḏeš wəśārê hā’ĕlōhîm mibənê ’elə‘āzār ûḇiḇənê ’îṯāmār: s

6 wayyiḵətəḇēm šəm^a‘əyâ ḇen-nəṯanə’ēl hasswōfēr min-hallēwî lifənê hammeleḵə wəhaśśārîm wəṣāḏwōq hakōhēn wa’ăḥîmeleḵə ben-’eḇəyāṯār wərā’šê hā’āḇwōṯ lakōhănîm wəlaləwîyim bêṯ-’āḇ ’eḥāḏ ’āḥuz lə’elə‘āzār wə’āḥuz| ’āḥuz lə’îṯāmār: f

7 wayyēṣē’ hagwōrāl hāri’šwōn lîhwōyārîḇ lîḏ^a‘əyâ haššēnî:

8 ləḥārim haššəlîšî liśə‘ōrîm hārəḇi‘î:

9 ləmaləkîyâ h^aḥămîšî ləmîyāmin haššiššî:

10 ləhaqqwōṣ haššəḇi‘î la’ăḇîyâ haššəmînî:

11 ləyēšû‘a hatəši‘î lišəḵanəyâû hā‘ăśirî:

12 lə’eləyāšîḇ ‘ašətê ‘āśār ləyāqîm šənêm ‘āśār:

13 ləḥupâ šəlōšâ ‘āśār ləyešeḇə’āḇ ’arəbā‘â ‘āśār:

14 ləḇiləgâ ḥămiššâ ‘āśār lə’immēr šiššâ ‘āśār:

15 ləḥēzîr šiḇə‘â ‘āśār ləhapiṣṣēṣ šəmwōnâ ‘āśār:

16 lifəṯ^aḥəyâ tišə‘â ‘āśār lîḥezəqē’l hā‘eśərîm:

17 ləyāḵîn ’eḥāḏ wə‘eśərîm ləḡāmûl šənayim wə‘eśərîm:

18 liḏəlāyâû šəlōšâ wə‘eśərîm ləm^a‘azəyâû ’arəbā‘â wə‘eśərîm: f

19 ’ēlleh fəqudāṯām l^a‘ăḇōḏāṯām lāḇwō’ ləḇêṯ-yəhwâ kəmišəpāṭām bəyaḏ ’ahărōn ’ăḇîhem ka’ăšer ṣiûâû yəhwâ ’ĕlōhê yiśərā’ēl: f

20 wəliḇənê lēwî hannwōṯārîm liḇənê ‘amərām šûḇā’ēl liḇənê šûḇā’ēl yeḥədəyâû:

21 lirəḥaḇəyâû liḇənê rəḥaḇəyâû hārō’š yiššîyâ:

22 layyiṣəhārî šəlōmwōṯ liḇənê šəlōmwōṯ yāḥaṯ:

23 ûḇənāy yərîyâû ’ămarəyâû haššēnî y^aḥăzî’ēl haššəlîšî yəqamə‘ām hārəḇî‘î:

24 bənê ‘uzzî’ēl mîḵâ liḇənê mîḵâ šāmûr šāmîr:

25 ’ăḥî mîḵâ yiššîyâ liḇənê yiššîyâ zəḵarəyâû:

26 bənê mərārî m^aḥəlî ûmûšî bənê y^a‘ăzîyâû ḇənwō:

27 bənê mərārî ləy^a‘ăzîyâû ḇənwō wəšōham wəzakûr wə‘iḇərî:

28 ləm^aḥəlî ’elə‘āzār wəlō’-hāyâ lwō bānîm:

29 ləqîš bənê-qîš yər^aḥəmə’ēl:

30 ûḇənê mûšî m^aḥəlî wə‘ēḏer wîrîmwōṯ ’ēlleh bənê haləwîyim ləḇêṯ ’ăḇōṯêhem:

31 wayyapîlû ḡam-hēm gwōrālwōṯ lə‘ummaṯ| ’ăḥêhem bənê-’ahărōn lifənê ḏāwîḏ hammeleḵə wəṣāḏwōq wa’ăḥîmeleḵə wərā’šê hā’āḇwōṯ lakōhănîm wəlaləwîyim ’āḇwōṯ hārō’š lə‘ummaṯ ’āḥîw haqqāṭān: s