‎1 ‏לֹֽא־תִרְאֶה֩ אֶת־שׁ֨וֹר אָחִ֜יךָ א֤וֹ אֶת־שֵׂיוֹ֙ נִדָּחִ֔ים וְהִתְעַלַּמְתָּ֖ מֵהֶ֑ם הָשֵׁ֥ב תְּשִׁיבֵ֖ם לְאָחִֽיךָ׃

‎2 ‏וְאִם־לֹ֨א קָר֥וֹב אָחִ֛יךָ אֵלֶ֖יךָ וְלֹ֣א יְדַעְתּ֑וֹ וַאֲסַפְתּוֹ֙ אֶל־תּ֣וֹךְ בֵּיתֶ֔ךָ וְהָיָ֣ה עִמְּךָ֗ עַ֣ד דְּרֹ֤שׁ אָחִ֙יךָ֙ אֹת֔וֹ וַהֲשֵׁבֹת֖וֹ לֽוֹ׃

‎3 ‏וְכֵ֧ן תַּעֲשֶׂ֣ה לַחֲמֹר֗וֹ וְכֵ֣ן תַּעֲשֶׂה֮ לְשִׂמְלָתוֹ֒ וְכֵ֣ן תַּעֲשֶׂ֜ה לְכָל־אֲבֵדַ֥ת אָחִ֛יךָ אֲשֶׁר־תֹּאבַ֥ד מִמֶּ֖נּוּ וּמְצָאתָ֑הּ לֹ֥א תוּכַ֖ל לְהִתְעַלֵּֽם׃ ס

‎4 ‏לֹא־תִרְאֶה֩ אֶת־חֲמ֨וֹר אָחִ֜יךָ א֤וֹ שׁוֹרוֹ֙ נֹפְלִ֣ים בַּדֶּ֔רֶךְ וְהִתְעַלַּמְתָּ֖ מֵהֶ֑ם הָקֵ֥ם תָּקִ֖ים עִמּֽוֹ׃ ס

‎5 ‏לֹא־יִהְיֶ֤ה כְלִי־גֶ֙בֶר֙ עַל־אִשָּׁ֔ה וְלֹא־יִלְבַּ֥שׁ גֶּ֖בֶר שִׂמְלַ֣ת אִשָּׁ֑ה כִּ֧י תוֹעֲבַ֛ת יְהוָ֥ה אֱלֹהֶ֖יךָ כָּל־עֹ֥שֵׂה אֵֽלֶּה׃ פ

‎6 ‏כִּ֣י יִקָּרֵ֣א קַן־צִפּ֣וֹר׀ לְפָנֶ֡יךָ בַּדֶּ֜רֶךְ בְּכָל־עֵ֣ץ׀ א֣וֹ עַל־הָאָ֗רֶץ אֶפְרֹחִים֙ א֣וֹ בֵיצִ֔ים וְהָאֵ֤ם רֹבֶ֙צֶת֙ עַל־הָֽאֶפְרֹחִ֔ים א֖וֹ עַל־הַבֵּיצִ֑ים לֹא־תִקַּ֥ח הָאֵ֖ם עַל־הַבָּנִֽים׃

‎7 ‏שַׁלֵּ֤חַ תְּשַׁלַּח֙ אֶת־הָאֵ֔ם וְאֶת־הַבָּנִ֖ים תִּֽקַּֽח־לָ֑ךְ לְמַ֙עַן֙ יִ֣יטַב לָ֔ךְ וְהַאֲרַכְתָּ֖ יָמִֽים׃ ס

‎8 ‏כִּ֤י תִבְנֶה֙ בַּ֣יִת חָדָ֔שׁ וְעָשִׂ֥יתָ מַעֲקֶ֖ה לְגַגֶּ֑ךָ וְלֹֽא־תָשִׂ֤ים דָּמִים֙ בְּבֵיתֶ֔ךָ כִּֽי־יִפֹּ֥ל הַנֹּפֵ֖ל מִמֶּֽנּוּ׃ ס

‎9 ‏לֹא־תִזְרַ֥ע כַּרְמְךָ֖ כִּלְאָ֑יִם פֶּן־תִּקְדַּ֗שׁ הַֽמְלֵאָ֤ה הַזֶּ֙רַע֙ אֲשֶׁ֣ר תִּזְרָ֔ע וּתְבוּאַ֖ת הַכָּֽרֶם׃ ס

