‎1 ‏וַאֲנִי֙ בִּשְׁנַ֣ת אַחַ֔ת לְדָרְיָ֖וֶשׁ הַמָּדִ֑י עָמְדִ֛י לְמַחֲזִ֥יק וּלְמָע֖וֹז לֽוֹ׃

‎2 ‏וְעַתָּ֕ה אֱמֶ֖ת אַגִּ֣יד לָ֑ךְ הִנֵּה־עוֹד֩ שְׁלֹשָׁ֨ה מְלָכִ֜ים עֹמְדִ֣ים לְפָרַ֗ס וְהָֽרְבִיעִי֙ יַעֲשִׁ֤יר עֹֽשֶׁר־גָּדוֹל֙ מִכֹּ֔ל וּכְחֶזְקָת֣וֹ בְעָשְׁר֔וֹ יָעִ֣יר הַכֹּ֔ל אֵ֖ת מַלְכ֥וּת יָוָֽן׃

‎3 ‏וְעָמַ֖ד מֶ֣לֶךְ גִּבּ֑וֹר וּמָשַׁל֙ מִמְשָׁ֣ל רַ֔ב וְעָשָׂ֖ה כִּרְצוֹנֽוֹ׃

‎4 ‏וּכְעָמְדוֹ֙ תִּשָּׁבֵ֣ר מַלְכוּת֔וֹ וְתֵחָ֕ץ לְאַרְבַּ֖ע רוּח֣וֹת הַשָּׁמָ֑יִם וְלֹ֣א לְאַחֲרִית֗וֹ וְלֹ֤א כְמָשְׁלוֹ֙ אֲשֶׁ֣ר מָשָׁ֔ל כִּ֤י תִנָּתֵשׁ֙ מַלְכוּת֔וֹ וְלַאֲחֵרִ֖ים מִלְּבַד־אֵֽלֶּה׃

‎5 ‏וְיֶחֱזַ֥ק מֶֽלֶךְ־הַנֶּ֖גֶב וּמִן־שָׂרָ֑יו וְיֶחֱזַ֤ק עָלָיו֙ וּמָשָׁ֔ל מִמְשָׁ֥ל רַ֖ב מֶמְשַׁלְתּֽוֹ׃

‎6 ‏וּלְקֵ֤ץ שָׁנִים֙ יִתְחַבָּ֔רוּ וּבַ֣ת מֶֽלֶךְ־הַנֶּ֗גֶב תָּבוֹא֙ אֶל־מֶ֣לֶךְ הַצָּפ֔וֹן לַעֲשׂ֖וֹת מֵישָׁרִ֑ים וְלֹֽא־תַעְצֹ֞ר כּ֣וֹחַ הַזְּר֗וֹעַ וְלֹ֤א יַעֲמֹד֙ וּזְרֹע֔וֹ וְתִנָּתֵ֨ן הִ֤יא וּמְבִיאֶ֙יהָ֙ וְהַיֹּ֣לְדָ֔הּ וּמַחֲזִקָ֖הּ בָּעִתִּֽים׃

‎7 ‏וְעָמַ֛ד מִנֵּ֥צֶר שָׁרָשֶׁ֖יהָ כַּנּ֑וֹ וְיָבֹ֣א אֶל־הַחַ֗יִל וְיָבֹא֙ בְּמָעוֹז֙ מֶ֣לֶךְ הַצָּפ֔וֹן וְעָשָׂ֥ה בָהֶ֖ם וְהֶחֱזִֽיק׃

‎8 ‏וְגַ֣ם אֱ‍ֽלֹהֵיהֶ֡ם עִם־נְסִֽכֵיהֶם֩ עִם־כְּלֵ֨י חֶמְדָּתָ֜ם כֶּ֧סֶף וְזָהָ֛ב בַּשְּׁבִ֖י יָבִ֣א מִצְרָ֑יִם וְהוּא֙ שָׁנִ֣ים יַעֲמֹ֔ד מִמֶּ֖לֶךְ הַצָּפֽוֹן׃³

