‎1 ‏וּכְכַלּ֣וֹת אֵ֗לֶּה נִגְּשׁ֨וּ אֵלַ֤י הַשָּׂרִים֙ לֵאמֹ֔ר לֹֽא־נִבְדְּל֞וּ הָעָ֤ם יִשְׂרָאֵל֙ וְהַכֹּהֲנִ֣ים וְהַלְוִיִּ֔ם מֵעַמֵּ֖י הָאֲרָצ֑וֹת כְּ֠תוֹעֲבֹֽתֵיהֶם לַכְּנַעֲנִ֨י הַחִתִּ֜י הַפְּרִזִּ֣י הַיְבוּסִ֗י הָֽעַמֹּנִי֙ הַמֹּ֣אָבִ֔י הַמִּצְרִ֖י וְהָאֱמֹרִֽי׃

‎2 ‏כִּֽי־נָשְׂא֣וּ מִבְּנֹֽתֵיהֶ֗ם לָהֶם֙ וְלִבְנֵיהֶ֔ם וְהִתְעָֽרְבוּ֙ זֶ֣רַע הַקֹּ֔דֶשׁ בְּעַמֵּ֖י הָאֲרָצ֑וֹת וְיַ֧ד הַשָּׂרִ֣ים וְהַסְּגָנִ֗ים הָ֥יְתָ֛ה³ בַּמַּ֥עַל הַזֶּ֖ה רִאשׁוֹנָֽה׃ ס

‎3 ‏וּכְשָׁמְעִי֙ אֶת־הַדָּבָ֣ר הַזֶּ֔ה קָרַ֥עְתִּי אֶת־בִּגְדִ֖י וּמְעִילִ֑י וָאֶמְרְטָ֞ה מִשְּׂעַ֤ר רֹאשִׁי֙ וּזְקָנִ֔י וָאֵשְׁבָ֖ה מְשׁוֹמֵֽם׃

‎4 ‏וְאֵלַ֣י יֵאָסְפ֗וּ כֹּ֤ל חָרֵד֙ בְּדִבְרֵ֣י אֱלֹהֵֽי־יִשְׂרָאֵ֔ל עַ֖ל מַ֣עַל הַגּוֹלָ֑ה וַאֲנִי֙ יֹשֵׁ֣ב מְשׁוֹמֵ֔ם עַ֖ד לְמִנְחַ֥ת הָעָֽרֶב׃

‎5 ‏וּבְמִנְחַ֣ת הָעֶ֗רֶב קַ֚מְתִּי מִתַּֽעֲנִיתִ֔י וּבְקָרְעִ֥י בִגְדִ֖י וּמְעִילִ֑י וָֽאֶכְרְעָה֙ עַל־בִּרְכַּ֔י וָאֶפְרְשָׂ֥ה כַפַּ֖י אֶל־יְהוָ֥ה אֱלֹהָֽי׃

‎6 ‏וָאֹמְרָ֗ה אֱלֹהַי֙ בֹּ֣שְׁתִּי וְנִכְלַ֔מְתִּי לְהָרִ֧ים אֱלֹהַ֛י פָּנַ֖י אֵלֶ֑יךָ כִּ֣י עֲוֹנֹתֵ֤ינוּ רָבוּ֙ לְמַ֣עְלָה רֹּ֔אשׁ וְאַשְׁמָתֵ֥נוּ גָדְלָ֖ה עַ֥ד לַשָּׁמָֽיִם׃

‎7 ‏מִימֵ֣י אֲבֹתֵ֗ינוּ אֲנַ֙חְנוּ֙ בְּאַשְׁמָ֣ה גְדֹלָ֔ה עַ֖ד הַיּ֣וֹם הַזֶּ֑ה וּבַעֲוֹנֹתֵ֡ינוּ נִתַּ֡נּוּ אֲנַחְנוּ֩ מְלָכֵ֨ינוּ כֹהֲנֵ֜ינוּ בְּיַ֣ד׀ מַלְכֵ֣י הָאֲרָצ֗וֹת בַּחֶ֜רֶב בַּשְּׁבִ֧י וּבַבִּזָּ֛ה וּבְבֹ֥שֶׁת פָּנִ֖ים כְּהַיּ֥וֹם הַזֶּֽה׃

‎8 ‏וְעַתָּ֡ה כִּמְעַט־רֶגַע֩ הָיְתָ֨ה תְחִנָּ֜ה מֵאֵ֣ת׀ יְהוָ֣ה אֱלֹהֵ֗ינוּ לְהַשְׁאִ֥יר לָ֙נוּ֙ פְּלֵיטָ֔ה וְלָתֶת־לָ֥נוּ יָתֵ֖ד בִּמְק֣וֹם קָדְשׁ֑וֹ לְהָאִ֤יר עֵינֵ֙ינוּ֙ אֱלֹהֵ֔ינוּ וּלְתִתֵּ֛נוּ מִֽחְיָ֥ה מְעַ֖ט בְּעַבְדֻתֵֽנוּ׃

