‎1 ‏וּבִשְׁנֵים֩ עָשָׂ֨ר חֹ֜דֶשׁ הוּא־חֹ֣דֶשׁ אֲדָ֗ר בִּשְׁלוֹשָׁ֨ה עָשָׂ֥ר יוֹם֙ בּ֔וֹ אֲשֶׁ֨ר הִגִּ֧יעַ דְּבַר־הַמֶּ֛לֶךְ וְדָת֖וֹ לְהֵעָשׂ֑וֹת בַּיּ֗וֹם אֲשֶׁ֨ר שִׂבְּר֜וּ אֹיְבֵ֤י הַיְּהוּדִים֙ לִשְׁל֣וֹט בָּהֶ֔ם וְנַהֲפ֣וֹךְ ה֔וּא אֲשֶׁ֨ר יִשְׁלְט֧וּ הַיְּהוּדִ֛ים הֵ֖מָּה בְּשֹׂנְאֵיהֶֽם׃

‎2 ‏נִקְהֲל֨וּ הַיְּהוּדִ֜ים בְּעָרֵיהֶ֗ם בְּכָל־מְדִינוֹת֙ הַמֶּ֣לֶךְ אֳחַשְׁוֵר֔וֹשׁ לִשְׁלֹ֣חַ יָ֔ד בִּמְבַקְשֵׁ֖י רָֽעָתָ֑ם וְאִישׁ֙ לֹא־עָמַ֣ד לִפְנֵיהֶ֔ם כִּֽי־נָפַ֥ל פַּחְדָּ֖ם עַל־כָּל־הָעַמִּֽים׃

‎3 ‏וְכָל־שָׂרֵ֨י הַמְּדִינ֜וֹת וְהָאֲחַשְׁדַּרְפְּנִ֣ים וְהַפַּח֗וֹת וְעֹשֵׂ֤י הַמְּלָאכָה֙ אֲשֶׁ֣ר לַמֶּ֔לֶךְ מְנַשְּׂאִ֖ים אֶת־הַיְּהוּדִ֑ים כִּֽי־נָפַ֥ל פַּֽחַד־מָרְדֳּכַ֖י עֲלֵיהֶֽם׃

‎4 ‏כִּֽי־גָ֤דוֹל מָרְדֳּכַי֙ בְּבֵ֣ית הַמֶּ֔לֶךְ וְשָׁמְע֖וֹ הוֹלֵ֣ךְ בְּכָל־הַמְּדִינ֑וֹת כִּֽי־הָאִ֥ישׁ מָרְדֳּכַ֖י הוֹלֵ֥ךְ וְגָדֽוֹל׃ פ

‎5 ‏וַיַּכּ֤וּ הַיְּהוּדִים֙ בְּכָל־אֹ֣יְבֵיהֶ֔ם מַכַּת־חֶ֥רֶב וְהֶ֖רֶג וְאַבְדָ֑ן וַיַּֽעֲשׂ֥וּ בְשֹׂנְאֵיהֶ֖ם כִּרְצוֹנָֽם׃

‎6 ‏וּבְשׁוּשַׁ֣ן הַבִּירָ֗ה הָרְג֤וּ הַיְּהוּדִים֙ וְאַבֵּ֔ד חֲמֵ֥שׁ מֵא֖וֹת אִֽישׁ׃

‎7 ‏וְאֵ֧ת׀ פַּרְשַׁנְדָּ֛תָא וְאֵ֥ת׀ דַּֽלְפ֖וֹן וְאֵ֥ת׀ אַסְפָּֽתָא׃

‎8 ‏וְאֵ֧ת׀ פּוֹרָ֛תָא וְאֵ֥ת׀ אֲדַלְיָ֖א וְאֵ֥ת׀ אֲרִידָֽתָא׃

‎9 ‏וְאֵ֤ת׀ פַּרְמַ֙שְׁתָּא֙ וְאֵ֣ת׀ אֲרִיסַ֔י וְאֵ֥ת׀ אֲרִדַ֖י וְאֵ֥ת׀ וַיְזָֽתָא׃