‎9 ‏וּבָ֗א בְּמַלְכוּת֙ מֶ֣לֶךְ הַנֶּ֔גֶב וְשָׁ֖ב אֶל־אַדְמָתֽוֹ׃

‎10 ‏ובנו וּבָנָ֣יו יִתְגָּר֗וּ וְאָסְפוּ֙ הֲמוֹן֙ חֲיָלִ֣ים רַבִּ֔ים וּבָ֥א ב֖וֹא וְשָׁטַ֣ף וְעָבָ֑ר וְיָשֹׁ֥ב ויתגרו וְיִתְגָּרֶ֖ה עַד־מעזה מָעֻזּֽוֹ׃

‎11 ‏וְיִתְמַרְמַר֙ מֶ֣לֶךְ הַנֶּ֔גֶב וְיָצָ֕א וְנִלְחַ֥ם עִמּ֖וֹ עִם־מֶ֣לֶךְ הַצָּפ֑וֹן וְהֶעֱמִיד֙ הָמ֣וֹן רָ֔ב וְנִתַּ֥ן הֶהָמ֖וֹן בְּיָדֽוֹ׃

‎12 ‏וְנִשָּׂ֥א הֶהָמ֖וֹן ירום וְרָ֣ם לְבָב֑וֹ וְהִפִּ֛יל³ רִבֹּא֖וֹת וְלֹ֥א יָעֽוֹז׃

‎13 ‏וְשָׁב֙ מֶ֣לֶךְ הַצָּפ֔וֹן וְהֶעֱמִ֣יד הָמ֔וֹן רַ֖ב מִן־הָרִאשׁ֑וֹן וּלְקֵ֨ץ הָֽעִתִּ֤ים שָׁנִים֙ יָ֣בוֹא ב֔וֹא בְּחַ֥יִל גָּד֖וֹל וּבִרְכ֥וּשׁ רָֽב׃

‎14 ‏וּבָעִתִּ֣ים הָהֵ֔ם רַבִּ֥ים יַֽעַמְד֖וּ עַל־מֶ֣לֶךְ הַנֶּ֑גֶב וּבְנֵ֣י׀ פָּרִיצֵ֣י עַמְּךָ֗ יִֽנַּשְּׂא֛וּ לְהַעֲמִ֥יד חָז֖וֹן וְנִכְשָֽׁלוּ׃

‎15 ‏וְיָבֹא֙ מֶ֣לֶךְ הַצָּפ֔וֹן וְיִשְׁפֹּךְ֙ סֽוֹלֲלָ֔ה וְלָכַ֖ד עִ֣יר מִבְצָר֑וֹת וּזְרֹע֤וֹת הַנֶּ֙גֶב֙ לֹ֣א יַעֲמֹ֔דוּ וְעַם֙ מִבְחָרָ֔יו וְאֵ֥ין כֹּ֖חַ לַעֲמֹֽד׃

‎16 ‏וְיַ֨עַשׂ הַבָּ֤א אֵלָיו֙ כִּרְצוֹנ֔וֹ וְאֵ֥ין עוֹמֵ֖ד לְפָנָ֑יו וְיַעֲמֹ֥ד בְּאֶֽרֶץ־הַצְּבִ֖י וְכָלָ֥ה בְיָדֽוֹ׃

‎17 ‏וְיָשֵׂ֣ם׀ פָּ֠נָיו לָב֞וֹא בְּתֹ֧קֶף כָּל־מַלְכוּת֛וֹ וִישָׁרִ֥ים עִמּ֖וֹ וְעָשָׂ֑ה וּבַ֤ת הַנָּשִׁים֙ יִתֶּן־ל֣וֹ לְהַשְׁחִיתָ֔הּ וְלֹ֥א תַעֲמֹ֖ד וְלֹא־ל֥וֹ תִהְיֶֽה׃

