‎1 ‏הַדָּבָר֙ אֲשֶׁ֣ר חָזָ֔ה יְשַֽׁעְיָ֖הוּ בֶּן־אָמ֑וֹץ עַל־יְהוּדָ֖ה וִירוּשָׁלִָֽם׃

‎2 ‏וְהָיָ֣ה׀ בְּאַחֲרִ֣ית הַיָּמִ֗ים נָכ֨וֹן יִֽהְיֶ֜ה הַ֤ר בֵּית־יְהוָה֙ בְּרֹ֣אשׁ הֶהָרִ֔ים וְנִשָּׂ֖א מִגְּבָע֑וֹת וְנָהֲר֥וּ אֵלָ֖יו כָּל־הַגּוֹיִֽם׃

‎3 ‏וְֽהָלְכ֞וּ עַמִּ֣ים רַבִּ֗ים וְאָמְרוּ֙ לְכ֣וּ׀ וְנַעֲלֶ֣ה אֶל־הַר־יְהוָ֗ה אֶל־בֵּית֙ אֱלֹהֵ֣י יַעֲקֹ֔ב וְיֹרֵ֙נוּ֙ מִדְּרָכָ֔יו וְנֵלְכָ֖ה בְּאֹרְחֹתָ֑יו כִּ֤י מִצִּיּוֹן֙ תֵּצֵ֣א תוֹרָ֔ה וּדְבַר־יְהוָ֖ה מִירוּשָׁלִָֽם׃

‎4 ‏וְשָׁפַט֙ בֵּ֣ין הַגּוֹיִ֔ם וְהוֹכִ֖יחַ לְעַמִּ֣ים רַבִּ֑ים וְכִתְּת֨וּ חַרְבוֹתָ֜ם לְאִתִּ֗ים וַחֲנִיתֽוֹתֵיהֶם֙ לְמַזְמֵר֔וֹת לֹא־יִשָּׂ֨א ג֤וֹי אֶל־גּוֹי֙ חֶ֔רֶב וְלֹא־יִלְמְד֥וּ ע֖וֹד מִלְחָמָֽה׃ פ

‎5 ‏בֵּ֖ית יַעֲקֹ֑ב לְכ֥וּ וְנֵלְכָ֖ה בְּא֥וֹר יְהוָֽה׃

‎6 ‏כִּ֣י נָטַ֗שְׁתָּה עַמְּךָ֙ בֵּ֣ית יַעֲקֹ֔ב כִּ֤י מָלְאוּ֙ מִקֶּ֔דֶם וְעֹֽנְנִ֖ים כַּפְּלִשְׁתִּ֑ים וּבְיַלְדֵ֥י נָכְרִ֖ים יַשְׂפִּֽיקוּ׃

‎7 ‏וַתִּמָּלֵ֤א אַרְצוֹ֙ כֶּ֣סֶף וְזָהָ֔ב וְאֵ֥ין קֵ֖צֶה לְאֹצְרֹתָ֑יו וַתִּמָּלֵ֤א אַרְצוֹ֙ סוּסִ֔ים וְאֵ֥ין קֵ֖צֶה לְמַרְכְּבֹתָֽיו׃

‎8 ‏וַתִּמָּלֵ֥א אַרְצ֖וֹ אֱלִילִ֑ים לְמַעֲשֵׂ֤ה יָדָיו֙ יִֽשְׁתַּחֲו֔וּ לַאֲשֶׁ֥ר עָשׂ֖וּ אֶצְבְּעֹתָֽיו׃

‎9 ‏וַיִּשַּׁ֥ח אָדָ֖ם וַיִּשְׁפַּל־אִ֑ישׁ וְאַל־תִּשָּׂ֖א לָהֶֽם׃

‎10 ‏בּ֣וֹא בַצּ֔וּר וְהִטָּמֵ֖ן בֶּֽעָפָ֑ר מִפְּנֵי֙ פַּ֣חַד יְהוָ֔ה וּמֵהֲדַ֖ר גְּאֹנֽוֹ׃

‎11 ‏עֵינֵ֞י גַּבְה֤וּת אָדָם֙ שָׁפֵ֔ל וְשַׁ֖ח ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדּ֖וֹ בַּיּ֥וֹם הַהֽוּא׃ ס

