‎1 ‏וּכְכַלּ֤וֹת שְׁלֹמֹה֙ לְהִתְפַּלֵּ֔ל וְהָאֵ֗שׁ יָֽרְדָה֙ מֵֽהַשָּׁמַ֔יִם וַתֹּ֥אכַל הָעֹלָ֖ה וְהַזְּבָחִ֑ים וּכְב֥וֹד יְהוָ֖ה מָלֵ֥א אֶת־הַבָּֽיִת׃

‎2 ‏וְלֹ֤א יָֽכְלוּ֙ הַכֹּ֣הֲנִ֔ים לָב֖וֹא אֶל־בֵּ֣ית יְהוָ֑ה כִּֽי־מָלֵ֥א כְבוֹד־יְהוָ֖ה אֶת־בֵּ֥ית יְהוָֽה׃

‎3 ‏וְכֹ֣ל׀ בְּנֵ֣י יִשְׂרָאֵ֗ל רֹאִים֙ בְּרֶ֣דֶת הָאֵ֔שׁ וּכְב֥וֹד יְהוָ֖ה עַל־הַבָּ֑יִת וַיִּכְרְעוּ֩ אַפַּ֨יִם אַ֤רְצָה עַל־הָרִֽצְפָה֙ וַיִּֽשְׁתַּֽחֲו֔וּ וְהוֹד֤וֹת לַיהוָה֙ כִּ֣י ט֔וֹב כִּ֥י לְעוֹלָ֖ם חַסְדּֽוֹ׃

‎4 ‏וְהַמֶּ֖לֶךְ וְכָל־הָעָ֑ם זֹבְחִ֥ים זֶ֖בַח לִפְנֵ֥י יְהוָֽה׃ ס

‎5 ‏וַיִּזְבַּ֞ח הַמֶּ֣לֶךְ שְׁלֹמֹה֮ אֶת־זֶ֣בַח הַבָּקָ֗ר עֶשְׂרִ֤ים וּשְׁנַ֙יִם֙ אֶ֔לֶף וְצֹ֕אן מֵאָ֥ה וְעֶשְׂרִ֖ים אָ֑לֶף וַֽיַּחְנְכוּ֙ אֶת־בֵּ֣ית הָֽאֱלֹהִ֔ים הַמֶּ֖לֶךְ וְכָל־הָעָֽם׃

‎6 ‏וְהַכֹּהֲנִ֞ים עַל־מִשְׁמְרוֹתָ֣ם עֹמְדִ֗ים וְהַלְוִיִּ֞ם בִּכְלֵי־שִׁ֤יר יְהוָה֙ אֲשֶׁ֨ר עָשָׂ֜ה דָּוִ֣יד הַמֶּ֗לֶךְ לְהֹד֤וֹת לַיהוָה֙ כִּֽי־לְעוֹלָ֣ם חַסְדּ֔וֹ בְּהַלֵּ֥ל דָּוִ֖יד בְּיָדָ֑ם וְהַכֹּהֲנִים֙ מחצצרים מַחְצְרִ֣ים נֶגְדָּ֔ם וְכָל־יִשְׂרָאֵ֖ל עֹמְדִֽים׃ ס

‎7 ‏וַיְקַדֵּ֣שׁ שְׁלֹמֹ֗ה אֶת־תּ֤וֹךְ הֶֽחָצֵר֙ אֲשֶׁר֙ לִפְנֵ֣י בֵית־יְהוָ֔ה כִּֽי־עָ֤שָׂה שָׁם֙ הָֽעֹל֔וֹת וְאֵ֖ת חֶלְבֵ֣י הַשְּׁלָמִ֑ים כִּֽי־מִזְבַּ֤ח הַנְּחֹ֙שֶׁת֙ אֲשֶׁ֣ר עָשָׂ֣ה שְׁלֹמֹ֔ה לֹ֣א יָכ֗וֹל לְהָכִ֛יל אֶת־הָעֹלָ֥ה וְאֶת־הַמִּנְחָ֖ה וְאֶת־הַחֲלָבִֽים׃