‎10 ‏עֲ֠שֶׂרֶת בְּנֵ֨י הָמָ֧ן בֶּֽן־הַמְּדָ֛תָא צֹרֵ֥ר הַיְּהוּדִ֖ים הָרָ֑גוּ וּבַ֨בִּזָּ֔ה לֹ֥א שָׁלְח֖וּ אֶת־יָדָֽם׃

‎11 ‏בַּיּ֣וֹם הַה֗וּא בָּ֣א מִסְפַּ֧ר הַֽהֲרוּגִ֛ים בְּשׁוּשַׁ֥ן הַבִּירָ֖ה לִפְנֵ֥י הַמֶּֽלֶךְ׃ ס

‎12 ‏וַיֹּ֨אמֶר הַמֶּ֜לֶךְ לְאֶסְתֵּ֣ר הַמַּלְכָּ֗ה בְּשׁוּשַׁ֣ן הַבִּירָ֡ה הָרְגוּ֩ הַיְּהוּדִ֨ים וְאַבֵּ֜ד חֲמֵ֧שׁ מֵא֣וֹת אִ֗ישׁ וְאֵת֙ עֲשֶׂ֣רֶת בְּנֵֽי־הָמָ֔ן בִּשְׁאָ֛ר מְדִינ֥וֹת הַמֶּ֖לֶךְ מֶ֣ה עָשׂ֑וּ וּמַה־שְּׁאֵֽלָתֵךְ֙³ וְיִנָּ֣תֵֽן לָ֔ךְ וּמַה־בַּקָּשָׁתֵ֥ךְ ע֖וֹד וְתֵעָֽשׂ׃

‎13 ‏וַתֹּ֤אמֶר אֶסְתֵּר֙ אִם־עַל־הַמֶּ֣לֶךְ ט֔וֹב יִנָּתֵ֣ן גַּם־מָחָ֗ר לַיְּהוּדִים֙ אֲשֶׁ֣ר בְּשׁוּשָׁ֔ן לַעֲשׂ֖וֹת כְּדָ֣ת הַיּ֑וֹם וְאֵ֛ת עֲשֶׂ֥רֶת בְּנֵֽי־הָמָ֖ן יִתְל֥וּ עַל־הָעֵֽץ׃

‎14 ‏וַיֹּ֤אמֶר הַמֶּ֙לֶךְ֙ לְהֵֽעָשׂ֣וֹת כֵּ֔ן וַתִּנָּתֵ֥ן דָּ֖ת בְּשׁוּשָׁ֑ן וְאֵ֛ת עֲשֶׂ֥רֶת בְּנֵֽי־הָמָ֖ן תָּלֽוּ׃

‎15 ‏וַיִּֽקָּהֲל֞וּ היהודיים הַיְּהוּדִ֣ים אֲשֶׁר־בְּשׁוּשָׁ֗ן גַּ֠ם בְּי֣וֹם אַרְבָּעָ֤ה עָשָׂר֙ לְחֹ֣דֶשׁ אֲדָ֔ר וַיַּֽהַרְג֣וּ בְשׁוּשָׁ֔ן שְׁלֹ֥שׁ מֵא֖וֹת אִ֑ישׁ וּבַ֨בִּזָּ֔ה לֹ֥א שָׁלְח֖וּ אֶת־יָדָֽם׃

‎16 ‏וּשְׁאָ֣ר הַיְּהוּדִ֡ים אֲשֶׁר֩ בִּמְדִינ֨וֹת הַמֶּ֜לֶךְ נִקְהֲל֣וּ׀ וְעָמֹ֣ד עַל־נַפְשָׁ֗ם וְנ֙וֹחַ֙ מֵאֹ֣יְבֵיהֶ֔ם וְהָרֹג֙ בְּשֹׂ֣נְאֵיהֶ֔ם חֲמִשָּׁ֥ה וְשִׁבְעִ֖ים אָ֑לֶף וּבַ֨בִּזָּ֔ה לֹ֥א שָֽׁלְח֖וּ אֶת־יָדָֽם׃

