‎1 ‏וַ֠יָּשָׁב יְהוֹשָׁפָ֨ט מֶֽלֶךְ־יְהוּדָ֧ה אֶל־בֵּית֛וֹ בְּשָׁל֖וֹם לִֽירוּשָׁלִָֽם׃

‎2 ‏וַיֵּצֵ֣א אֶל־פָּנָ֗יו יֵה֣וּא בֶן־חֲנָ֘נִי֮ הַחֹזֶה֒ וַיֹּ֙אמֶר֙ אֶל־הַמֶּ֣לֶךְ יְהוֹשָׁפָ֔ט הֲלָרָשָׁ֣ע לַעְזֹ֔ר וּלְשֹׂנְאֵ֥י יְהוָ֖ה תֶּאֱהָ֑ב וּבָזֹאת֙ עָלֶ֣יךָ קֶּ֔צֶף מִלִּפְנֵ֖י יְהוָֽה׃

‎3 ‏אֲבָ֕ל דְּבָרִ֥ים טוֹבִ֖ים נִמְצְא֣וּ עִמָּ֑ךְ כִּֽי־בִעַ֤רְתָּ הָאֲשֵׁרוֹת֙ מִן־הָאָ֔רֶץ וַהֲכִינ֥וֹתָ לְבָבְךָ֖ לִדְרֹ֥שׁ הָֽאֱלֹהִֽים׃

‎4 ‏וַיֵּ֥שֶׁב יְהוֹשָׁפָ֖ט בִּירוּשָׁלִָ֑ם סוַיָּ֜שָׁב וַיֵּצֵ֣א בָעָ֗ם מִבְּאֵ֥ר שֶׁ֙בַע֙ עַד־הַ֣ר אֶפְרַ֔יִם וַיְשִׁיבֵ֕ם אֶל־יְהוָ֖ה אֱלֹהֵ֥י אֲבוֹתֵיהֶֽם׃

‎5 ‏וַיַּעֲמֵ֨ד שֹֽׁפְטִ֜ים בָּאָ֗רֶץ בְּכָל־עָרֵ֧י יְהוּדָ֛ה הַבְּצֻר֖וֹת לְעִ֥יר וָעִֽיר׃

‎6 ‏וַיֹּ֣אמֶר אֶל־הַשֹּֽׁפְטִ֗ים רְאוּ֙ מָֽה־אַתֶּ֣ם עֹשִׂ֔ים כִּ֣י לֹ֧א לְאָדָ֛ם תִּשְׁפְּט֖וּ כִּ֣י לַיהוָ֑ה וְעִמָּכֶ֖ם בִּדְבַ֥ר מִשְׁפָּֽט׃

‎7 ‏וְעַתָּ֕ה יְהִ֥י³ פַֽחַד־יְהוָ֖ה עֲלֵיכֶ֑ם שִׁמְר֣וּ וַעֲשׂ֔וּ כִּֽי־אֵ֞ין עִם־יְהוָ֣ה אֱלֹהֵ֗ינוּ עַוְלָ֛ה וּמַשֹּׂ֥א פָנִ֖ים וּמִקַּח־שֹֽׁחַד׃

‎8 ‏וְגַ֣ם בִּ֠ירוּשָׁלִַם הֶעֱמִ֨יד יְהוֹשָׁפָ֜ט מִן־הַלְוִיִּ֣ם וְהַכֹּהֲנִ֗ים וּמֵרָאשֵׁ֤י הָאָבוֹת֙ לְיִשְׂרָאֵ֔ל לְמִשְׁפַּ֥ט יְהוָ֖ה וְלָרִ֑יב וַיָּשֻׁ֖בוּ יְרוּשָׁלִָֽם׃

‎9 ‏וַיְצַ֥ו עֲלֵיהֶ֖ם לֵאמֹ֑ר כֹּ֤ה תַעֲשׂוּן֙ בְּיִרְאַ֣ת יְהוָ֔ה בֶּאֱמוּנָ֖ה וּבְלֵבָ֥ב שָׁלֵֽם׃

‎10 ‏וְכָל־רִיב֩ אֲשֶׁר־יָב֨וֹא עֲלֵיכֶ֜ם מֵאֲחֵיכֶ֣ם׀ הַיֹּשְׁבִ֣ים בְּעָרֵיהֶ֗ם בֵּֽין־דָּ֣ם׀ לְדָם֮ בֵּין־תּוֹרָ֣ה לְמִצְוָה֮ לְחֻקִּ֣ים וּלְמִשְׁפָּטִים֒ וְהִזְהַרְתֶּ֣ם אֹתָ֔ם וְלֹ֤א יֶאְשְׁמוּ֙ לַיהוָ֔ה וְהָֽיָה־קֶ֥צֶף עֲלֵיכֶ֖ם וְעַל־אֲחֵיכֶ֑ם כֹּ֥ה תַעֲשׂ֖וּן וְלֹ֥א תֶאְשָֽׁמוּ׃