‎8 ‏וַיַּ֣עַשׂ שְׁלֹמֹ֣ה אֶת־הֶ֠חָג בָּעֵ֨ת הַהִ֜יא שִׁבְעַ֤ת יָמִים֙ וְכָל־יִשְׂרָאֵ֣ל עִמּ֔וֹ קָהָ֖ל גָּד֣וֹל מְאֹ֑ד מִלְּב֥וֹא חֲמָ֖ת עַד־נַ֥חַל מִצְרָֽיִם׃

‎9 ‏וַֽיַּעֲשׂ֛וּ בַּיּ֥וֹם הַשְּׁמִינִ֖י עֲצָ֑רֶת כִּ֣י׀ חֲנֻכַּ֣ת הַמִּזְבֵּ֗חַ עָשׂוּ֙ שִׁבְעַ֣ת יָמִ֔ים וְהֶחָ֖ג שִׁבְעַ֥ת יָמִֽים׃

‎10 ‏וּבְי֨וֹם עֶשְׂרִ֤ים וּשְׁלֹשָׁה֙ לַחֹ֣דֶשׁ הַשְּׁבִיעִ֔י שִׁלַּ֥ח אֶת־הָעָ֖ם לְאָהֳלֵיהֶ֑ם שְׂמֵחִים֙ וְט֣וֹבֵי לֵ֔ב עַל־הַטּוֹבָ֗ה אֲשֶׁ֨ר עָשָׂ֤ה יְהוָה֙ לְדָוִ֣יד וְלִשְׁלֹמֹ֔ה וּלְיִשְׂרָאֵ֖ל עַמּֽוֹ׃

‎11 ‏וַיְכַ֧ל שְׁלֹמֹ֛ה אֶת־בֵּ֥ית יְהוָ֖ה וְאֶת־בֵּ֣ית הַמֶּ֑לֶךְ וְאֵ֨ת כָּל־הַבָּ֜א עַל־לֵ֣ב שְׁלֹמֹ֗ה לַעֲשׂ֧וֹת בְּבֵית־יְהוָ֛ה וּבְבֵית֖וֹ הִצְלִֽיחַ׃ פ

‎12 ‏וַיֵּרָ֧א יְהוָ֛ה אֶל־שְׁלֹמֹ֖ה בַּלָּ֑יְלָה וַיֹּ֣אמֶר ל֗וֹ שָׁמַ֙עְתִּי֙ אֶת־תְּפִלָּתֶ֔ךָ וּבָחַ֜רְתִּי בַּמָּק֥וֹם הַזֶּ֛ה לִ֖י לְבֵ֥ית זָֽבַח׃

‎13 ‏הֵ֣ן אֶֽעֱצֹ֤ר הַשָּׁמַ֙יִם֙ וְלֹֽא־יִהְיֶ֣ה מָטָ֔ר וְהֵן־אֲצַוֶּ֥ה עַל־חָגָ֖ב לֶאֱכ֣וֹל הָאָ֑רֶץ וְאִם־אֲשַׁלַּ֥ח דֶּ֖בֶר בְּעַמִּֽי׃

‎14 ‏וְיִכָּנְע֨וּ עַמִּ֜י אֲשֶׁ֧ר נִֽקְרָא־שְׁמִ֣י עֲלֵיהֶ֗ם וְיִֽתְפַּֽלְלוּ֙ וִֽיבַקְשׁ֣וּ פָנַ֔י וְיָשֻׁ֖בוּ מִדַּרְכֵיהֶ֣ם הָרָעִ֑ים וַאֲנִי֙ אֶשְׁמַ֣ע מִן־הַשָּׁמַ֔יִם וְאֶסְלַח֙ לְחַטָּאתָ֔ם וְאֶרְפָּ֖א אֶת־אַרְצָֽם׃