‎10 ‏לֹֽא־תַחֲרֹ֥שׁ בְּשׁוֹר־וּבַחֲמֹ֖ר יַחְדָּֽו׃ ס

‎11 ‏לֹ֤א תִלְבַּשׁ֙ שַֽׁעַטְנֵ֔ז צֶ֥מֶר וּפִשְׁתִּ֖ים יַחְדָּֽו׃ ס

‎12 ‏גְּדִלִ֖ים תַּעֲשֶׂה־לָּ֑ךְ עַל־אַרְבַּ֛ע כַּנְפ֥וֹת כְּסוּתְךָ֖ אֲשֶׁ֥ר תְּכַסֶּה־בָּֽהּ׃ ס

‎13 ‏כִּֽי־יִקַּ֥ח אִ֖ישׁ אִשָּׁ֑ה וּבָ֥א אֵלֶ֖יהָ וּשְׂנֵאָֽהּ׃

‎14 ‏וְשָׂ֥ם לָהּ֙ עֲלִילֹ֣ת דְּבָרִ֔ים וְהוֹצִ֥יא עָלֶ֖יהָ שֵׁ֣ם רָ֑ע וְאָמַ֗ר אֶת־הָאִשָּׁ֤ה הַזֹּאת֙ לָקַ֔חְתִּי וָאֶקְרַ֣ב אֵלֶ֔יהָ וְלֹא־מָצָ֥אתִי לָ֖הּ בְּתוּלִֽים׃

‎15 ‏וְלָקַ֛ח אֲבִ֥י הנער הַֽנַּעֲרָ֖ה וְאִמָּ֑הּ וְהוֹצִ֜יאוּ אֶת־בְּתוּלֵ֧י הנער הַֽנַּעֲרָ֛ה אֶל־זִקְנֵ֥י הָעִ֖יר הַשָּֽׁעְרָה׃

‎16 ‏וְאָמַ֛ר אֲבִ֥י הנער הַֽנַּעֲרָ֖ה אֶל־הַזְּקֵנִ֑ים אֶת־בִּתִּ֗י נָתַ֜תִּי לָאִ֥ישׁ הַזֶּ֛ה לְאִשָּׁ֖ה וַיִּשְׂנָאֶֽהָ׃

‎17 ‏וְהִנֵּה־ה֡וּא שָׂם֩ עֲלִילֹ֨ת דְּבָרִ֜ים לֵאמֹ֗ר לֹֽא־מָצָ֤אתִי לְבִתְּךָ֙ בְּתוּלִ֔ים וְאֵ֖לֶּה בְּתוּלֵ֣י בִתִּ֑י וּפָֽרְשׂוּ֙ הַשִּׂמְלָ֔ה לִפְנֵ֖י זִקְנֵ֥י הָעִֽיר׃

‎18 ‏וְלָֽקְח֛וּ זִקְנֵ֥י הָֽעִיר־הַהִ֖וא אֶת־הָאִ֑ישׁ וְיִסְּר֖וּ אֹתֽוֹ׃

‎19 ‏וְעָנְשׁ֨וּ אֹת֜וֹ מֵ֣אָה כֶ֗סֶף וְנָתְנוּ֙ לַאֲבִ֣י הַֽנַּעֲרָ֔ה כִּ֤י הוֹצִיא֙ שֵׁ֣ם רָ֔ע עַ֖ל בְּתוּלַ֣ת יִשְׂרָאֵ֑ל וְלֽוֹ־תִהְיֶ֣ה לְאִשָּׁ֔ה לֹא־יוּכַ֥ל לְשַׁלְּחָ֖הּ כָּל־יָמָֽיו׃ ס

‎20 ‏וְאִם־אֱמֶ֣ת הָיָ֔ה הַדָּבָ֖ר הַזֶּ֑ה לֹא־נִמְצְא֥וּ בְתוּלִ֖ים לנער לַֽנַּעֲרָֽה׃

‎21 ‏וְהוֹצִ֨יאוּ אֶת־הנער הַֽנַּעֲרָ֜ה אֶל־פֶּ֣תַח בֵּית־אָבִ֗יהָ וּסְקָלוּהָ֩ אַנְשֵׁ֨י עִירָ֤הּ בָּאֲבָנִים֙ וָמֵ֔תָה כִּֽי־עָשְׂתָ֤ה נְבָלָה֙ בְּיִשְׂרָאֵ֔ל לִזְנ֖וֹת בֵּ֣ית אָבִ֑יהָ וּבִֽעַרְתָּ֥ הָרָ֖ע מִקִּרְבֶּֽךָ׃ ס

‎22 ‏כִּֽי־יִמָּצֵ֨א אִ֜ישׁ שֹׁכֵ֣ב׀ עִם־אִשָּׁ֣ה בְעֻֽלַת־בַּ֗עַל וּמֵ֙תוּ֙ גַּם־שְׁנֵיהֶ֔ם הָאִ֛ישׁ הַשֹּׁכֵ֥ב עִם־הָאִשָּׁ֖ה וְהָאִשָּׁ֑ה וּבִֽעַרְתָּ֥ הָרָ֖ע מִיִּשְׂרָאֵֽל׃ ס

‎23 ‏כִּ֤י יִהְיֶה֙ נער נַעֲרָ֣ה בְתוּלָ֔ה מְאֹרָשָׂ֖ה לְאִ֑ישׁ וּמְצָאָ֥הּ אִ֛ישׁ בָּעִ֖יר וְשָׁכַ֥ב עִמָּֽהּ׃

‎24 ‏וְהוֹצֵאתֶ֨ם אֶת־שְׁנֵיהֶ֜ם אֶל־שַׁ֣עַר׀ הָעִ֣יר הַהִ֗וא וּסְקַלְתֶּ֨ם אֹתָ֥ם בָּאֲבָנִים֮ וָמֵתוּ֒ אֶת־הנער הַֽנַּעֲרָ֗ה עַל־דְּבַר֙ אֲשֶׁ֣ר לֹא־צָעֲקָ֣ה בָעִ֔יר וְאֶ֨ת־הָאִ֔ישׁ עַל־דְּבַ֥ר אֲשֶׁר־עִנָּ֖ה אֶת־אֵ֣שֶׁת רֵעֵ֑הוּ וּבִֽעַרְתָּ֥ הָרָ֖ע מִקִּרְבֶּֽךָ׃ ס

‎25 ‏וְֽאִם־בַּשָּׂדֶ֞ה יִמְצָ֣א הָאִ֗ישׁ אֶת־הנער הַֽנַּעֲרָה֙ הַמְאֹ֣רָשָׂ֔ה וְהֶחֱזִֽיק־בָּ֥הּ הָאִ֖ישׁ וְשָׁכַ֣ב עִמָּ֑הּ וּמֵ֗ת הָאִ֛ישׁ אֲשֶׁר־שָׁכַ֥ב עִמָּ֖הּ לְבַדּֽוֹ׃

‎26 ‏ולנער וְלַֽנַּעֲרָה֙³ לֹא־תַעֲשֶׂ֣ה דָבָ֔ר אֵ֥ין לנער לַֽנַּעֲרָ֖ה חֵ֣טְא מָ֑וֶת כִּ֡י כַּאֲשֶׁר֩ יָק֨וּם אִ֤ישׁ עַל־רֵעֵ֙הוּ֙ וּרְצָח֣וֹ נֶ֔פֶשׁ כֵּ֖ן הַדָּבָ֥ר הַזֶּֽה׃

‎27 ‏כִּ֥י בַשָּׂדֶ֖ה מְצָאָ֑הּ צָעֲקָ֗ה הנער הַֽנַּעֲרָה֙ הַמְאֹ֣רָשָׂ֔ה³ וְאֵ֥ין מוֹשִׁ֖יעַ לָֽהּ׃ ס

‎28 ‏כִּֽי־יִמְצָ֣א אִ֗ישׁ נער נַעֲרָ֤ה בְתוּלָה֙ אֲשֶׁ֣ר לֹא־אֹרָ֔שָׂה וּתְפָשָׂ֖הּ וְשָׁכַ֣ב עִמָּ֑הּ וְנִמְצָֽאוּ׃

‎29 ‏וְ֠נָתַן הָאִ֨ישׁ הַשֹּׁכֵ֥ב עִמָּ֛הּ לַאֲבִ֥י הנער הַֽנַּעֲרָ֖ה חֲמִשִּׁ֣ים כָּ֑סֶף וְלֽוֹ־תִהְיֶ֣ה לְאִשָּׁ֗ה תַּ֚חַת אֲשֶׁ֣ר עִנָּ֔הּ לֹא־יוּכַ֥ל שַׁלְּחָ֖הּ כָּל־יָמָֽיו׃ ס

1 lō’-ṯirə’eh ’eṯ-šwōr ’āḥîḵā ’wō ’eṯ-śêwō nidāḥîm wəhiṯə‘allamətā mēhem hāšēḇ təšîḇēm lə’āḥîḵā:

2 wə’im-lō’ qārwōḇ ’āḥîḵā ’ēleyḵā wəlō’ yəḏ^a‘ətwō wa’ăsafətwō ’el-twōḵə bêṯeḵā wəhāyâ ‘imməḵā ‘aḏ dərōš ’āḥîḵā ’ōṯwō wahăšēḇōṯwō lwō:

3 wəḵēn t^a‘ăśeh l^aḥămōrwō wəḵēn t^a‘ăśeh ləśiməlāṯwō wəḵēn t^a‘ăśeh ləḵāl-’ăḇēḏaṯ ’āḥîḵā ’ăšer-tō’ḇaḏ mimmennû ûməṣā’ṯāh lō’ ṯûḵal ləhiṯə‘allēm: s

4 lō’-ṯirə’eh ’eṯ-ḥămwōr ’āḥîḵā ’wō šwōrwō nōfəlîm badereḵə wəhiṯə‘allamətā mēhem hāqēm tāqîm ‘immwō: s

5 lō’-yihəyeh ḵəlî-ḡeḇer ‘al-’iššâ wəlō’-yiləbaš geḇer śiməlaṯ ’iššâ kî ṯwō‘ăḇaṯ yəhwâ ’ĕlōheyḵā kāl-‘ōśēh ’ēlleh: f

6 kî yiqqārē’ qan-ṣipwōr| ləfāneyḵā badereḵə bəḵāl-‘ēṣ| ’wō ‘al-hā’āreṣ ’efərōḥîm ’wō ḇêṣîm wəhā’ēm rōḇeṣeṯ ‘al-hā’efərōḥîm ’wō ‘al-habêṣîm lō’-ṯiqq^aḥ hā’ēm ‘al-habānîm:

7 šallēḥa təšall^aḥ ’eṯ-hā’ēm wə’eṯ-habānîm tiqq^aḥ-lāḵə ləm^a‘an yîṭaḇ lāḵə wəha’ăraḵətā yāmîm: s

8 kî ṯiḇəneh bayiṯ ḥāḏāš wə‘āśîṯā m^a‘ăqeh ləḡageḵā wəlō’-ṯāśîm dāmîm bəḇêṯeḵā kî-yipōl hannōfēl mimmennû: s

9 lō’-ṯizər^a‘ karəməḵā kilə’āyim pen-tiqədaš haməlē’â hazzer^a‘ ’ăšer tizərā‘ ûṯəḇû’aṯ hakārem: s

10 lō’-ṯ^aḥărōš bəšwōr-ûḇ^aḥămōr y^aḥədāw: s

11 lō’ ṯiləbaš š^a‘aṭənēz ṣemer ûfišətîm y^aḥədāw: s

12 gəḏilîm t^a‘ăśeh-llāḵə ‘al-’arəb^a‘ kanəfwōṯ kəsûṯəḵā ’ăšer təḵasseh-bāh: s

13 kî-yiqq^aḥ ’îš ’iššâ ûḇā’ ’ēleyhā ûśənē’āh:

14 wəśām lāh ‘ălîlōṯ dəḇārîm wəhwōṣî’ ‘āleyhā šēm rā‘ wə’āmar ’eṯ-hā’iššâ hazzō’ṯ lāq^aḥətî wā’eqəraḇ ’ēleyhā wəlō’-māṣā’ṯî lāh bəṯûlîm:

15 wəlāq^aḥ ’ăḇî hann^a‘ar hann^a‘ărâ wə’immāh wəhwōṣî’û ’eṯ-bəṯûlê hann^a‘ar hann^a‘ărâ ’el-ziqənê hā‘îr haššā‘ərâ:

16 wə’āmar ’ăḇî hann^a‘ar hann^a‘ărâ ’el-hazzəqēnîm ’eṯ-bitî nāṯatî lā’îš hazzeh lə’iššâ wayyiśənā’ehā:

17 wəhinnēh-hû’ śām ‘ălîlōṯ dəḇārîm lē’mōr lō’-māṣā’ṯî ləḇitəḵā bəṯûlîm wə’ēlleh bəṯûlê ḇitî ûfārəśû haśśiməlâ lifənê ziqənê hā‘îr:

18 wəlāqəḥû ziqənê hā‘îr-hahiw’ ’eṯ-hā’îš wəyissərû ’ōṯwō:

19 wə‘ānəšû ’ōṯwō mē’â ḵesef wənāṯənû la’ăḇî hann^a‘ărâ kî hwōṣî’ šēm rā‘ ‘al bəṯûlaṯ yiśərā’ēl wəlwō-ṯihəyeh lə’iššâ lō’-yûḵal ləšalləḥāh kāl-yāmāyw: s

20 wə’im-’ĕmeṯ hāyâ hadāḇār hazzeh lō’-niməṣə’û ḇəṯûlîm lann^a‘ar lann^a‘ărâ:

21 wəhwōṣî’û ’eṯ-hann^a‘ar hann^a‘ărâ ’el-peṯ^aḥ bêṯ-’āḇîhā ûsəqālûhā ’anəšê ‘îrāh bā’ăḇānîm wāmēṯâ kî-‘āśəṯâ nəḇālâ bəyiśərā’ēl lizənwōṯ bêṯ ’āḇîhā ûḇi‘arətā hārā‘ miqqirəbeḵā: s

22 kî-yimmāṣē’ ’îš šōḵēḇ| ‘im-’iššâ ḇə‘ulaṯ-b^a‘al ûmēṯû gam-šənêhem hā’îš haššōḵēḇ ‘im-hā’iššâ wəhā’iššâ ûḇi‘arətā hārā‘ mîyiśərā’ēl: s

23 kî yihəyeh n^a‘ar n^a‘ărâ ḇəṯûlâ mə’ōrāśâ lə’îš ûməṣā’āh ’îš bā‘îr wəšāḵaḇ ‘immāh:

24 wəhwōṣē’ṯem ’eṯ-šənêhem ’el-š^a‘ar| hā‘îr hahiw’ ûsəqalətem ’ōṯām bā’ăḇānîm wāmēṯû ’eṯ-hann^a‘ar hann^a‘ărâ ‘al-dəḇar ’ăšer lō’-ṣā‘ăqâ ḇā‘îr wə’eṯ-hā’îš ‘al-dəḇar ’ăšer-‘innâ ’eṯ-’ēšeṯ rē‘ēhû ûḇi‘arətā hārā‘ miqqirəbeḵā: s

25 wə’im-baśśāḏeh yiməṣā’ hā’îš ’eṯ-hann^a‘ar hann^a‘ărâ hamə’ōrāśâ wəheḥĕzîq-bāh hā’îš wəšāḵaḇ ‘immāh ûmēṯ hā’îš ’ăšer-šāḵaḇ ‘immāh ləḇadwō:

26 wəlann^a‘ar wəlann^a‘ărâ³ lō’-ṯ^a‘ăśeh ḏāḇār ’ên lann^a‘ar lann^a‘ărâ ḥēṭə’ māweṯ kî ka’ăšer yāqûm ’îš ‘al-rē‘ēhû ûrəṣāḥwō nefeš kēn hadāḇār hazzeh:

27 kî ḇaśśāḏeh məṣā’āh ṣā‘ăqâ hann^a‘ar hann^a‘ărâ hamə’ōrāśâ³ wə’ên mwōšî‘a lāh: s

28 kî-yiməṣā’ ’îš n^a‘ar n^a‘ărâ ḇəṯûlâ ’ăšer lō’-’ōrāśâ ûṯəfāśāh wəšāḵaḇ ‘immāh wəniməṣā’û:

29 wənāṯan hā’îš haššōḵēḇ ‘immāh la’ăḇî hann^a‘ar hann^a‘ărâ ḥămiššîm kāsef wəlwō-ṯihəyeh lə’iššâ t^aḥaṯ ’ăšer ‘innāh lō’-yûḵal šalləḥāh kāl-yāmāyw: s