‎17 ‏בְּיוֹם־שְׁלֹשָׁ֥ה עָשָׂ֖ר לְחֹ֣דֶשׁ אֲדָ֑ר וְנ֗וֹחַ בְּאַרְבָּעָ֤ה עָשָׂר֙ בּ֔וֹ וְעָשֹׂ֣ה אֹת֔וֹ י֖וֹם מִשְׁתֶּ֥ה וְשִׂמְחָֽה׃

‎18 ‏והיהודיים וְהַיְּהוּדִ֣ים אֲשֶׁר־בְּשׁוּשָׁ֗ן נִקְהֲלוּ֙ בִּשְׁלֹשָׁ֤ה עָשָׂר֙ בּ֔וֹ וּבְאַרְבָּעָ֥ה עָשָׂ֖ר בּ֑וֹ וְנ֗וֹחַ בַּחֲמִשָּׁ֤ה עָשָׂר֙ בּ֔וֹ וְעָשֹׂ֣ה אֹת֔וֹ י֖וֹם מִשְׁתֶּ֥ה וְשִׂמְחָֽה׃

‎19 ‏עַל־כֵּ֞ן הַיְּהוּדִ֣ים הפרוזים הַפְּרָזִ֗ים הַיֹּשְׁבִים֮ בְּעָרֵ֣י הַפְּרָזוֹת֒ עֹשִׂ֗ים אֵ֠ת י֣וֹם אַרְבָּעָ֤ה עָשָׂר֙ לְחֹ֣דֶשׁ אֲדָ֔ר שִׂמְחָ֥ה וּמִשְׁתֶּ֖ה וְי֣וֹם ט֑וֹב וּמִשְׁל֥וֹחַ מָנ֖וֹת אִ֥ישׁ לְרֵעֵֽהוּ׃ פ

‎20 ‏וַיִּכְתֹּ֣ב מָרְדֳּכַ֔י אֶת־הַדְּבָרִ֖ים הָאֵ֑לֶּה וַיִּשְׁלַ֨ח סְפָרִ֜ים אֶל־כָּל־הַיְּהוּדִ֗ים אֲשֶׁר֙ בְּכָל־מְדִינוֹת֙ הַמֶּ֣לֶךְ אֲחַשְׁוֵר֔וֹשׁ הַקְּרוֹבִ֖ים וְהָרְחוֹקִֽים׃

‎21 ‏לְקַיֵּם֮ עֲלֵיהֶם֒ לִהְי֣וֹת עֹשִׂ֗ים אֵ֠ת י֣וֹם אַרְבָּעָ֤ה עָשָׂר֙ לְחֹ֣דֶשׁ אֲדָ֔ר וְאֵ֛ת יוֹם־חֲמִשָּׁ֥ה עָשָׂ֖ר בּ֑וֹ בְּכָל־שָׁנָ֖ה וְשָׁנָֽה׃

‎22 ‏כַּיָּמִ֗ים אֲשֶׁר־נָ֨חוּ בָהֶ֤ם הַיְּהוּדִים֙ מֵא֣וֹיְבֵיהֶ֔ם וְהַחֹ֗דֶשׁ אֲשֶׁר֩ נֶהְפַּ֨ךְ לָהֶ֤ם מִיָּגוֹן֙ לְשִׂמְחָ֔ה וּמֵאֵ֖בֶל לְי֣וֹם ט֑וֹב לַעֲשׂ֣וֹת אוֹתָ֗ם יְמֵי֙ מִשְׁתֶּ֣ה וְשִׂמְחָ֔ה וּמִשְׁל֤וֹחַ מָנוֹת֙ אִ֣ישׁ לְרֵעֵ֔הוּ וּמַתָּנ֖וֹת לָֽאֶבְיוֹנִֽים׃