‎15 ‏עַתָּ֗ה עֵינַי֙ יִהְי֣וּ פְתֻח֔וֹת וְאָזְנַ֖י קַשֻּׁב֑וֹת לִתְפִלַּ֖ת הַמָּק֥וֹם הַזֶּֽה׃

‎16 ‏וְעַתָּ֗ה בָּחַ֤רְתִּי וְהִקְדַּ֙שְׁתִּי֙ אֶת־הַבַּ֣יִת הַזֶּ֔ה לִהְיוֹת־שְׁמִ֥י שָׁ֖ם עַד־עוֹלָ֑ם וְהָי֨וּ עֵינַ֧י וְלִבִּ֛י שָׁ֖ם כָּל־הַיָּמִֽים׃

‎17 ‏וְאַתָּ֞ה אִם־תֵּלֵ֣ךְ לְפָנַ֗י כַּאֲשֶׁ֤ר הָלַךְ֙ דָּוִ֣יד אָבִ֔יךָ וְלַעֲשׂ֕וֹת כְּכֹ֖ל אֲשֶׁ֣ר צִוִּיתִ֑יךָ וְחֻקַּ֥י וּמִשְׁפָּטַ֖י תִּשְׁמֽוֹר׃

‎18 ‏וַהֲקִ֣ימוֹתִ֔י אֵ֖ת כִּסֵּ֣א מַלְכוּתֶ֑ךָ כַּאֲשֶׁ֣ר כָּרַ֗תִּי לְדָוִ֤יד אָבִ֙יךָ֙ לֵאמֹ֔ר לֹֽא־יִכָּרֵ֤ת לְךָ֙ אִ֔ישׁ מוֹשֵׁ֖ל בְּיִשְׂרָאֵֽל׃

‎19 ‏וְאִם־תְּשׁוּב֣וּן אַתֶּ֔ם וַעֲזַבְתֶּם֙ חֻקּוֹתַ֣י וּמִצְוֹתַ֔י אֲשֶׁ֥ר נָתַ֖תִּי לִפְנֵיכֶ֑ם וַהֲלַכְתֶּ֗ם וַעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּחֲוִיתֶ֖ם לָהֶֽם׃

‎20 ‏וּנְתַשְׁתִּ֗ים מֵעַ֤ל אַדְמָתִי֙ אֲשֶׁ֣ר נָתַ֣תִּי לָהֶ֔ם וְאֶת־הַבַּ֤יִת הַזֶּה֙ אֲשֶׁ֣ר הִקְדַּ֣שְׁתִּי לִשְׁמִ֔י אַשְׁלִ֖יךְ מֵעַ֣ל פָּנָ֑י וְאֶתְּנֶ֛נּוּ לְמָשָׁ֥ל וְלִשְׁנִינָ֖ה בְּכָל־הָעַמִּֽים׃

‎21 ‏וְהַבַּ֤יִת הַזֶּה֙ אֲשֶׁ֣ר הָיָ֣ה עֶלְי֔וֹן לְכָל־עֹבֵ֥ר עָלָ֖יו יִשֹּׁ֑ם וְאָמַ֗ר בַּמֶּ֨ה עָשָׂ֤ה יְהוָה֙ כָּ֔כָה לָאָ֥רֶץ הַזֹּ֖את וְלַבַּ֥יִת הַזֶּֽה׃

‎22 ‏וְאָמְר֗וּ עַל֩ אֲשֶׁ֨ר עָֽזְב֜וּ אֶת־יְהוָ֣ה׀ אֱלֹהֵ֣י אֲבֹתֵיהֶ֗ם אֲשֶׁ֣ר הוֹצִיאָם֮ מֵאֶ֣רֶץ מִצְרַיִם֒ וַֽיַּחֲזִ֙יקוּ֙ בֵּאלֹהִ֣ים אֲחֵרִ֔ים וַיִּשְׁתַּחֲו֥וּ לָהֶ֖ם וַיַּֽעַבְד֑וּם עַל־כֵּן֙ הֵבִ֣יא עֲלֵיהֶ֔ם אֵ֥ת כָּל־הָרָעָ֖ה הַזֹּֽאת׃ פ