‎12 ‏כִּ֣י י֞וֹם לַיהוָ֧ה צְבָא֛וֹת עַ֥ל כָּל־גֵּאֶ֖ה וָרָ֑ם וְעַ֖ל כָּל־נִשָּׂ֥א וְשָׁפֵֽל׃

‎13 ‏וְעַל֙ כָּל־אַרְזֵ֣י הַלְּבָנ֔וֹן הָרָמִ֖ים וְהַנִּשָּׂאִ֑ים וְעַ֖ל כָּל־אַלּוֹנֵ֥י הַבָּשָֽׁן׃

‎14 ‏וְעַ֖ל כָּל־הֶהָרִ֣ים הָרָמִ֑ים וְעַ֖ל כָּל־הַגְּבָע֥וֹת הַנִּשָּׂאֽוֹת׃

‎15 ‏וְעַ֖ל כָּל־מִגְדָּ֣ל גָּבֹ֑הַ¹ וְעַ֖ל כָּל־חוֹמָ֥ה בְצוּרָֽה׃

‎16 ‏וְעַ֖ל כָּל־אֳנִיּ֣וֹת תַּרְשִׁ֑ישׁ וְעַ֖ל כָּל־שְׂכִיּ֥וֹת הַחֶמְדָּֽה׃

‎17 ‏וְשַׁח֙ גַּבְה֣וּת הָאָדָ֔ם וְשָׁפֵ֖ל ר֣וּם אֲנָשִׁ֑ים וְנִשְׂגַּ֧ב יְהוָ֛ה לְבַדּ֖וֹ בַּיּ֥וֹם הַהֽוּא׃

‎18 ‏וְהָאֱלִילִ֖ים כָּלִ֥יל יַחֲלֹֽף׃

‎19 ‏וּבָ֙אוּ֙ בִּמְעָר֣וֹת צֻרִ֔ים וּבִמְחִלּ֖וֹת עָפָ֑ר מִפְּנֵ֞י פַּ֤חַד יְהוָה֙ וּמֵהֲדַ֣ר גְּאוֹנ֔וֹ בְּקוּמ֖וֹ לַעֲרֹ֥ץ הָאָֽרֶץ׃

‎20 ‏בַּיּ֤וֹם הַהוּא֙ יַשְׁלִ֣יךְ הָאָדָ֔ם אֵ֚ת אֱלִילֵ֣י כַסְפּ֔וֹ וְאֵ֖ת אֱלִילֵ֣י זְהָב֑וֹ אֲשֶׁ֤ר עָֽשׂוּ־לוֹ֙ לְהִֽשְׁתַּחֲוֹ֔ת לַחְפֹּ֥ר פֵּר֖וֹת וְלָעֲטַלֵּפִֽים׃

‎21 ‏לָבוֹא֙ בְּנִקְר֣וֹת הַצֻּרִ֔ים וּבִסְעִפֵ֖י הַסְּלָעִ֑ים מִפְּנֵ֞י פַּ֤חַד יְהוָה֙ וּמֵהֲדַ֣ר גְּאוֹנ֔וֹ בְּקוּמ֖וֹ לַעֲרֹ֥ץ הָאָֽרֶץ׃

‎22 ‏חִדְל֤וּ לָכֶם֙ מִן־הָ֣אָדָ֔ם אֲשֶׁ֥ר נְשָׁמָ֖ה בְּאַפּ֑וֹ כִּֽי־בַמֶּ֥ה נֶחְשָׁ֖ב הֽוּא׃ פ

1 hadāḇār ’ăšer ḥāzâ yəš^a‘əyâû ben-’āmwōṣ ‘al-yəhûḏâ wîrûšālāim:

2 wəhāyâ| bə’^aḥărîṯ hayyāmîm nāḵwōn yihəyeh har bêṯ-yəhwâ bərō’š hehārîm wəniśśā’ migəḇā‘wōṯ wənâărû ’ēlāyw kāl-hagwōyim:

3 wəhāləḵû ‘ammîm rabîm wə’āmərû ləḵû| wən^a‘ăleh ’el-har-yəhwâ ’el-bêṯ ’ĕlōhê y^a‘ăqōḇ wəyōrēnû midərāḵāyw wənēləḵâ bə’ōrəḥōṯāyw kî miṣṣîywōn tēṣē’ ṯwōrâ ûḏəḇar-yəhwâ mîrûšālāim:

4 wəšāfaṭ bên hagwōyim wəhwōḵîḥa lə‘ammîm rabîm wəḵitəṯû ḥarəḇwōṯām lə’itîm w^aḥănîṯwōṯêhem ləmazəmērwōṯ lō’-yiśśā’ ḡwōy ’el-gwōy ḥereḇ wəlō’-yiləməḏû ‘wōḏ miləḥāmâ: f

5 bêṯ y^a‘ăqōḇ ləḵû wənēləḵâ bə’wōr yəhwâ:

6 kî nāṭašətâ ‘amməḵā bêṯ y^a‘ăqōḇ kî mālə’û miqqeḏem wə‘ōnənîm kapəlišətîm ûḇəyaləḏê nāḵərîm yaśəpîqû:

7 watimmālē’ ’arəṣwō kesef wəzâāḇ wə’ên qēṣeh lə’ōṣərōṯāyw watimmālē’ ’arəṣwō sûsîm wə’ên qēṣeh ləmarəkəḇōṯāyw:

8 watimmālē’ ’arəṣwō ’ĕlîlîm ləm^a‘ăśēh yāḏāyw yišət^aḥăwû la’ăšer ‘āśû ’eṣəbə‘ōṯāyw:

9 wayyišš^aḥ ’āḏām wayyišəpal-’îš wə’al-tiśśā’ lâem:

10 bwō’ ḇaṣṣûr wəhiṭṭāmēn be‘āfār mipənê p^aḥaḏ yəhwâ ûmēhăḏar gə’ōnwō:

11 ‘ênê gaḇəhûṯ ’āḏām šāfēl wəš^aḥ rûm ’ănāšîm wəniśəgaḇ yəhwâ ləḇadwō bayywōm hahû’: s

12 kî ywōm layhwâ ṣəḇā’wōṯ ‘al kāl-gē’eh wārām wə‘al kāl-niśśā’ wəšāfēl:

13 wə‘al kāl-’arəzê halləḇānwōn hārāmîm wəhanniśśā’îm wə‘al kāl-’allwōnê habāšān:

14 wə‘al kāl-hehārîm hārāmîm wə‘al kāl-hagəḇā‘wōṯ hanniśśā’wōṯ:

15 wə‘al kāl-miḡədāl gāḇōha¹ wə‘al kāl-ḥwōmâ ḇəṣûrâ:

16 wə‘al kāl-’ŏnîywōṯ tarəšîš wə‘al kāl-śəḵîywōṯ h^aḥemədâ:

17 wəš^aḥ gaḇəhûṯ hā’āḏām wəšāfēl rûm ’ănāšîm wəniśəgaḇ yəhwâ ləḇadwō bayywōm hahû’:

18 wəhā’ĕlîlîm kālîl y^aḥălōf:

19 ûḇā’û bimə‘ārwōṯ ṣurîm ûḇiməḥillwōṯ ‘āfār mipənê p^aḥaḏ yəhwâ ûmēhăḏar gə’wōnwō bəqûmwō l^a‘ărōṣ hā’āreṣ:

20 bayywōm hahû’ yašəlîḵə hā’āḏām ’ēṯ ’ĕlîlê ḵasəpwō wə’ēṯ ’ĕlîlê zəhāḇwō ’ăšer ‘āśû-lwō ləhišət^aḥăwōṯ l^aḥəpōr pērwōṯ wəlā‘ăṭallēfîm:

21 lāḇwō’ bəniqərwōṯ haṣṣurîm ûḇisə‘ifê hassəlā‘îm mipənê p^aḥaḏ yəhwâ ûmēhăḏar gə’wōnwō bəqûmwō l^a‘ărōṣ hā’āreṣ:

22 ḥiḏəlû lāḵem min-hā’āḏām ’ăšer nəšāmâ bə’apwō kî-ḇammeh neḥəšāḇ hû’: f