‎18 ‏וישב וְיָשֵׂ֧ם׀³ פָּנָ֛יו לְאִיִּ֖ים וְלָכַ֣ד רַבִּ֑ים וְהִשְׁבִּ֨ית קָצִ֤ין חֶרְפָּתוֹ֙ ל֔וֹ בִּלְתִּ֥י חֶרְפָּת֖וֹ יָשִׁ֥יב לֽוֹ׃

‎19 ‏וְיָשֵׁ֣ב פָּנָ֔יו לְמָעוּזֵּ֖י אַרְצ֑וֹ וְנִכְשַׁ֥ל וְנָפַ֖ל וְלֹ֥א יִמָּצֵֽא׃

‎20 ‏וְעָמַ֧ד עַל־כַּנּ֛וֹ מַעֲבִ֥יר נוֹגֵ֖שׂ הֶ֣דֶר מַלְכ֑וּת וּבְיָמִ֤ים אֲחָדִים֙ יִשָּׁבֵ֔ר וְלֹ֥א בְאַפַּ֖יִם וְלֹ֥א בְמִלְחָמָֽה׃

‎21 ‏וְעָמַ֤ד עַל־כַּנּוֹ֙ נִבְזֶ֔ה וְלֹא־נָתְנ֥וּ עָלָ֖יו ה֣וֹד מַלְכ֑וּת וּבָ֣א בְשַׁלְוָ֔ה וְהֶחֱזִ֥יק מַלְכ֖וּת בַּחֲלַקְלַקּֽוֹת׃

‎22 ‏וּזְרֹע֥וֹת הַשֶּׁ֛טֶף יִשָּׁטְפ֥וּ מִלְּפָנָ֖יו וְיִשָּׁבֵ֑רוּ וְגַ֖ם נְגִ֥יד בְּרִֽית׃

‎23 ‏וּמִן־הִֽתְחַבְּר֥וּת אֵלָ֖יו יַעֲשֶׂ֣ה מִרְמָ֑ה וְעָלָ֥ה וְעָצַ֖ם בִּמְעַט־גּֽוֹי׃

‎24 ‏בְּשַׁלְוָ֞ה וּבְמִשְׁמַנֵּ֣י מְדִינָה֮ יָבוֹא֒ וְעָשָׂ֗ה אֲשֶׁ֨ר לֹא־עָשׂ֤וּ אֲבֹתָיו֙ וַאֲב֣וֹת אֲבֹתָ֔יו בִּזָּ֧ה וְשָׁלָ֛ל וּרְכ֖וּשׁ לָהֶ֣ם יִבְז֑וֹר וְעַ֧ל מִבְצָרִ֛ים יְחַשֵּׁ֥ב מַחְשְׁבֹתָ֖יו וְעַד־עֵֽת׃

‎25 ‏וְיָעֵר֩ כֹּח֨וֹ וּלְבָב֜וֹ עַל־מֶ֣לֶךְ הַנֶּגֶב֮ בְּחַ֣יִל גָּדוֹל֒ וּמֶ֣לֶךְ הַנֶּ֗גֶב יִתְגָּרֶה֙ לַמִּלְחָמָ֔ה בְּחַֽיִל־גָּד֥וֹל וְעָצ֖וּם עַד־מְאֹ֑ד וְלֹ֣א יַעֲמֹ֔ד כִּֽי־יַחְשְׁב֥וּ עָלָ֖יו מַחֲשָׁבֽוֹת׃

‎26 ‏וְאֹכְלֵ֧י פַת־בָּג֛וֹ יִשְׁבְּר֖וּהוּ וְחֵיל֣וֹ יִשְׁט֑וֹף וְנָפְל֖וּ חֲלָלִ֥ים רַבִּֽים׃

‎27 ‏וּשְׁנֵיהֶ֤ם הַמְּלָכִים֙ לְבָבָ֣ם לְמֵרָ֔ע וְעַל־שֻׁלְחָ֥ן אֶחָ֖ד כָּזָ֣ב יְדַבֵּ֑רוּ וְלֹ֣א תִצְלָ֔ח כִּי־ע֥וֹד קֵ֖ץ לַמּוֹעֵֽד׃