1 ûḵəḵallwōṯ šəlōmōh ləhiṯəpallēl wəhā’ēš yārəḏâ mēhaššāmayim watō’ḵal hā‘ōlâ wəhazzəḇāḥîm ûḵəḇwōḏ yəhwâ mālē’ ’eṯ-habāyiṯ:

2 wəlō’ yāḵəlû hakōhănîm lāḇwō’ ’el-bêṯ yəhwâ kî-mālē’ ḵəḇwōḏ-yəhwâ ’eṯ-bêṯ yəhwâ:

3 wəḵōl| bənê yiśərā’ēl rō’îm bəreḏeṯ hā’ēš ûḵəḇwōḏ yəhwâ ‘al-habāyiṯ wayyiḵərə‘û ’apayim ’arəṣâ ‘al-hāriṣəfâ wayyišət^aḥăwû wəhwōḏwōṯ layhwâ kî ṭwōḇ kî lə‘wōlām ḥasədwō:

4 wəhammeleḵə wəḵāl-hā‘ām zōḇəḥîm zeḇ^aḥ lifənê yəhwâ: s

5 wayyizəb^aḥ hammeleḵə šəlōmōh ’eṯ-zeḇ^aḥ habāqār ‘eśərîm ûšənayim ’elef wəṣō’n mē’â wə‘eśərîm ’ālef wayy^aḥənəḵû ’eṯ-bêṯ hā’ĕlōhîm hammeleḵə wəḵāl-hā‘ām:

6 wəhakōhănîm ‘al-mišəmərwōṯām ‘ōməḏîm wəhaləwîyim biḵəlê-šîr yəhwâ ’ăšer ‘āśâ dāwîḏ hammeleḵə ləhōḏwōṯ layhwâ kî-lə‘wōlām ḥasədwō bəhallēl dāwîḏ bəyāḏām wəhakōhănîm m^aḥăṣōṣərîm m^aḥəṣərîm neḡədām wəḵāl-yiśərā’ēl ‘ōməḏîm: s

7 wayəqadēš šəlōmōh ’eṯ-twōḵə heḥāṣēr ’ăšer lifənê ḇêṯ-yəhwâ kî-‘āśâ šām hā‘ōlwōṯ wə’ēṯ ḥeləḇê haššəlāmîm kî-mizəb^aḥ hannəḥōšeṯ ’ăšer ‘āśâ šəlōmōh lō’ yāḵwōl ləhāḵîl ’eṯ-hā‘ōlâ wə’eṯ-hamminəḥâ wə’eṯ-h^aḥălāḇîm:

8 wayy^a‘aś šəlōmōh ’eṯ-heḥāḡ bā‘ēṯ hahî’ šiḇə‘aṯ yāmîm wəḵāl-yiśərā’ēl ‘immwō qâāl gāḏwōl mə’ōḏ milləḇwō’ ḥămāṯ ‘aḏ-n^aḥal miṣərāyim:

9 wayy^a‘ăśû bayywōm haššəmînî ‘ăṣāreṯ kî| ḥănukaṯ hammizəbēḥa ‘āśû šiḇə‘aṯ yāmîm wəheḥāḡ šiḇə‘aṯ yāmîm:

10 ûḇəywōm ‘eśərîm ûšəlōšâ l^aḥōḏeš haššəḇî‘î šill^aḥ ’eṯ-hā‘ām lə’âŏlêhem śəmēḥîm wəṭwōḇê lēḇ ‘al-haṭṭwōḇâ ’ăšer ‘āśâ yəhwâ ləḏāwîḏ wəlišəlōmōh ûləyiśərā’ēl ‘ammwō:

11 wayəḵal šəlōmōh ’eṯ-bêṯ yəhwâ wə’eṯ-bêṯ hammeleḵə wə’ēṯ kāl-habā’ ‘al-lēḇ šəlōmōh l^a‘ăśwōṯ bəḇêṯ-yəhwâ ûḇəḇêṯwō hiṣəlîḥa: f

12 wayyērā’ yəhwâ ’el-šəlōmōh ballāyəlâ wayyō’mer lwō šām^a‘ətî ’eṯ-təfillāṯeḵā ûḇāḥarətî bammāqwōm hazzeh lî ləḇêṯ zāḇ^aḥ:

13 hēn ’e‘ĕṣōr haššāmayim wəlō’-yihəyeh māṭār wəhēn-’ăṣaûeh ‘al-ḥāḡāḇ le’ĕḵwōl hā’āreṣ wə’im-’ăšall^aḥ deḇer bə‘ammî:

14 wəyikānə‘û ‘ammî ’ăšer niqərā’-šəmî ‘ălêhem wəyiṯəpaləlû wîḇaqəšû fānay wəyāšuḇû midarəḵêhem hārā‘îm wa’ănî ’ešəm^a‘ min-haššāmayim wə’esəl^aḥ ləḥaṭṭā’ṯām wə’erəpā’ ’eṯ-’arəṣām:

15 ‘atâ ‘ênay yihəyû fəṯuḥwōṯ wə’āzənay qaššuḇwōṯ liṯəfillaṯ hammāqwōm hazzeh:

16 wə‘atâ bāḥarətî wəhiqədašətî ’eṯ-habayiṯ hazzeh lihəywōṯ-šəmî šām ‘aḏ-‘wōlām wəhāyû ‘ênay wəlibî šām kāl-hayyāmîm:

17 wə’atâ ’im-tēlēḵə ləfānay ka’ăšer hālaḵə dāwîḏ ’āḇîḵā wəl^a‘ăśwōṯ kəḵōl ’ăšer ṣiûîṯîḵā wəḥuqqay ûmišəpāṭay tišəmwōr:

18 wahăqîmwōṯî ’ēṯ kissē’ maləḵûṯeḵā ka’ăšer kāratî ləḏāwîḏ ’āḇîḵā lē’mōr lō’-yikārēṯ ləḵā ’îš mwōšēl bəyiśərā’ēl:

19 wə’im-təšûḇûn ’atem w^a‘ăzaḇətem ḥuqqwōṯay ûmiṣəwōṯay ’ăšer nāṯatî lifənêḵem wahălaḵətem w^a‘ăḇaḏətem ’ĕlōhîm ’ăḥērîm wəhišət^aḥăwîṯem lâem:

20 ûnəṯašətîm mē‘al ’aḏəmāṯî ’ăšer nāṯatî lâem wə’eṯ-habayiṯ hazzeh ’ăšer hiqədašətî lišəmî ’ašəlîḵə mē‘al pānāy wə’etənennû ləmāšāl wəlišənînâ bəḵāl-hā‘ammîm:

21 wəhabayiṯ hazzeh ’ăšer hāyâ ‘eləywōn ləḵāl-‘ōḇēr ‘ālāyw yiššōm wə’āmar bammeh ‘āśâ yəhwâ kāḵâ lā’āreṣ hazzō’ṯ wəlabayiṯ hazzeh:

22 wə’āmərû ‘al ’ăšer ‘āzəḇû ’eṯ-yəhwâ| ’ĕlōhê ’ăḇōṯêhem ’ăšer hwōṣî’ām mē’ereṣ miṣərayim wayy^aḥăzîqû bē’lōhîm ’ăḥērîm wayyišət^aḥăwû lâem wayy^a‘aḇəḏûm ‘al-kēn hēḇî’ ‘ălêhem ’ēṯ kāl-hārā‘â hazzō’ṯ: f