‎23 ‏וְקִבֵּל֙ הַיְּהוּדִ֔ים אֵ֥ת אֲשֶׁר־הֵחֵ֖לּוּ לַעֲשׂ֑וֹת וְאֵ֛ת אֲשֶׁר־כָּתַ֥ב מָרְדֳּכַ֖י אֲלֵיהֶֽם׃

‎24 ‏כִּי֩ הָמָ֨ן בֶּֽן־הַמְּדָ֜תָא הָֽאֲגָגִ֗י צֹרֵר֙ כָּל־הַיְּהוּדִ֔ים חָשַׁ֥ב עַל־הַיְּהוּדִ֖ים לְאַבְּדָ֑ם וְהִפִּ֥יל פּוּר֙ ה֣וּא הַגּוֹרָ֔ל לְהֻמָּ֖ם וּֽלְאַבְּדָֽם׃

‎25 ‏וּבְבֹאָהּ֮ לִפְנֵ֣י הַמֶּלֶךְ֒ אָמַ֣ר עִם־הַסֵּ֔פֶר יָשׁ֞וּב מַחֲשַׁבְתּ֧וֹ הָרָעָ֛ה אֲשֶׁר־חָשַׁ֥ב עַל־הַיְּהוּדִ֖ים עַל־רֹאשׁ֑וֹ וְתָל֥וּ אֹת֛וֹ וְאֶת־בָּנָ֖יו עַל־הָעֵֽץ׃

‎26 ‏עַל־כֵּ֡ן קָֽרְאוּ֩ לַיָּמִ֨ים הָאֵ֤לֶּה פוּרִים֙ עַל־שֵׁ֣ם הַפּ֔וּר עַל־כֵּ֕ן עַל־כָּל־דִּבְרֵ֖י הָאִגֶּ֣רֶת הַזֹּ֑את וּמָֽה־רָא֣וּ עַל־כָּ֔כָה וּמָ֥ה הִגִּ֖יעַ אֲלֵיהֶֽם׃

‎27 ‏קִיְּמ֣וּ וקבל וְקִבְּל֣וּ הַיְּהוּדִים֩׀ עֲלֵיהֶ֨ם׀ וְעַל־זַרְעָ֜ם וְעַ֨ל כָּל־הַנִּלְוִ֤ים עֲלֵיהֶם֙ וְלֹ֣א יַעֲב֔וֹר לִהְי֣וֹת עֹשִׂ֗ים אֵ֣ת שְׁנֵ֤י הַיָּמִים֙ הָאֵ֔לֶּה כִּכְתָבָ֖ם וְכִזְמַנָּ֑ם בְּכָל־שָׁנָ֖ה וְשָׁנָֽה׃

‎28 ‏וְהַיָּמִ֣ים הָ֠אֵלֶּה נִזְכָּרִ֨ים וְנַעֲשִׂ֜ים בְּכָל־דּ֣וֹר וָד֗וֹר מִשְׁפָּחָה֙ וּמִשְׁפָּחָ֔ה מְדִינָ֥ה וּמְדִינָ֖ה וְעִ֣יר וָעִ֑יר וִימֵ֞י הַפּוּרִ֣ים הָאֵ֗לֶּה לֹ֤א יַֽעַבְרוּ֙ מִתּ֣וֹךְ הַיְּהוּדִ֔ים וְזִכְרָ֖ם לֹא־יָס֥וּף מִזַּרְעָֽם׃ ס

‎29 ‏וַ֠תִּכְתֹּב אֶסְתֵּ֨ר הַמַּלְכָּ֧ה בַת־אֲבִיחַ֛יִל וּמָרְדֳּכַ֥י הַיְּהוּדִ֖י אֶת־כָּל־תֹּ֑קֶף לְקַיֵּ֗ם אֵ֣ת אִגֶּ֧רֶת הַפּוּרִ֛ים הַזֹּ֖את הַשֵּׁנִֽית׃

‎30 ‏וַיִּשְׁלַ֨ח סְפָרִ֜ים אֶל־כָּל־הַיְּהוּדִ֗ים אֶל־שֶׁ֨בַע וְעֶשְׂרִ֤ים וּמֵאָה֙ מְדִינָ֔ה מַלְכ֖וּת אֲחַשְׁוֵר֑וֹשׁ דִּבְרֵ֥י שָׁל֖וֹם וֶאֱמֶֽת׃

‎31 ‏לְקַיֵּ֡ם אֵת־יְמֵי֩ הַפֻּרִ֨ים הָאֵ֜לֶּה בִּזְמַנֵּיהֶ֗ם כַּאֲשֶׁר֩ קִיַּ֨ם עֲלֵיהֶ֜ם מָרְדֳּכַ֤י הַיְּהוּדִי֙ וְאֶסְתֵּ֣ר הַמַּלְכָּ֔ה וְכַאֲשֶׁ֛ר קִיְּמ֥וּ עַל־נַפְשָׁ֖ם וְעַל־זַרְעָ֑ם דִּבְרֵ֥י הַצֹּמ֖וֹת וְזַעֲקָתָֽם׃

‎32 ‏וּמַאֲמַ֣ר אֶסְתֵּ֔ר קִיַּ֕ם דִּבְרֵ֥י הַפֻּרִ֖ים הָאֵ֑לֶּה וְנִכְתָּ֖ב בַּסֵּֽפֶר׃ פ

1 ûḇišənêm ‘āśār ḥōḏeš hû’-ḥōḏeš ’ăḏār bišəlwōšâ ‘āśār ywōm bwō ’ăšer higî‘a dəḇar-hammeleḵə wəḏāṯwō ləhē‘āśwōṯ bayywōm ’ăšer śibərû ’ōyəḇê hayyəhûḏîm lišəlwōṭ bâem wənahăfwōḵə hû’ ’ăšer yišələṭû hayyəhûḏîm hēmmâ bəśōnə’êhem:

2 niqəhălû hayyəhûḏîm bə‘ārêhem bəḵāl-məḏînwōṯ hammeleḵə ’ŏḥašəwērwōš lišəlōḥa yāḏ biməḇaqəšê rā‘āṯām wə’îš lō’-‘āmaḏ lifənêhem kî-nāfal p^aḥədām ‘al-kāl-hā‘ammîm:

3 wəḵāl-śārê hamməḏînwōṯ wəhā’ăḥašədarəpənîm wəhap^aḥwōṯ wə‘ōśê hamməlā’ḵâ ’ăšer lammeleḵə mənaśśə’îm ’eṯ-hayyəhûḏîm kî-nāfal p^aḥaḏ-mārədŏḵay ‘ălêhem:

4 kî-ḡāḏwōl mārədŏḵay bəḇêṯ hammeleḵə wəšāmə‘wō hwōlēḵə bəḵāl-hamməḏînwōṯ kî-hā’îš mārədŏḵay hwōlēḵə wəḡāḏwōl: f

5 wayyakû hayyəhûḏîm bəḵāl-’ōyəḇêhem makaṯ-ḥereḇ wəhereḡ wə’aḇəḏān wayy^a‘ăśû ḇəśōnə’êhem kirəṣwōnām:

6 ûḇəšûšan habîrâ hārəḡû hayyəhûḏîm wə’abēḏ ḥămēš mē’wōṯ ’îš:

7 wə’ēṯ| parəšanədāṯā’ wə’ēṯ| daləfwōn wə’ēṯ| ’asəpāṯā’:

8 wə’ēṯ| pwōrāṯā’ wə’ēṯ| ’ăḏaləyā’ wə’ēṯ| ’ărîḏāṯā’:

9 wə’ēṯ| parəmašətā’ wə’ēṯ| ’ărîsay wə’ēṯ| ’ăriḏay wə’ēṯ| wayəzāṯā’:

10 ‘ăśereṯ bənê hāmān ben-hamməḏāṯā’ ṣōrēr hayyəhûḏîm hārāḡû ûḇabizzâ lō’ šāləḥû ’eṯ-yāḏām:

11 bayywōm hahû’ bā’ misəpar hahărûḡîm bəšûšan habîrâ lifənê hammeleḵə: s

12 wayyō’mer hammeleḵə lə’esətēr hammaləkâ bəšûšan habîrâ hārəḡû hayyəhûḏîm wə’abēḏ ḥămēš mē’wōṯ ’îš wə’ēṯ ‘ăśereṯ bənê-hāmān bišə’ār məḏînwōṯ hammeleḵə meh ‘āśû ûmah-ššə’ēlāṯēḵə³ wəyinnāṯēn lāḵə ûmah-baqqāšāṯēḵə ‘wōḏ wəṯē‘āś:

13 watō’mer ’esətēr ’im-‘al-hammeleḵə ṭwōḇ yinnāṯēn gam-māḥār layyəhûḏîm ’ăšer bəšûšān l^a‘ăśwōṯ kəḏāṯ hayywōm wə’ēṯ ‘ăśereṯ bənê-hāmān yiṯəlû ‘al-hā‘ēṣ:

14 wayyō’mer hammeleḵə ləhē‘āśwōṯ kēn watinnāṯēn dāṯ bəšûšān wə’ēṯ ‘ăśereṯ bənê-hāmān tālû:

15 wayyiqqâălû hayyəhûḏîyîm hayyəhûḏîm ’ăšer-bəšûšān gam bəywōm ’arəbā‘â ‘āśār ləḥōḏeš ’ăḏār wayyaharəḡû ḇəšûšān šəlōš mē’wōṯ ’îš ûḇabizzâ lō’ šāləḥû ’eṯ-yāḏām:

16 ûšə’ār hayyəhûḏîm ’ăšer biməḏînwōṯ hammeleḵə niqəhălû| wə‘āmōḏ ‘al-nafəšām wənwōḥa mē’ōyəḇêhem wəhārōḡ bəśōnə’êhem ḥămiššâ wəšiḇə‘îm ’ālef ûḇabizzâ lō’ šāləḥû ’eṯ-yāḏām:

17 bəywōm-šəlōšâ ‘āśār ləḥōḏeš ’ăḏār wənwōḥa bə’arəbā‘â ‘āśār bwō wə‘āśōh ’ōṯwō ywōm mišəteh wəśiməḥâ:

18 wəhayyəhûḏîyîm wəhayyəhûḏîm ’ăšer-bəšûšān niqəhălû bišəlōšâ ‘āśār bwō ûḇə’arəbā‘â ‘āśār bwō wənwōḥa b^aḥămiššâ ‘āśār bwō wə‘āśōh ’ōṯwō ywōm mišəteh wəśiməḥâ:

19 ‘al-kēn hayyəhûḏîm hapərwōzîm hapərāzîm hayyōšəḇîm bə‘ārê hapərāzwōṯ ‘ōśîm ’ēṯ ywōm ’arəbā‘â ‘āśār ləḥōḏeš ’ăḏār śiməḥâ ûmišəteh wəywōm ṭwōḇ ûmišəlwōḥa mānwōṯ ’îš lərē‘ēhû: f

20 wayyiḵətōḇ mārədŏḵay ’eṯ-hadəḇārîm hā’ēlleh wayyišəl^aḥ səfārîm ’el-kāl-hayyəhûḏîm ’ăšer bəḵāl-məḏînwōṯ hammeleḵə ’ăḥašəwērwōš haqqərwōḇîm wəhārəḥwōqîm:

21 ləqayyēm ‘ălêhem lihəywōṯ ‘ōśîm ’ēṯ ywōm ’arəbā‘â ‘āśār ləḥōḏeš ’ăḏār wə’ēṯ ywōm-ḥămiššâ ‘āśār bwō bəḵāl-šānâ wəšānâ:

22 kayyāmîm ’ăšer-nāḥû ḇâem hayyəhûḏîm mē’wōyəḇêhem wəh^aḥōḏeš ’ăšer nehəpaḵə lâem mîyāḡwōn ləśiməḥâ ûmē’ēḇel ləywōm ṭwōḇ l^a‘ăśwōṯ ’wōṯām yəmê mišəteh wəśiməḥâ ûmišəlwōḥa mānwōṯ ’îš lərē‘ēhû ûmatānwōṯ lā’eḇəywōnîm:

23 wəqibēl hayyəhûḏîm ’ēṯ ’ăšer-hēḥēllû l^a‘ăśwōṯ wə’ēṯ ’ăšer-kāṯaḇ mārədŏḵay ’ălêhem:

24 kî hāmān ben-hamməḏāṯā’ hā’ăḡāḡî ṣōrēr kāl-hayyəhûḏîm ḥāšaḇ ‘al-hayyəhûḏîm lə’abəḏām wəhipîl pûr hû’ hagwōrāl ləhummām ûlə’abəḏām:

25 ûḇəḇō’āh lifənê hammeleḵə ’āmar ‘im-hassēfer yāšûḇ m^aḥăšaḇətwō hārā‘â ’ăšer-ḥāšaḇ ‘al-hayyəhûḏîm ‘al-rō’šwō wəṯālû ’ōṯwō wə’eṯ-bānāyw ‘al-hā‘ēṣ:

26 ‘al-kēn qārə’û layyāmîm hā’ēlleh fûrîm ‘al-šēm hapûr ‘al-kēn ‘al-kāl-diḇərê hā’igereṯ hazzō’ṯ ûmâ-rā’û ‘al-kāḵâ ûmâ higî‘a ’ălêhem:

27 qîyəmû wəqibēl wəqibəlû hayyəhûḏîm| ‘ălêhem| wə‘al-zarə‘ām wə‘al kāl-hanniləwîm ‘ălêhem wəlō’ y^a‘ăḇwōr lihəywōṯ ‘ōśîm ’ēṯ šənê hayyāmîm hā’ēlleh kiḵəṯāḇām wəḵizəmannām bəḵāl-šānâ wəšānâ:

28 wəhayyāmîm hā’ēlleh nizəkārîm wən^a‘ăśîm bəḵāl-dwōr wāḏwōr mišəpāḥâ ûmišəpāḥâ məḏînâ ûməḏînâ wə‘îr wā‘îr wîmê hapûrîm hā’ēlleh lō’ y^a‘aḇərû mitwōḵə hayyəhûḏîm wəziḵərām lō’-yāsûf mizzarə‘ām: s

29 watiḵətōḇ ’esətēr hammaləkâ ḇaṯ-’ăḇîḥayil ûmārədŏḵay hayyəhûḏî ’eṯ-kāl-tōqef ləqayyēm ’ēṯ ’igereṯ hapûrîm hazzō’ṯ haššēnîṯ:

30 wayyišəl^aḥ səfārîm ’el-kāl-hayyəhûḏîm ’el-šeḇ^a‘ wə‘eśərîm ûmē’â məḏînâ maləḵûṯ ’ăḥašəwērwōš diḇərê šālwōm we’ĕmeṯ:

31 ləqayyēm ’ēṯ-yəmê hapurîm hā’ēlleh bizəmannêhem ka’ăšer qîyam ‘ălêhem mārədŏḵay hayyəhûḏî wə’esətēr hammaləkâ wəḵa’ăšer qîyəmû ‘al-nafəšām wə‘al-zarə‘ām diḇərê haṣṣōmwōṯ wəz^a‘ăqāṯām:

32 ûma’ămar ’esətēr qîyam diḇərê hapurîm hā’ēlleh wəniḵətāḇ bassēfer: f