‎9 ‏כִּֽי־עֲבָדִ֣ים אֲנַ֔חְנוּ וּבְעַבְדֻתֵ֔נוּ³ לֹ֥א עֲזָבָ֖נוּ אֱלֹהֵ֑ינוּ וַֽיַּט־עָלֵ֣ינוּ חֶ֡סֶד לִפְנֵי֩ מַלְכֵ֨י פָרַ֜ס לָֽתֶת־לָ֣נוּ מִֽחְיָ֗ה לְרוֹמֵ֞ם אֶת־בֵּ֤ית אֱלֹהֵ֙ינוּ֙ וּלְהַעֲמִ֣יד אֶת־חָרְבֹתָ֔יו וְלָֽתֶת־לָ֣נוּ גָדֵ֔ר בִּֽיהוּדָ֖ה וּבִירוּשָׁלִָֽם׃ ס

‎10 ‏וְעַתָּ֛ה מַה־נֹּאמַ֥ר אֱלֹהֵ֖ינוּ אַֽחֲרֵי־זֹ֑את כִּ֥י עָזַ֖בְנוּ מִצְוֹתֶֽיךָ׃

‎11 ‏אֲשֶׁ֣ר צִוִּ֗יתָ בְּיַ֨ד עֲבָדֶ֣יךָ הַנְּבִיאִים֮ לֵאמֹר֒ הָאָ֗רֶץ אֲשֶׁ֨ר אַתֶּ֤ם בָּאִים֙ לְרִשְׁתָּ֔הּ אֶ֤רֶץ נִדָּה֙ הִ֔יא בְּנִדַּ֖ת עַמֵּ֣י הָאֲרָצ֑וֹת בְּתוֹעֲבֹֽתֵיהֶ֗ם אֲשֶׁ֥ר מִלְא֛וּהָ מִפֶּ֥ה אֶל־פֶּ֖ה בְּטֻמְאָתָֽם׃

‎12 ‏וְ֠עַתָּה בְּֽנוֹתֵיכֶ֞ם אַל־תִּתְּנ֣וּ לִבְנֵיהֶ֗ם וּבְנֹֽתֵיהֶם֙ אַל־תִּשְׂא֣וּ לִבְנֵיכֶ֔ם וְלֹֽא־תִדְרְשׁ֧וּ שְׁלֹמָ֛ם וְטוֹבָתָ֖ם עַד־עוֹלָ֑ם לְמַ֣עַן תֶּחֶזְק֗וּ וַאֲכַלְתֶּם֙ אֶת־ט֣וּב הָאָ֔רֶץ וְהוֹרַשְׁתֶּ֥ם לִבְנֵיכֶ֖ם עַד־עוֹלָֽם׃

‎13 ‏וְאַֽחֲרֵי֙ כָּל־הַבָּ֣א עָלֵ֔ינוּ בְּמַעֲשֵׂ֙ינוּ֙ הָרָעִ֔ים וּבְאַשְׁמָתֵ֖נוּ הַגְּדֹלָ֑ה כִּ֣י׀ אַתָּ֣ה אֱלֹהֵ֗ינוּ חָשַׂ֤כְתָּֽ לְמַ֙טָּה֙ מֵֽעֲוֹנֵ֔נוּ וְנָתַ֥תָּה לָּ֛נוּ פְּלֵיטָ֖ה כָּזֹֽאת׃

‎14 ‏הֲנָשׁוּב֙ לְהָפֵ֣ר מִצְוֹתֶ֔יךָ וּ֨לְהִתְחַתֵּ֔ן בְּעַמֵּ֥י הַתֹּעֵב֖וֹת הָאֵ֑לֶּה הֲל֤וֹא תֶֽאֱנַף־בָּ֙נוּ֙ עַד־כַּלֵּ֔ה לְאֵ֥ין שְׁאֵרִ֖ית וּפְלֵיטָֽה׃ פ

‎15 ‏יְהוָ֞ה אֱלֹהֵ֤י יִשְׂרָאֵל֙ צַדִּ֣יק אַ֔תָּה כִּֽי־נִשְׁאַ֥רְנוּ פְלֵיטָ֖ה כְּהַיּ֣וֹם הַזֶּ֑ה הִנְנ֤וּ לְפָנֶ֙יךָ֙ בְּאַשְׁמָתֵ֔ינוּ כִּ֣י אֵ֥ין לַעֲמ֛וֹד לְפָנֶ֖יךָ עַל־זֹֽאת׃ פ

1 ûḵəḵallwōṯ ’ēlleh nigəšû ’ēlay haśśārîm lē’mōr lō’-niḇədəlû hā‘ām yiśərā’ēl wəhakōhănîm wəhaləwîyim mē‘ammê hā’ărāṣwōṯ kəṯwō‘ăḇōṯêhem lakən^a‘ănî h^aḥitî hapərizzî hayəḇûsî hā‘ammōnî hammō’āḇî hammiṣərî wəhā’ĕmōrî:

2 kî-nāśə’û mibənōṯêhem lâem wəliḇənêhem wəhiṯə‘ārəḇû zer^a‘ haqqōḏeš bə‘ammê hā’ărāṣwōṯ wəyaḏ haśśārîm wəhassəḡānîm hāyəṯâ³ bamm^a‘al hazzeh ri’šwōnâ: s

