‎1 ‏וּמִן־הַתְּכֵ֤לֶת וְהָֽאַרְגָּמָן֙ וְתוֹלַ֣עַת הַשָּׁנִ֔י עָשׂ֥וּ בִגְדֵי־שְׂרָ֖ד לְשָׁרֵ֣ת בַּקֹּ֑דֶשׁ וַֽיַּעֲשׂ֞וּ אֶת־בִּגְדֵ֤י הַקֹּ֙דֶשׁ֙ אֲשֶׁ֣ר לְאַהֲרֹ֔ן כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ

‎2 ‏וַיַּ֖עַשׂ אֶת־הָאֵפֹ֑ד זָהָ֗ב תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֥שׁ מָשְׁזָֽר׃

‎3 ‏וַֽיְרַקְּע֞וּ אֶת־פַּחֵ֣י הַזָּהָב֮ וְקִצֵּ֣ץ פְּתִילִם֒ לַעֲשׂ֗וֹת בְּת֤וֹךְ הַתְּכֵ֙לֶת֙ וּבְת֣וֹךְ הָֽאַרְגָּמָ֔ן וּבְת֛וֹךְ תּוֹלַ֥עַת הַשָּׁנִ֖י וּבְת֣וֹךְ הַשֵּׁ֑שׁ מַעֲשֵׂ֖ה חֹשֵֽׁב׃

‎4 ‏כְּתֵפֹ֥ת עָֽשׂוּ־ל֖וֹ חֹבְרֹ֑ת עַל־שְׁנֵ֥י קצוותו קְצוֹתָ֖יו חֻבָּֽר׃

‎5 ‏וְחֵ֨שֶׁב אֲפֻדָּת֜וֹ אֲשֶׁ֣ר עָלָ֗יו מִמֶּ֣נּוּ הוּא֮ כְּמַעֲשֵׂהוּ֒ זָהָ֗ב תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ מָשְׁזָ֑ר כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎6 ‏וַֽיַּעֲשׂוּ֙ אֶת־אַבְנֵ֣י הַשֹּׁ֔הַם מֻֽסַבֹּ֖ת מִשְׁבְּצֹ֣ת זָהָ֑ב מְפֻתָּחֹת֙ פִּתּוּחֵ֣י חוֹתָ֔ם עַל־שְׁמ֖וֹת בְּנֵ֥י יִשְׂרָאֵֽל׃

‎7 ‏וַיָּ֣שֶׂם אֹתָ֗ם עַ֚ל כִּתְפֹ֣ת הָאֵפֹ֔ד אַבְנֵ֥י זִכָּר֖וֹן לִבְנֵ֣י יִשְׂרָאֵ֑ל כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ פ

‎8 ‏וַיַּ֧עַשׂ אֶת־הַחֹ֛שֶׁן מַעֲשֵׂ֥ה חֹשֵׁ֖ב כְּמַעֲשֵׂ֣ה אֵפֹ֑ד זָהָ֗ב תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֥שׁ מָשְׁזָֽר׃

‎9 ‏רָב֧וּעַ הָיָ֛ה כָּפ֖וּל עָשׂ֣וּ אֶת־הַחֹ֑שֶׁן זֶ֧רֶת אָרְכּ֛וֹ וְזֶ֥רֶת רָחְבּ֖וֹ כָּפֽוּל׃

‎10 ‏וַיְמַלְאוּ־ב֔וֹ אַרְבָּעָ֖ה ט֣וּרֵי אָ֑בֶן ט֗וּר אֹ֤דֶם פִּטְדָה֙ וּבָרֶ֔קֶת הַטּ֖וּר הָאֶחָֽד׃