‎28 ‏וְיָשֹׁ֤ב אַרְצוֹ֙ בִּרְכ֣וּשׁ גָּד֔וֹל וּלְבָב֖וֹ עַל־בְּרִ֣ית קֹ֑דֶשׁ וְעָשָׂ֖ה וְשָׁ֥ב לְאַרְצֽוֹ׃

‎29 ‏לַמּוֹעֵ֥ד יָשׁ֖וּב וּבָ֣א בַנֶּ֑גֶב וְלֹֽא־תִהְיֶ֥ה כָרִאשֹׁנָ֖ה וְכָאַחֲרֹנָֽה׃

‎30 ‏וּבָ֨אוּ ב֜וֹ צִיִּ֤ים כִּתִּים֙ וְנִכְאָ֔ה וְשָׁ֛ב וְזָעַ֥ם עַל־בְּרִֽית־ק֖וֹדֶשׁ וְעָשָׂ֑ה וְשָׁ֣ב וְיָבֵ֔ן עַל־עֹזְבֵ֖י בְּרִ֥ית קֹֽדֶשׁ׃

‎31 ‏וּזְרֹעִ֖ים מִמֶּ֣נּוּ יַעֲמֹ֑דוּ וְחִלְּל֞וּ הַמִּקְדָּ֤שׁ הַמָּעוֹז֙ וְהֵסִ֣ירוּ הַתָּמִ֔יד וְנָתְנ֖וּ הַשִּׁקּ֥וּץ מְשׁוֹמֵֽם׃

‎32 ‏וּמַרְשִׁיעֵ֣י בְרִ֔ית יַחֲנִ֖יף בַּחֲלַקּ֑וֹת וְעַ֛ם יֹדְעֵ֥י אֱלֹהָ֖יו יַחֲזִ֥קוּ וְעָשֽׂוּ׃

‎33 ‏וּמַשְׂכִּ֣ילֵי עָ֔ם יָבִ֖ינוּ לָֽרַבִּ֑ים וְנִכְשְׁל֞וּ בְּחֶ֧רֶב וּבְלֶהָבָ֛ה בִּשְׁבִ֥י וּבְבִזָּ֖ה יָמִֽים׃

‎34 ‏וּבְהִכָּ֣שְׁלָ֔ם יֵעָזְר֖וּ עֵ֣זֶר מְעָ֑ט וְנִלְו֧וּ עֲלֵיהֶ֛ם רַבִּ֖ים בַּחֲלַקְלַקּֽוֹת׃

‎35 ‏וּמִן־הַמַּשְׂכִּילִ֣ים יִכָּֽשְׁל֗וּ לִצְר֥וֹף בָּהֶ֛ם וּלְבָרֵ֥ר וְלַלְבֵּ֖ן עַד־עֵ֣ת קֵ֑ץ כִּי־ע֖וֹד לַמּוֹעֵֽד׃

‎36 ‏וְעָשָׂ֨ה כִרְצוֹנ֜וֹ הַמֶּ֗לֶךְ וְיִתְרוֹמֵ֤ם וְיִתְגַּדֵּל֙ עַל־כָּל־אֵ֔ל וְעַל֙ אֵ֣ל אֵלִ֔ים יְדַבֵּ֖ר נִפְלָא֑וֹת וְהִצְלִ֙יחַ֙ עַד־כָּ֣לָה זַ֔עַם כִּ֥י נֶחֱרָצָ֖ה נֶעֱשָֽׂתָה׃

‎37 ‏וְעַל־אֱלֹהֵ֤י אֲבֹתָיו֙ לֹ֣א יָבִ֔ין וְעַל־חֶמְדַּ֥ת נָשִׁ֛ים וְעַֽל־כָּל־אֱל֖וֹהַּ לֹ֣א יָבִ֑ין כִּ֥י עַל־כֹּ֖ל יִתְגַּדָּֽל׃

