‎1 ‏דְּבַר־יְהוָ֣ה׀ אֲשֶׁ֣ר הָיָ֗ה אֶל־הוֹשֵׁ֙עַ֙ בֶּן־בְּאֵרִ֔י בִּימֵ֨י עֻזִּיָּ֥ה יוֹתָ֛ם אָחָ֥ז יְחִזְקִיָּ֖ה מַלְכֵ֣י יְהוּדָ֑ה וּבִימֵ֛י יָרָבְעָ֥ם בֶּן־יוֹאָ֖שׁ מֶ֥לֶךְ יִשְׂרָאֵֽל׃

‎2 ‏תְּחִלַּ֥ת דִּבֶּר־יְהוָ֖ה בְּהוֹשֵׁ֑עַ פוַיֹּ֨אמֶר יְהוָ֜ה אֶל־הוֹשֵׁ֗עַ לֵ֣ךְ קַח־לְךָ֞ אֵ֤שֶׁת זְנוּנִים֙ וְיַלְדֵ֣י זְנוּנִ֔ים כִּֽי־זָנֹ֤ה תִזְנֶה֙ הָאָ֔רֶץ מֵֽאַחֲרֵ֖י יְהוָֽה׃

‎3 ‏וַיֵּ֙לֶךְ֙ וַיִּקַּ֔ח אֶת־גֹּ֖מֶר בַּת־דִּבְלָ֑יִם וַתַּ֥הַר וַתֵּֽלֶד־ל֖וֹ בֵּֽן׃

‎4 ‏וַיֹּ֤אמֶר יְהוָה֙ אֵלָ֔יו קְרָ֥א שְׁמ֖וֹ יִזְרְעֶ֑אל כִּי־ע֣וֹד מְעַ֗ט וּפָ֨קַדְתִּ֜י אֶת־דְּמֵ֤י יִזְרְעֶאל֙ עַל־בֵּ֣ית יֵה֔וּא וְהִ֨שְׁבַּתִּ֔י מַמְלְכ֖וּת בֵּ֥ית יִשְׂרָאֵֽל׃

‎5 ‏וְהָיָ֖ה בַּיּ֣וֹם הַה֑וּא וְשָֽׁבַרְתִּי֙ אֶת־קֶ֣שֶׁת יִשְׂרָאֵ֔ל בְּעֵ֖מֶק יִזְרְעֶֽאל׃

‎6 ‏וַתַּ֤הַר עוֹד֙ וַתֵּ֣לֶד בַּ֔ת וַיֹּ֣אמֶר ל֔וֹ קְרָ֥א שְׁמָ֖הּ לֹ֣א רֻחָ֑מָה כִּי֩ לֹ֨א אוֹסִ֜יף ע֗וֹד אֲרַחֵם֙ אֶת־בֵּ֣ית יִשְׂרָאֵ֔ל כִּֽי־נָשֹׂ֥א אֶשָּׂ֖א לָהֶֽם׃

‎7 ‏וְאֶת־בֵּ֤ית יְהוּדָה֙ אֲרַחֵ֔ם וְהֽוֹשַׁעְתִּ֖ים בַּיהוָ֣ה אֱלֹֽהֵיהֶ֑ם וְלֹ֣א אֽוֹשִׁיעֵ֗ם בְּקֶ֤שֶׁת וּבְחֶ֙רֶב֙ וּבְמִלְחָמָ֔ה בְּסוּסִ֖ים וּבְפָרָשִֽׁים׃

‎8 ‏וַתִּגְמֹ֖ל אֶת־לֹ֣א רֻחָ֑מָה וַתַּ֖הַר וַתֵּ֥לֶד בֵּֽן׃

‎9 ‏וַיֹּ֕אמֶר קְרָ֥א שְׁמ֖וֹ לֹ֣א עַמִּ֑י כִּ֤י אַתֶּם֙ לֹ֣א עַמִּ֔י וְאָנֹכִ֖י לֹֽא־אֶהְיֶ֥ה לָכֶֽם׃ ס

1 dəḇar-yəhwâ| ’ăšer hāyâ ’el-hwōšē‘a ben-bə’ērî bîmê ‘uzzîyâ ywōṯām ’āḥāz yəḥizəqîyâ maləḵê yəhûḏâ ûḇîmê yārāḇə‘ām ben-ywō’āš meleḵə yiśərā’ēl:

2 təḥillaṯ diber-yəhwâ bəhwōšē‘a fwayyō’mer yəhwâ ’el-hwōšē‘a lēḵə q^aḥ-ləḵā ’ēšeṯ zənûnîm wəyaləḏê zənûnîm kî-zānōh ṯizəneh hā’āreṣ mē’^aḥărê yəhwâ:

3 wayyēleḵə wayyiqq^aḥ ’eṯ-gōmer baṯ-diḇəlāyim watahar watēleḏ-lwō bēn:

4 wayyō’mer yəhwâ ’ēlāyw qərā’ šəmwō yizərə‘e’l kî-‘wōḏ mə‘aṭ ûfāqaḏətî ’eṯ-dəmê yizərə‘e’l ‘al-bêṯ yēhû’ wəhišəbatî mamələḵûṯ bêṯ yiśərā’ēl:

5 wəhāyâ bayywōm hahû’ wəšāḇarətî ’eṯ-qešeṯ yiśərā’ēl bə‘ēmeq yizərə‘e’l:

6 watahar ‘wōḏ watēleḏ baṯ wayyō’mer lwō qərā’ šəmāh lō’ ruḥāmâ kî lō’ ’wōsîf ‘wōḏ ’ăr^aḥēm ’eṯ-bêṯ yiśərā’ēl kî-nāśō’ ’eśśā’ lâem:

7 wə’eṯ-bêṯ yəhûḏâ ’ăr^aḥēm wəhwōš^a‘ətîm bayhwâ ’ĕlōhêhem wəlō’ ’wōšî‘ēm bəqešeṯ ûḇəḥereḇ ûḇəmiləḥāmâ bəsûsîm ûḇəfārāšîm:

8 watiḡəmōl ’eṯ-lō’ ruḥāmâ watahar watēleḏ bēn:

9 wayyō’mer qərā’ šəmwō lō’ ‘ammî kî ’atem lō’ ‘ammî wə’ānōḵî lō’-’ehəyeh lāḵem: s