3 ûḵəšāmə‘î ’eṯ-hadāḇār hazzeh qār^a‘ətî ’eṯ-biḡəḏî ûmə‘îlî wā’emərəṭâ miśśə‘ar rō’šî ûzəqānî wā’ēšəḇâ məšwōmēm:

4 wə’ēlay yē’āsəfû kōl ḥārēḏ bəḏiḇərê ’ĕlōhê-yiśərā’ēl ‘al m^a‘al hagwōlâ wa’ănî yōšēḇ məšwōmēm ‘aḏ ləminəḥaṯ hā‘āreḇ:

5 ûḇəminəḥaṯ hā‘ereḇ qamətî mit^a‘ănîṯî ûḇəqārə‘î ḇiḡəḏî ûmə‘îlî wā’eḵərə‘â ‘al-birəkay wā’efərəśâ ḵapay ’el-yəhwâ ’ĕlōhāy:

6 wā’ōmərâ ’ĕlōhay bōšətî wəniḵəlamətî ləhārîm ’ĕlōhay pānay ’ēleyḵā kî ‘ăwōnōṯênû rāḇû ləm^a‘əlâ rrō’š wə’ašəmāṯēnû ḡāḏəlâ ‘aḏ laššāmāyim:

7 mîmê ’ăḇōṯênû ’ăn^aḥənû bə’ašəmâ ḡəḏōlâ ‘aḏ hayywōm hazzeh ûḇ^a‘ăwōnōṯênû nitannû ’ăn^aḥənû məlāḵênû ḵōhănênû bəyaḏ| maləḵê hā’ărāṣwōṯ b^aḥereḇ baššəḇî ûḇabizzâ ûḇəḇōšeṯ pānîm kəhayywōm hazzeh:

8 wə‘atâ kimə‘aṭ-reḡ^a‘ hāyəṯâ ṯəḥinnâ mē’ēṯ| yəhwâ ’ĕlōhênû ləhašə’îr lānû pəlêṭâ wəlāṯeṯ-lānû yāṯēḏ biməqwōm qāḏəšwō ləhā’îr ‘ênênû ’ĕlōhênû ûləṯitēnû miḥəyâ mə‘aṭ bə‘aḇəḏuṯēnû:

9 kî-‘ăḇāḏîm ’ăn^aḥənû ûḇə‘aḇəḏuṯēnû³ lō’ ‘ăzāḇānû ’ĕlōhênû wayyaṭ-‘ālênû ḥeseḏ lifənê maləḵê fāras lāṯeṯ-lānû miḥəyâ lərwōmēm ’eṯ-bêṯ ’ĕlōhênû ûləh^a‘ămîḏ ’eṯ-ḥārəḇōṯāyw wəlāṯeṯ-lānû ḡāḏēr bîhûḏâ ûḇîrûšālāim: s

10 wə‘atâ mah-nnō’mar ’ĕlōhênû ’^aḥărê-zō’ṯ kî ‘āzaḇənû miṣəwōṯeyḵā:

11 ’ăšer ṣiûîṯā bəyaḏ ‘ăḇāḏeyḵā hannəḇî’îm lē’mōr hā’āreṣ ’ăšer ’atem bā’îm lərišətāh ’ereṣ nidâ hî’ bənidaṯ ‘ammê hā’ărāṣwōṯ bəṯwō‘ăḇōṯêhem ’ăšer milə’ûhā mipeh ’el-peh bəṭumə’āṯām:

12 wə‘atâ bənwōṯêḵem ’al-titənû liḇənêhem ûḇənōṯêhem ’al-tiśə’û liḇənêḵem wəlō’-ṯiḏərəšû šəlōmām wəṭwōḇāṯām ‘aḏ-‘wōlām ləm^a‘an teḥezəqû wa’ăḵalətem ’eṯ-ṭûḇ hā’āreṣ wəhwōrašətem liḇənêḵem ‘aḏ-‘wōlām:

13 wə’^aḥărê kāl-habā’ ‘ālênû bəm^a‘ăśênû hārā‘îm ûḇə’ašəmāṯēnû hagəḏōlâ kî| ’atâ ’ĕlōhênû ḥāśaḵətā ləmaṭṭâ mē‘ăwōnēnû wənāṯatâ llānû pəlêṭâ kāzō’ṯ:

14 hănāšûḇ ləhāfēr miṣəwōṯeyḵā ûləhiṯəḥatēn bə‘ammê hatō‘ēḇwōṯ hā’ēlleh hălwō’ ṯe’ĕnaf-bānû ‘aḏ-kallēh lə’ên šə’ērîṯ ûfəlêṭâ: f

15 yəhwâ ’ĕlōhê yiśərā’ēl ṣadîq ’atâ kî-nišə’arənû fəlêṭâ kəhayywōm hazzeh hinənû ləfāneyḵā bə’ašəmāṯênû kî ’ên l^a‘ămwōḏ ləfāneyḵā ‘al-zō’ṯ: f