‎11 ‏וְהַטּ֖וּר הַשֵּׁנִ֑י נֹ֥פֶךְ סַפִּ֖יר וְיָהֲלֹֽם׃

‎12 ‏וְהַטּ֖וּר הַשְּׁלִישִׁ֑י לֶ֥שֶׁם שְׁב֖וֹ וְאַחְלָֽמָה׃

‎13 ‏וְהַטּוּר֙ הָֽרְבִיעִ֔י תַּרְשִׁ֥ישׁ שֹׁ֖הַם וְיָשְׁפֵ֑ה מֽוּסַבֹּ֛ת מִשְׁבְּצ֥וֹת זָהָ֖ב בְּמִלֻּאֹתָֽם׃

‎14 ‏וְ֠הָאֲבָנִים עַל־שְׁמֹ֨ת בְּנֵי־יִשְׂרָאֵ֥ל הֵ֛נָּה שְׁתֵּ֥ים עֶשְׂרֵ֖ה עַל־שְׁמֹתָ֑ם פִּתּוּחֵ֤י חֹתָם֙ אִ֣ישׁ עַל־שְׁמ֔וֹ לִשְׁנֵ֥ים עָשָׂ֖ר שָֽׁבֶט׃

‎15 ‏וַיַּעֲשׂ֧וּ עַל־הַחֹ֛שֶׁן שַׁרְשְׁרֹ֥ת גַּבְלֻ֖ת מַעֲשֵׂ֣ה עֲבֹ֑ת זָהָ֖ב טָהֽוֹר׃

‎16 ‏וַֽיַּעֲשׂ֗וּ שְׁתֵּי֙ מִשְׁבְּצֹ֣ת זָהָ֔ב וּשְׁתֵּ֖י טַבְּעֹ֣ת זָהָ֑ב וַֽיִּתְּנ֗וּ אֶת־שְׁתֵּי֙ הַטַּבָּעֹ֔ת עַל־שְׁנֵ֖י קְצ֥וֹת הַחֹֽשֶׁן׃

‎17 ‏וַֽיִּתְּנ֗וּ שְׁתֵּי֙ הָעֲבֹתֹ֣ת הַזָּהָ֔ב עַל־שְׁתֵּ֖י הַטַּבָּעֹ֑ת עַל־קְצ֖וֹת הַחֹֽשֶׁן׃

‎18 ‏וְאֵ֨ת שְׁתֵּ֤י קְצוֹת֙ שְׁתֵּ֣י הָֽעֲבֹתֹ֔ת נָתְנ֖וּ עַל־שְׁתֵּ֣י הַֽמִּשְׁבְּצֹ֑ת וַֽיִּתְּנֻ֛ם עַל־כִּתְפֹ֥ת הָאֵפֹ֖ד אֶל־מ֥וּל פָּנָֽיו׃

‎19 ‏וַֽיַּעֲשׂ֗וּ שְׁתֵּי֙ טַבְּעֹ֣ת זָהָ֔ב וַיָּשִׂ֕ימוּ עַל־שְׁנֵ֖י קְצ֣וֹת הַחֹ֑שֶׁן עַל־שְׂפָת֕וֹ אֲשֶׁ֛ר אֶל־עֵ֥בֶר הָאֵפֹ֖ד בָּֽיְתָה׃

‎20 ‏וַֽיַּעֲשׂוּ֮ שְׁתֵּ֣י טַבְּעֹ֣ת זָהָב֒ וַֽיִּתְּנֻ֡ם עַל־שְׁתֵּי֩ כִתְפֹ֨ת הָאֵפֹ֤ד מִלְמַ֙טָּה֙ מִמּ֣וּל פָּנָ֔יו לְעֻמַּ֖ת מֶחְבַּרְתּ֑וֹ מִמַּ֕עַל לְחֵ֖שֶׁב הָאֵפֹֽד׃

‎21 ‏וַיִּרְכְּס֣וּ אֶת־הַחֹ֡שֶׁן מִטַּבְּעֹתָיו֩ אֶל־טַבְּעֹ֨ת הָאֵפֹ֜ד בִּפְתִ֣יל תְּכֵ֗לֶת לִֽהְיֹת֙ עַל־חֵ֣שֶׁב הָאֵפֹ֔ד וְלֹֽא־יִזַּ֣ח הַחֹ֔שֶׁן מֵעַ֖ל הָאֵפֹ֑ד כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃

‎22 ‏וַיַּ֛עַשׂ אֶת־מְעִ֥יל הָאֵפֹ֖ד מַעֲשֵׂ֣ה אֹרֵ֑ג כְּלִ֖יל תְּכֵֽלֶת׃

‎23 ‏וּפִֽי־הַמְּעִ֥יל בְּתוֹכ֖וֹ כְּפִ֣י תַחְרָ֑א שָׂפָ֥ה לְפִ֛יו סָבִ֖יב לֹ֥א יִקָּרֵֽעַ׃

‎24 ‏וַֽיַּעֲשׂוּ֙ עַל־שׁוּלֵ֣י הַמְּעִ֔יל רִמּוֹנֵ֕י תְּכֵ֥לֶת וְאַרְגָּמָ֖ן וְתוֹלַ֣עַת שָׁנִ֑י מָשְׁזָֽר׃

‎25 ‏וַיַּעֲשׂ֥וּ פַעֲמֹנֵ֖י זָהָ֣ב טָה֑וֹר וַיִּתְּנ֨וּ אֶת־הַפַּֽעֲמֹנִ֜ים בְּת֣וֹךְ הָרִמֹּנִ֗ים עַל־שׁוּלֵ֤י הַמְּעִיל֙ סָבִ֔יב בְּת֖וֹךְ הָרִמֹּנִֽים׃

‎26 ‏פַּעֲמֹ֤ן וְרִמֹּן֙ פַּעֲמֹ֣ן וְרִמֹּ֔ן עַל־שׁוּלֵ֥י הַמְּעִ֖יל סָבִ֑יב לְשָׁרֵ֕ת כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

‎27 ‏וַֽיַּעֲשׂ֛וּ אֶת־הַכָּתְנֹ֥ת שֵׁ֖שׁ מַעֲשֵׂ֣ה אֹרֵ֑ג לְאַהֲרֹ֖ן וּלְבָנָֽיו׃

‎28 ‏וְאֵת֙ הַמִּצְנֶ֣פֶת שֵׁ֔שׁ וְאֶת־פַּאֲרֵ֥י הַמִּגְבָּעֹ֖ת שֵׁ֑שׁ וְאֶת־מִכְנְסֵ֥י הַבָּ֖ד שֵׁ֥שׁ מָשְׁזָֽר׃

‎29 ‏וְֽאֶת־הָאַבְנֵ֞ט שֵׁ֣שׁ מָשְׁזָ֗ר וּתְכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י מַעֲשֵׂ֣ה רֹקֵ֑ם כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

‎30 ‏וַֽיַּעֲשׂ֛וּ אֶת־צִ֥יץ נֵֽזֶר־הַקֹּ֖דֶשׁ זָהָ֣ב טָה֑וֹר וַיִּכְתְּב֣וּ עָלָ֗יו מִכְתַּב֙ פִּתּוּחֵ֣י חוֹתָ֔ם קֹ֖דֶשׁ לַיהוָֽה׃

‎31 ‏וַיִּתְּנ֤וּ עָלָיו֙ פְּתִ֣יל תְּכֵ֔לֶת לָתֵ֥ת עַל־הַמִּצְנֶ֖פֶת מִלְמָ֑עְלָה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ ס

‎32 ‏וַתֵּ֕כֶל כָּל־עֲבֹדַ֕ת מִשְׁכַּ֖ן אֹ֣הֶל מוֹעֵ֑ד וַֽיַּעֲשׂוּ֙ בְּנֵ֣י יִשְׂרָאֵ֔ל כְּ֠כֹל אֲשֶׁ֨ר צִוָּ֧ה יְהוָ֛ה אֶת־מֹשֶׁ֖ה כֵּ֥ן עָשֽׂוּ׃ פ

‎33 ‏וַיָּבִ֤יאוּ אֶת־הַמִּשְׁכָּן֙ אֶל־מֹשֶׁ֔ה אֶת־הָאֹ֖הֶל וְאֶת־כָּל־כֵּלָ֑יו קְרָסָ֣יו קְרָשָׁ֔יו בריחו בְּרִיחָ֖יו וְעַמֻּדָ֥יו וַאֲדָנָֽיו׃

‎34 ‏וְאֶת־מִכְסֵ֞ה עוֹרֹ֤ת הָֽאֵילִם֙ הַמְאָדָּמִ֔ים וְאֶת־מִכְסֵ֖ה עֹרֹ֣ת הַתְּחָשִׁ֑ים וְאֵ֖ת פָּרֹ֥כֶת הַמָּסָֽךְ׃

‎35 ‏אֶת־אֲרֹ֥ן הָעֵדֻ֖ת וְאֶת־בַּדָּ֑יו וְאֵ֖ת הַכַּפֹּֽרֶת׃

‎36 ‏אֶת־הַשֻּׁלְחָן֙ אֶת־כָּל־כֵּלָ֔יו וְאֵ֖ת לֶ֥חֶם הַפָּנִֽים׃

‎37 ‏אֶת־הַמְּנֹרָ֨ה הַטְּהֹרָ֜ה אֶת־נֵרֹתֶ֗יהָ נֵרֹ֛ת הַמַּֽעֲרָכָ֖ה וְאֶת־כָּל־כֵּלֶ֑יהָ וְאֵ֖ת שֶׁ֥מֶן הַמָּאֽוֹר׃

‎38 ‏וְאֵת֙ מִזְבַּ֣ח הַזָּהָ֔ב וְאֵת֙ שֶׁ֣מֶן הַמִּשְׁחָ֔ה וְאֵ֖ת קְטֹ֣רֶת הַסַּמִּ֑ים וְאֵ֕ת מָסַ֖ךְ פֶּ֥תַח הָאֹֽהֶל׃

‎39 ‏אֵ֣ת׀ מִזְבַּ֣ח הַנְּחֹ֗שֶׁת וְאֶת־מִכְבַּ֤ר הַנְּחֹ֙שֶׁת֙ אֲשֶׁר־ל֔וֹ אֶת־בַּדָּ֖יו וְאֶת־כָּל־כֵּלָ֑יו אֶת־הַכִּיֹּ֖ר וְאֶת־כַּנּֽוֹ׃

‎40 ‏אֵת֩ קַלְעֵ֨י הֶחָצֵ֜ר אֶת־עַמֻּדֶ֣יהָ וְאֶת־אֲדָנֶ֗יהָ וְאֶת־הַמָּסָךְ֙ לְשַׁ֣עַר הֶֽחָצֵ֔ר אֶת־מֵיתָרָ֖יו וִיתֵדֹתֶ֑יהָ וְאֵ֗ת כָּל־כְּלֵ֛י עֲבֹדַ֥ת הַמִּשְׁכָּ֖ן לְאֹ֥הֶל מוֹעֵֽד׃

‎41 ‏אֶת־בִּגְדֵ֥י הַשְּׂרָ֖ד לְשָׁרֵ֣ת בַּקֹּ֑דֶשׁ אֶת־בִּגְדֵ֤י הַקֹּ֙דֶשׁ֙ לְאַהֲרֹ֣ן הַכֹּהֵ֔ן וְאֶת־בִּגְדֵ֥י בָנָ֖יו לְכַהֵֽן׃

‎42 ‏כְּכֹ֛ל אֲשֶׁר־צִוָּ֥ה יְהוָ֖ה אֶת־מֹשֶׁ֑ה כֵּ֤ן עָשׂוּ֙ בְּנֵ֣י יִשְׂרָאֵ֔ל אֵ֖ת כָּל־הָעֲבֹדָֽה׃

‎43 ‏וַיַּ֨רְא מֹשֶׁ֜ה אֶת־כָּל־הַמְּלָאכָ֗ה וְהִנֵּה֙ עָשׂ֣וּ אֹתָ֔הּ כַּאֲשֶׁ֛ר צִוָּ֥ה יְהוָ֖ה כֵּ֣ן עָשׂ֑וּ וַיְבָ֥רֶךְ אֹתָ֖ם מֹשֶֽׁה׃ פ

1 ûmin-hatəḵēleṯ wəhā’arəgāmān wəṯwōl^a‘aṯ haššānî ‘āśû ḇiḡəḏê-śərāḏ ləšārēṯ baqqōḏeš wayy^a‘ăśû ’eṯ-biḡəḏê haqqōḏeš ’ăšer lə’ahărōn ka’ăšer ṣiûâ yəhwâ ’eṯ-mōšeh: f

2 wayy^a‘aś ’eṯ-hā’ēfōḏ zâāḇ təḵēleṯ wə’arəgāmān wəṯwōl^a‘aṯ šānî wəšēš māšəzār:

3 wayəraqqə‘û ’eṯ-p^aḥê hazzâāḇ wəqiṣṣēṣ pəṯîlim l^a‘ăśwōṯ bəṯwōḵə hatəḵēleṯ ûḇəṯwōḵə hā’arəgāmān ûḇəṯwōḵə twōl^a‘aṯ haššānî ûḇəṯwōḵə haššēš m^a‘ăśēh ḥōšēḇ:

4 kəṯēfōṯ ‘āśû-lwō ḥōḇərōṯ ‘al-šənê qaṣəwwōṯāw qəṣwōṯāyw ḥubār:

5 wəḥēšeḇ ’ăfudāṯwō ’ăšer ‘ālāyw mimmennû hû’ kəm^a‘ăśēhû zâāḇ təḵēleṯ wə’arəgāmān wəṯwōl^a‘aṯ šānî wəšēš māšəzār ka’ăšer ṣiûâ yəhwâ ’eṯ-mōšeh:

6 wayy^a‘ăśû ’eṯ-’aḇənê haššōham musabōṯ mišəbəṣōṯ zâāḇ məfutāḥōṯ pitûḥê ḥwōṯām ‘al-šəmwōṯ bənê yiśərā’ēl:

7 wayyāśem ’ōṯām ‘al kiṯəfōṯ hā’ēfōḏ ’aḇənê zikārwōn liḇənê yiśərā’ēl ka’ăšer ṣiûâ yəhwâ ’eṯ-mōšeh: f

8 wayy^a‘aś ’eṯ-h^aḥōšen m^a‘ăśēh ḥōšēḇ kəm^a‘ăśēh ’ēfōḏ zâāḇ təḵēleṯ wə’arəgāmān wəṯwōl^a‘aṯ šānî wəšēš māšəzār:

9 rāḇû‘a hāyâ kāfûl ‘āśû ’eṯ-h^aḥōšen zereṯ ’ārəkwō wəzereṯ rāḥəbwō kāfûl:

10 wayəmalə’û-ḇwō ’arəbā‘â ṭûrê ’āḇen ṭûr ’ōḏem piṭəḏâ ûḇāreqeṯ haṭṭûr hā’eḥāḏ:

11 wəhaṭṭûr haššēnî nōfeḵə sapîr wəyâălōm:

12 wəhaṭṭûr haššəlîšî lešem šəḇwō wə’^aḥəlāmâ:

13 wəhaṭṭûr hārəḇî‘î tarəšîš šōham wəyāšəfēh mûsabōṯ mišəbəṣwōṯ zâāḇ bəmillu’ōṯām:

14 wəhā’ăḇānîm ‘al-šəmōṯ bənê-yiśərā’ēl hēnnâ šətêm ‘eśərēh ‘al-šəmōṯām pitûḥê ḥōṯām ’îš ‘al-šəmwō lišənêm ‘āśār šāḇeṭ:

15 wayy^a‘ăśû ‘al-h^aḥōšen šarəšərōṯ gaḇəluṯ m^a‘ăśēh ‘ăḇōṯ zâāḇ ṭâwōr:

16 wayy^a‘ăśû šətê mišəbəṣōṯ zâāḇ ûšətê ṭabə‘ōṯ zâāḇ wayyitənû ’eṯ-šətê haṭṭabā‘ōṯ ‘al-šənê qəṣwōṯ h^aḥōšen:

17 wayyitənû šətê hā‘ăḇōṯōṯ hazzâāḇ ‘al-šətê haṭṭabā‘ōṯ ‘al-qəṣwōṯ h^aḥōšen:

18 wə’ēṯ šətê qəṣwōṯ šətê hā‘ăḇōṯōṯ nāṯənû ‘al-šətê hammišəbəṣōṯ wayyitənum ‘al-kiṯəfōṯ hā’ēfōḏ ’el-mûl pānāyw:

19 wayy^a‘ăśû šətê ṭabə‘ōṯ zâāḇ wayyāśîmû ‘al-šənê qəṣwōṯ h^aḥōšen ‘al-śəfāṯwō ’ăšer ’el-‘ēḇer hā’ēfōḏ bāyəṯâ:

20 wayy^a‘ăśû šətê ṭabə‘ōṯ zâāḇ wayyitənum ‘al-šətê ḵiṯəfōṯ hā’ēfōḏ miləmaṭṭâ mimmûl pānāyw lə‘ummaṯ meḥəbarətwō mimm^a‘al ləḥēšeḇ hā’ēfōḏ:

21 wayyirəkəsû ’eṯ-h^aḥōšen miṭṭabə‘ōṯāyw ’el-ṭabə‘ōṯ hā’ēfōḏ bifəṯîl təḵēleṯ lihəyōṯ ‘al-ḥēšeḇ hā’ēfōḏ wəlō’-yizz^aḥ h^aḥōšen mē‘al hā’ēfōḏ ka’ăšer ṣiûâ yəhwâ ’eṯ-mōšeh:

22 wayy^a‘aś ’eṯ-mə‘îl hā’ēfōḏ m^a‘ăśēh ’ōrēḡ kəlîl təḵēleṯ:

23 ûfî-hammə‘îl bəṯwōḵwō kəfî ṯ^aḥərā’ śāfâ ləfîw sāḇîḇ lō’ yiqqārē‘a:

24 wayy^a‘ăśû ‘al-šûlê hammə‘îl rimmwōnê təḵēleṯ wə’arəgāmān wəṯwōl^a‘aṯ šānî māšəzār:

25 wayy^a‘ăśû f^a‘ămōnê zâāḇ ṭâwōr wayyitənû ’eṯ-hap^a‘ămōnîm bəṯwōḵə hārimmōnîm ‘al-šûlê hammə‘îl sāḇîḇ bəṯwōḵə hārimmōnîm:

26 p^a‘ămōn wərimmōn p^a‘ămōn wərimmōn ‘al-šûlê hammə‘îl sāḇîḇ ləšārēṯ ka’ăšer ṣiûâ yəhwâ ’eṯ-mōšeh: s

27 wayy^a‘ăśû ’eṯ-hakāṯənōṯ šēš m^a‘ăśēh ’ōrēḡ lə’ahărōn ûləḇānāyw:

28 wə’ēṯ hammiṣənefeṯ šēš wə’eṯ-pa’ărê hammiḡəbā‘ōṯ šēš wə’eṯ-miḵənəsê habāḏ šēš māšəzār:

29 wə’eṯ-hā’aḇənēṭ šēš māšəzār ûṯəḵēleṯ wə’arəgāmān wəṯwōl^a‘aṯ šānî m^a‘ăśēh rōqēm ka’ăšer ṣiûâ yəhwâ ’eṯ-mōšeh: s

30 wayy^a‘ăśû ’eṯ-ṣîṣ nēzer-haqqōḏeš zâāḇ ṭâwōr wayyiḵətəḇû ‘ālāyw miḵətaḇ pitûḥê ḥwōṯām qōḏeš layhwâ:

31 wayyitənû ‘ālāyw pəṯîl təḵēleṯ lāṯēṯ ‘al-hammiṣənefeṯ miləmā‘əlâ ka’ăšer ṣiûâ yəhwâ ’eṯ-mōšeh: s

32 watēḵel kāl-‘ăḇōḏaṯ mišəkan ’ōhel mwō‘ēḏ wayy^a‘ăśû bənê yiśərā’ēl kəḵōl ’ăšer ṣiûâ yəhwâ ’eṯ-mōšeh kēn ‘āśû: f

33 wayyāḇî’û ’eṯ-hammišəkān ’el-mōšeh ’eṯ-hā’ōhel wə’eṯ-kāl-kēlāyw qərāsāyw qərāšāyw bərîḥāw bərîḥāyw wə‘ammuḏāyw wa’ăḏānāyw:

34 wə’eṯ-miḵəsēh ‘wōrōṯ hā’êlim hamə’ādāmîm wə’eṯ-miḵəsēh ‘ōrōṯ hatəḥāšîm wə’ēṯ pārōḵeṯ hammāsāḵə:

35 ’eṯ-’ărōn hā‘ēḏuṯ wə’eṯ-badāyw wə’ēṯ hakapōreṯ:

36 ’eṯ-haššuləḥān ’eṯ-kāl-kēlāyw wə’ēṯ leḥem hapānîm:

37 ’eṯ-hammənōrâ haṭṭəhōrâ ’eṯ-nērōṯeyhā nērōṯ hamm^a‘ărāḵâ wə’eṯ-kāl-kēleyhā wə’ēṯ šemen hammā’wōr:

38 wə’ēṯ mizəb^aḥ hazzâāḇ wə’ēṯ šemen hammišəḥâ wə’ēṯ qəṭōreṯ hassammîm wə’ēṯ māsaḵə peṯ^aḥ hā’ōhel:

39 ’ēṯ| mizəb^aḥ hannəḥōšeṯ wə’eṯ-miḵəbar hannəḥōšeṯ ’ăšer-lwō ’eṯ-badāyw wə’eṯ-kāl-kēlāyw ’eṯ-hakîyōr wə’eṯ-kannwō:

40 ’ēṯ qalə‘ê heḥāṣēr ’eṯ-‘ammuḏeyhā wə’eṯ-’ăḏāneyhā wə’eṯ-hammāsāḵə ləš^a‘ar heḥāṣēr ’eṯ-mêṯārāyw wîṯēḏōṯeyhā wə’ēṯ kāl-kəlê ‘ăḇōḏaṯ hammišəkān lə’ōhel mwō‘ēḏ:

41 ’eṯ-biḡəḏê haśśərāḏ ləšārēṯ baqqōḏeš ’eṯ-biḡəḏê haqqōḏeš lə’ahărōn hakōhēn wə’eṯ-biḡəḏê ḇānāyw ləḵahēn:

42 kəḵōl ’ăšer-ṣiûâ yəhwâ ’eṯ-mōšeh kēn ‘āśû bənê yiśərā’ēl ’ēṯ kāl-hā‘ăḇōḏâ:

43 wayyarə’ mōšeh ’eṯ-kāl-hamməlā’ḵâ wəhinnēh ‘āśû ’ōṯāh ka’ăšer ṣiûâ yəhwâ kēn ‘āśû wayəḇāreḵə ’ōṯām mōšeh: f