‎11 ‏וְהִנֵּ֡ה אֲמַרְיָ֣הוּ כֹהֵן֩ הָרֹ֨אשׁ עֲלֵיכֶ֜ם לְכֹ֣ל דְּבַר־יְהוָ֗ה וּזְבַדְיָ֨הוּ בֶן־יִשְׁמָעֵ֜אל הַנָּגִ֤יד לְבֵית־יְהוּדָה֙ לְכֹ֣ל דְּבַר־הַמֶּ֔לֶךְ וְשֹׁטְרִ֥ים הַלְוִיִּ֖ם לִפְנֵיכֶ֑ם חִזְק֣וּ וַעֲשׂ֔וּ וִיהִ֥י יְהוָ֖ה עִם־הַטּֽוֹב׃ פ

1 wayyāšāḇ yəhwōšāfāṭ meleḵə-yəhûḏâ ’el-bêṯwō bəšālwōm lîrûšālāim:

2 wayyēṣē’ ’el-pānāyw yēhû’ ḇen-ḥănānî h^aḥōzeh wayyō’mer ’el-hammeleḵə yəhwōšāfāṭ hălārāšā‘ l^a‘əzōr ûləśōnə’ê yəhwâ te’ĕhāḇ ûḇāzō’ṯ ‘āleyḵā qqeṣef millifənê yəhwâ:

3 ’ăḇāl dəḇārîm ṭwōḇîm niməṣə’û ‘immāḵə kî-ḇi‘arətā hā’ăšērwōṯ min-hā’āreṣ wahăḵînwōṯā ləḇāḇəḵā liḏərōš hā’ĕlōhîm:

4 wayyēšeḇ yəhwōšāfāṭ bîrûšālāim swayyāšāḇ wayyēṣē’ ḇā‘ām mibə’ēr šeḇ^a‘ ‘aḏ-har ’efərayim wayəšîḇēm ’el-yəhwâ ’ĕlōhê ’ăḇwōṯêhem:

5 wayy^a‘ămēḏ šōfəṭîm bā’āreṣ bəḵāl-‘ārê yəhûḏâ habəṣurwōṯ lə‘îr wā‘îr:

6 wayyō’mer ’el-haššōfəṭîm rə’û mâ-’atem ‘ōśîm kî lō’ lə’āḏām tišəpəṭû kî layhwâ wə‘immāḵem biḏəḇar mišəpāṭ:

7 wə‘atâ yəhî³ f^aḥaḏ-yəhwâ ‘ălêḵem šimərû w^a‘ăśû kî-’ên ‘im-yəhwâ ’ĕlōhênû ‘awəlâ ûmaśśō’ fānîm ûmiqq^aḥ-šōḥaḏ:

8 wəḡam bîrûšālaim he‘ĕmîḏ yəhwōšāfāṭ min-haləwîyim wəhakōhănîm ûmērā’šê hā’āḇwōṯ ləyiśərā’ēl ləmišəpaṭ yəhwâ wəlārîḇ wayyāšuḇû yərûšālāim:

9 wayəṣaw ‘ălêhem lē’mōr kōh ṯ^a‘ăśûn bəyirə’aṯ yəhwâ be’ĕmûnâ ûḇəlēḇāḇ šālēm:

10 wəḵāl-rîḇ ’ăšer-yāḇwō’ ‘ălêḵem mē’ăḥêḵem| hayyōšəḇîm bə‘ārêhem bên-dām| ləḏām bên-twōrâ ləmiṣəwâ ləḥuqqîm ûləmišəpāṭîm wəhizəharətem ’ōṯām wəlō’ ye’əšəmû layhwâ wəhāyâ-qeṣef ‘ălêḵem wə‘al-’ăḥêḵem kōh ṯ^a‘ăśûn wəlō’ ṯe’əšāmû:

11 wəhinnēh ’ămarəyâû ḵōhēn hārō’š ‘ălêḵem ləḵōl dəḇar-yəhwâ ûzəḇaḏəyâû ḇen-yišəmā‘ē’l hannāḡîḏ ləḇêṯ-yəhûḏâ ləḵōl dəḇar-hammeleḵə wəšōṭərîm haləwîyim lifənêḵem ḥizəqû w^a‘ăśû wîhî yəhwâ ‘im-haṭṭwōḇ: f