‎38 ‏וְלֶאֱלֹ֙הַּ֙ מָֽעֻזִּ֔ים עַל־כַּנּ֖וֹ יְכַבֵּ֑ד וְלֶאֱל֜וֹהַּ אֲשֶׁ֧ר לֹא־יְדָעֻ֣הוּ אֲבֹתָ֗יו יְכַבֵּ֛ד בְּזָהָ֥ב וּבְכֶ֛סֶף וּבְאֶ֥בֶן יְקָרָ֖ה וּבַחֲמֻדֽוֹת׃

‎39 ‏וְעָשָׂ֞ה לְמִבְצְרֵ֤י מָֽעֻזִּים֙ עִם־אֱל֣וֹהַּ נֵכָ֔ר אֲשֶׁ֥ר הכיר יַכִּ֖יר יַרְבֶּ֣ה כָב֑וֹד וְהִמְשִׁילָם֙ בָּֽרַבִּ֔ים וַאֲדָמָ֖ה יְחַלֵּ֥ק³ בִּמְחִֽיר׃

‎40 ‏וּבְעֵ֣ת קֵ֗ץ יִתְנַגַּ֤ח עִמּוֹ֙ מֶ֣לֶךְ הַנֶּ֔גֶב וְיִשְׂתָּעֵ֨ר עָלָ֜יו מֶ֣לֶךְ הַצָּפ֗וֹן בְּרֶ֙כֶב֙ וּבְפָ֣רָשִׁ֔ים וּבָאֳנִיּ֖וֹת רַבּ֑וֹת וּבָ֥א בַאֲרָצ֖וֹת וְשָׁטַ֥ף וְעָבָֽר׃

‎41 ‏וּבָא֙ בְּאֶ֣רֶץ הַצְּבִ֔י וְרַבּ֖וֹת יִכָּשֵׁ֑לוּ וְאֵ֙לֶּה֙ יִמָּלְט֣וּ מִיָּד֔וֹ אֱד֣וֹם וּמוֹאָ֔ב וְרֵאשִׁ֖ית בְּנֵ֥י עַמּֽוֹן׃

‎42 ‏וְיִשְׁלַ֥ח יָד֖וֹ בַּאֲרָצ֑וֹת וְאֶ֣רֶץ מִצְרַ֔יִם לֹ֥א תִהְיֶ֖ה לִפְלֵיטָֽה׃

‎43 ‏וּמָשַׁ֗ל בְּמִכְמַנֵּי֙ הַזָּהָ֣ב וְהַכֶּ֔סֶף וּבְכֹ֖ל חֲמֻד֣וֹת מִצְרָ֑יִם וְלֻבִ֥ים וְכֻשִׁ֖ים בְּמִצְעָדָֽיו׃

‎44 ‏וּשְׁמֻע֣וֹת יְבַהֲלֻ֔הוּ מִמִּזְרָ֖ח וּמִצָּפ֑וֹן וְיָצָא֙ בְּחֵמָ֣א גְדֹלָ֔ה לְהַשְׁמִ֥יד וּֽלְהַחֲרִ֖ים רַבִּֽים׃

‎45 ‏וְיִטַּע֙ אָהֳלֶ֣י אַפַּדְנ֔וֹ בֵּ֥ין יַמִּ֖ים לְהַר־צְבִי־קֹ֑דֶשׁ וּבָא֙ עַד־קִצּ֔וֹ וְאֵ֥ין עוֹזֵ֖ר לֽוֹ׃

1 wa’ănî bišənaṯ ’^aḥaṯ ləḏārəyāweš hammāḏî ‘āməḏî ləm^aḥăzîq ûləmā‘wōz lwō:

2 wə‘atâ ’ĕmeṯ ’agîḏ lāḵə hinnēh-‘wōḏ šəlōšâ məlāḵîm ‘ōməḏîm ləfāras wəhārəḇî‘î y^a‘ăšîr ‘ōšer-gāḏwōl mikōl ûḵəḥezəqāṯwō ḇə‘āšərwō yā‘îr hakōl ’ēṯ maləḵûṯ yāwān:

3 wə‘āmaḏ meleḵə gibwōr ûmāšal miməšāl raḇ wə‘āśâ kirəṣwōnwō:

4 ûḵə‘āməḏwō tiššāḇēr maləḵûṯwō wəṯēḥāṣ lə’arəb^a‘ rûḥwōṯ haššāmāyim wəlō’ lə’^aḥărîṯwō wəlō’ ḵəmāšəlwō ’ăšer māšāl kî ṯinnāṯēš maləḵûṯwō wəla’ăḥērîm milləḇaḏ-’ēlleh:

5 wəyeḥĕzaq meleḵə-hanneḡeḇ ûmin-śārāyw wəyeḥĕzaq ‘ālāyw ûmāšāl miməšāl raḇ meməšalətwō:

6 ûləqēṣ šānîm yiṯəḥabārû ûḇaṯ meleḵə-hanneḡeḇ tāḇwō’ ’el-meleḵə haṣṣāfwōn l^a‘ăśwōṯ mêšārîm wəlō’-ṯ^a‘əṣōr kwōḥa hazzərwō‘a wəlō’ y^a‘ămōḏ ûzərō‘wō wəṯinnāṯēn hî’ ûməḇî’eyhā wəhayyōləḏāh ûm^aḥăziqāh bā‘itîm:

7 wə‘āmaḏ minnēṣer šārāšeyhā kannwō wəyāḇō’ ’el-h^aḥayil wəyāḇō’ bəmā‘wōz meleḵə haṣṣāfwōn wə‘āśâ ḇâem wəheḥĕzîq:

8 wəḡam ’ĕ‍lōhêhem ‘im-nəsiḵêhem ‘im-kəlê ḥemədāṯām kesef wəzâāḇ baššəḇî yāḇi’ miṣərāyim wəhû’ šānîm y^a‘ămōḏ mimmeleḵə haṣṣāfwōn:³

9 ûḇā’ bəmaləḵûṯ meleḵə hanneḡeḇ wəšāḇ ’el-’aḏəmāṯwō:

10 ûḇānāw ûḇānāyw yiṯəgārû wə’āsəfû hămwōn ḥăyālîm rabîm ûḇā’ ḇwō’ wəšāṭaf wə‘āḇār wəyāšōḇ wəyiṯəgārû wəyiṯəgāreh ‘aḏ-mā‘uzzōh mā‘uzzwō:

11 wəyiṯəmarəmar meleḵə hanneḡeḇ wəyāṣā’ wəniləḥam ‘immwō ‘im-meleḵə haṣṣāfwōn wəhe‘ĕmîḏ hāmwōn rāḇ wənitan hehāmwōn bəyāḏwō:

12 wəniśśā’ hehāmwōn yārûm wərām ləḇāḇwō wəhipîl³ ribō’wōṯ wəlō’ yā‘wōz:

13 wəšāḇ meleḵə haṣṣāfwōn wəhe‘ĕmîḏ hāmwōn raḇ min-hāri’šwōn ûləqēṣ hā‘itîm šānîm yāḇwō’ ḇwō’ bəḥayil gāḏwōl ûḇirəḵûš rāḇ:

14 ûḇā‘itîm hâēm rabîm y^a‘aməḏû ‘al-meleḵə hanneḡeḇ ûḇənê| pārîṣê ‘amməḵā yinnaśśə’û ləh^a‘ămîḏ ḥāzwōn wəniḵəšālû:

15 wəyāḇō’ meleḵə haṣṣāfwōn wəyišəpōḵə swōlălâ wəlāḵaḏ ‘îr miḇəṣārwōṯ ûzərō‘wōṯ hanneḡeḇ lō’ y^a‘ămōḏû wə‘am miḇəḥārāyw wə’ên kōḥa l^a‘ămōḏ:

16 wəy^a‘aś habā’ ’ēlāyw kirəṣwōnwō wə’ên ‘wōmēḏ ləfānāyw wəy^a‘ămōḏ bə’ereṣ-haṣṣəḇî wəḵālâ ḇəyāḏwō:

17 wəyāśēm| pānāyw lāḇwō’ bəṯōqef kāl-maləḵûṯwō wîšārîm ‘immwō wə‘āśâ ûḇaṯ hannāšîm yiten-lwō ləhašəḥîṯāh wəlō’ ṯ^a‘ămōḏ wəlō’-lwō ṯihəyeh:

18 wəyāšēḇ wəyāśēm|³ pānāyw lə’îyîm wəlāḵaḏ rabîm wəhišəbîṯ qāṣîn ḥerəpāṯwō lwō bilətî ḥerəpāṯwō yāšîḇ lwō:

19 wəyāšēḇ pānāyw ləmā‘ûzzê ’arəṣwō wəniḵəšal wənāfal wəlō’ yimmāṣē’:

20 wə‘āmaḏ ‘al-kannwō m^a‘ăḇîr nwōḡēś heḏer maləḵûṯ ûḇəyāmîm ’ăḥāḏîm yiššāḇēr wəlō’ ḇə’apayim wəlō’ ḇəmiləḥāmâ:

21 wə‘āmaḏ ‘al-kannwō niḇəzeh wəlō’-nāṯənû ‘ālāyw hwōḏ maləḵûṯ ûḇā’ ḇəšaləwâ wəheḥĕzîq maləḵûṯ b^aḥălaqəlaqqwōṯ:

22 ûzərō‘wōṯ haššeṭef yiššāṭəfû milləfānāyw wəyiššāḇērû wəḡam nəḡîḏ bərîṯ:

23 ûmin-hiṯəḥabərûṯ ’ēlāyw y^a‘ăśeh mirəmâ wə‘ālâ wə‘āṣam bimə‘aṭ-gwōy:

24 bəšaləwâ ûḇəmišəmannê məḏînâ yāḇwō’ wə‘āśâ ’ăšer lō’-‘āśû ’ăḇōṯāyw wa’ăḇwōṯ ’ăḇōṯāyw bizzâ wəšālāl ûrəḵûš lâem yiḇəzwōr wə‘al miḇəṣārîm yəḥaššēḇ m^aḥəšəḇōṯāyw wə‘aḏ-‘ēṯ:

25 wəyā‘ēr kōḥwō ûləḇāḇwō ‘al-meleḵə hanneḡeḇ bəḥayil gāḏwōl ûmeleḵə hanneḡeḇ yiṯəgāreh lammiləḥāmâ bəḥayil-gāḏwōl wə‘āṣûm ‘aḏ-mə’ōḏ wəlō’ y^a‘ămōḏ kî-y^aḥəšəḇû ‘ālāyw m^aḥăšāḇwōṯ:

26 wə’ōḵəlê faṯ-bāḡwō yišəbərûhû wəḥêlwō yišəṭwōf wənāfəlû ḥălālîm rabîm:

27 ûšənêhem hamməlāḵîm ləḇāḇām ləmērā‘ wə‘al-šuləḥān ’eḥāḏ kāzāḇ yəḏabērû wəlō’ ṯiṣəlāḥ kî-‘wōḏ qēṣ lammwō‘ēḏ:

28 wəyāšōḇ ’arəṣwō birəḵûš gāḏwōl ûləḇāḇwō ‘al-bərîṯ qōḏeš wə‘āśâ wəšāḇ lə’arəṣwō:

29 lammwō‘ēḏ yāšûḇ ûḇā’ ḇanneḡeḇ wəlō’-ṯihəyeh ḵāri’šōnâ wəḵā’^aḥărōnâ:

30 ûḇā’û ḇwō ṣîyîm kitîm wəniḵə’â wəšāḇ wəzā‘am ‘al-bərîṯ-qwōḏeš wə‘āśâ wəšāḇ wəyāḇēn ‘al-‘ōzəḇê bərîṯ qōḏeš:

31 ûzərō‘îm mimmennû y^a‘ămōḏû wəḥilləlû hammiqədāš hammā‘wōz wəhēsîrû hatāmîḏ wənāṯənû haššiqqûṣ məšwōmēm:

32 ûmarəšî‘ê ḇərîṯ y^aḥănîf b^aḥălaqqwōṯ wə‘am yōḏə‘ê ’ĕlōhāyw y^aḥăziqû wə‘āśû:

33 ûmaśəkîlê ‘ām yāḇînû lārabîm wəniḵəšəlû bəḥereḇ ûḇəlehāḇâ bišəḇî ûḇəḇizzâ yāmîm:

34 ûḇəhikāšəlām yē‘āzərû ‘ēzer mə‘āṭ wəniləwû ‘ălêhem rabîm b^aḥălaqəlaqqwōṯ:

35 ûmin-hammaśəkîlîm yikāšəlû liṣərwōf bâem ûləḇārēr wəlaləbēn ‘aḏ-‘ēṯ qēṣ kî-‘wōḏ lammwō‘ēḏ:

36 wə‘āśâ ḵirəṣwōnwō hammeleḵə wəyiṯərwōmēm wəyiṯəgadēl ‘al-kāl-’ēl wə‘al ’ēl ’ēlîm yəḏabēr nifəlā’wōṯ wəhiṣəlîḥa ‘aḏ-kālâ z^a‘am kî neḥĕrāṣâ ne‘ĕśāṯâ:

37 wə‘al-’ĕlōhê ’ăḇōṯāyw lō’ yāḇîn wə‘al-ḥemədaṯ nāšîm wə‘al-kāl-’ĕlwōhha lō’ yāḇîn kî ‘al-kōl yiṯəgadāl:

38 wəle’ĕlōhha mā‘uzzîm ‘al-kannwō yəḵabēḏ wəle’ĕlwōhha ’ăšer lō’-yəḏā‘uhû ’ăḇōṯāyw yəḵabēḏ bəzâāḇ ûḇəḵesef ûḇə’eḇen yəqārâ ûḇ^aḥămuḏwōṯ:

39 wə‘āśâ ləmiḇəṣərê mā‘uzzîm ‘im-’ĕlwōhha nēḵār ’ăšer hikîr yakîr yarəbeh ḵāḇwōḏ wəhiməšîlām bārabîm wa’ăḏāmâ yəḥallēq³ biməḥîr:

40 ûḇə‘ēṯ qēṣ yiṯənag^aḥ ‘immwō meleḵə hanneḡeḇ wəyiśətā‘ēr ‘ālāyw meleḵə haṣṣāfwōn bəreḵeḇ ûḇəfārāšîm ûḇā’ŏnîywōṯ rabwōṯ ûḇā’ ḇa’ărāṣwōṯ wəšāṭaf wə‘āḇār:

41 ûḇā’ bə’ereṣ haṣṣəḇî wərabwōṯ yikāšēlû wə’ēlleh yimmāləṭû mîyāḏwō ’ĕḏwōm ûmwō’āḇ wərē’šîṯ bənê ‘ammwōn:

42 wəyišəl^aḥ yāḏwō ba’ărāṣwōṯ wə’ereṣ miṣərayim lō’ ṯihəyeh lifəlêṭâ:

43 ûmāšal bəmiḵəmannê hazzâāḇ wəhakesef ûḇəḵōl ḥămuḏwōṯ miṣərāyim wəluḇîm wəḵušîm bəmiṣə‘āḏāyw:

44 ûšəmu‘wōṯ yəḇahăluhû mimmizərāḥ ûmiṣṣāfwōn wəyāṣā’ bəḥēmā’ ḡəḏōlâ ləhašəmîḏ ûləh^aḥărîm rabîm:

45 wəyiṭṭ^a‘ ’âŏley ’apaḏənwō bên yammîm ləhar-ṣəḇî-qōḏeš ûḇā’ ‘aḏ-qiṣṣwō wə’ên ‘wōzēr lwō: