‎1 ‏וַיַּ֖עַן אִיּ֥וֹב אֶת־יְהוָ֗ה וַיֹּאמַֽר׃

‎2 ‏ידעת יָ֭דַעְתִּי כִּי־כֹ֣ל תּוּכָ֑ל וְלֹא־יִבָּצֵ֖ר מִמְּךָ֣ מְזִמָּֽה׃

‎3 ‏מִ֤י זֶ֨ה׀ מַעְלִ֥ים עֵצָ֗ה בְּֽלִ֫י דָ֥עַת לָכֵ֣ן הִ֭גַּדְתִּי וְלֹ֣א אָבִ֑ין נִפְלָא֥וֹת מִ֝מֶּ֗נִּי וְלֹ֣א אֵדָֽע׃

‎4 ‏שְֽׁמַֽע־נָ֭א וְאָנֹכִ֣י אֲדַבֵּ֑ר אֶ֝שְׁאָלְךָ֗ וְהוֹדִיעֵֽנִי׃

‎5 ‏לְשֵֽׁמַע־אֹ֥זֶן שְׁמַעְתִּ֑יךָ וְ֝עַתָּ֗ה עֵינִ֥י רָאָֽתְךָ׃

‎6 ‏עַל־כֵּ֭ן אֶמְאַ֣ס וְנִחַ֑מְתִּי עַל־עָפָ֥ר וָאֵֽפֶר׃ פ

‎7 ‏וַיְהִ֗י אַחַ֨ר דִּבֶּ֧ר יְהוָ֛ה אֶת־הַדְּבָרִ֥ים הָאֵ֖לֶּה אֶל־אִיּ֑וֹב וַיֹּ֨אמֶר יְהוָ֜ה אֶל־אֱלִיפַ֣ז הַתֵּֽימָנִ֗י חָרָ֨ה אַפִּ֤י בְךָ֙ וּבִשְׁנֵ֣י רֵעֶ֔יךָ כִּ֠י לֹ֣א דִבַּרְתֶּ֥ם אֵלַ֛י נְכוֹנָ֖ה כְּעַבְדִּ֥י אִיּֽוֹב׃

‎8 ‏וְעַתָּ֡ה קְחֽוּ־לָכֶ֣ם שִׁבְעָֽה־פָרִים֩ וְשִׁבְעָ֨ה אֵילִ֜ים וּלְכ֣וּ׀ אֶל־עַבְדִּ֣י אִיּ֗וֹב וְהַעֲלִיתֶ֤ם עוֹלָה֙ בַּֽעַדְכֶ֔ם וְאִיּ֣וֹב עַבְדִּ֔י יִתְפַּלֵּ֖ל עֲלֵיכֶ֑ם כִּ֧י אִם־פָּנָ֣יו אֶשָּׂ֗א לְבִלְתִּ֞י עֲשׂ֤וֹת עִמָּכֶם֙ נְבָלָ֔ה כִּ֠י לֹ֣א דִבַּרְתֶּ֥ם אֵלַ֛י נְכוֹנָ֖ה כְּעַבְדִּ֥י אִיּֽוֹב׃

‎9 ‏וַיֵּלְכוּ֩ אֱלִיפַ֨ז הַתֵּֽימָנִ֜י וּבִלְדַּ֣ד הַשּׁוּחִ֗י צֹפַר֙ הַנַּ֣עֲמָתִ֔י וַֽיַּעֲשׂ֔וּ כַּאֲשֶׁ֛ר דִּבֶּ֥ר אֲלֵיהֶ֖ם יְהוָ֑ה וַיִּשָּׂ֥א יְהוָ֖ה אֶת־פְּנֵ֥י אִיּֽוֹב׃

‎10 ‏וַֽיהוָ֗ה שָׁ֚ב אֶת־שבית שְׁב֣וּת אִיּ֔וֹב בְּהִֽתְפַּֽלְל֖וֹ בְּעַ֣ד רֵעֵ֑הוּ וַ֧יֹּסֶף יְהוָ֛ה אֶת־כָּל־אֲשֶׁ֥ר לְאִיּ֖וֹב לְמִשְׁנֶֽה׃

‎11 ‏וַיָּבֹ֣אוּ אֵ֠לָיו כָּל־אֶחָ֨יו וְכָל־אחיתיו אַחְיוֹתָ֜יו וְכָל־יֹדְעָ֣יו לְפָנִ֗ים וַיֹּאכְל֨וּ עִמּ֣וֹ לֶחֶם֮ בְּבֵיתוֹ֒ וַיָּנֻ֤דוּ לוֹ֙ וַיְנַחֲמ֣וּ אֹת֔וֹ עַ֚ל כָּל־הָ֣רָעָ֔ה אֲשֶׁר־הֵבִ֥יא יְהוָ֖ה עָלָ֑יו וַיִּתְּנוּ־ל֗וֹ אִ֚ישׁ קְשִׂיטָ֣ה אֶחָ֔ת וְאִ֕ישׁ נֶ֥זֶם זָהָ֖ב אֶחָֽד׃ ³ס

‎12 ‏וַֽיהוָ֗ה בֵּרַ֛ךְ אֶת־אַחֲרִ֥ית אִיּ֖וֹב מֵרֵאשִׁת֑וֹ וַֽיְהִי־ל֡וֹ אַרְבָּעָה֩ עָשָׂ֨ר אֶ֜לֶף צֹ֗אן וְשֵׁ֤שֶׁת אֲלָפִים֙ גְּמַלִּ֔ים וְאֶֽלֶף־צֶ֥מֶד בָּקָ֖ר וְאֶ֥לֶף אֲתוֹנֽוֹת׃

‎13 ‏וַֽיְהִי־ל֛וֹ שִׁבְעָ֥נָה בָנִ֖ים וְשָׁל֥וֹשׁ בָּנֽוֹת׃

‎14 ‏וַיִּקְרָ֤א שֵׁם־הָֽאַחַת֙ יְמִימָ֔ה וְשֵׁ֥ם הַשֵּׁנִ֖ית קְצִיעָ֑ה וְשֵׁ֥ם הַשְּׁלִישִׁ֖ית קֶ֥רֶן הַפּֽוּךְ׃

‎15 ‏וְלֹ֨א נִמְצָ֜א נָשִׁ֥ים יָפ֛וֹת כִּבְנ֥וֹת אִיּ֖וֹב בְּכָל־הָאָ֑רֶץ וַיִּתֵּ֨ן לָהֶ֧ם אֲבִיהֶ֛ם נַחֲלָ֖ה בְּת֥וֹךְ אֲחֵיהֶֽם׃ ס

‎16 ‏וַיְחִ֤י אִיּוֹב֙ אַֽחֲרֵי־זֹ֔את מֵאָ֥ה וְאַרְבָּעִ֖ים שָׁנָ֑ה וירא וַיִּרְאֶ֗ה אֶת־בָּנָיו֙ וְאֶת־בְּנֵ֣י בָנָ֔יו אַרְבָּעָ֖ה דֹּרֽוֹת׃

‎17 ‏וַיָּ֣מָת אִיּ֔וֹב זָקֵ֖ן וּשְׂבַ֥ע יָמִֽים׃

1 wayy^a‘an ’îywōḇ ’eṯ-yəhwâ wayyō’mar:

2 yāḏ^a‘ətā yāḏ^a‘ətî kî-ḵōl tûḵāl wəlō’-yibāṣēr mimməḵā məzimmâ:

3 mî zeh| m^a‘əlîm ‘ēṣâ bəlî ḏā‘aṯ lāḵēn higaḏətî wəlō’ ’āḇîn nifəlā’wōṯ mimmennî wəlō’ ’ēḏā‘:

4 šəm^a‘-nā’ wə’ānōḵî ’ăḏabēr ’ešə’āləḵā wəhwōḏî‘ēnî:

5 ləšēm^a‘-’ōzen šəm^a‘ətîḵā wə‘atâ ‘ênî rā’āṯəḵā:

6 ‘al-kēn ’emə’as wəniḥamətî ‘al-‘āfār wā’ēfer: f

7 wayəhî ’^aḥar diber yəhwâ ’eṯ-hadəḇārîm hā’ēlleh ’el-’îywōḇ wayyō’mer yəhwâ ’el-’ĕlîfaz hatêmānî ḥārâ ’apî ḇəḵā ûḇišənê rē‘eyḵā kî lō’ ḏibarətem ’ēlay nəḵwōnâ kə‘aḇədî ’îywōḇ:

8 wə‘atâ qəḥû-lāḵem šiḇə‘â-fārîm wəšiḇə‘â ’êlîm ûləḵû| ’el-‘aḇədî ’îywōḇ wəh^a‘ălîṯem ‘wōlâ b^a‘aḏəḵem wə’îywōḇ ‘aḇədî yiṯəpallēl ‘ălêḵem kî ’im-pānāyw ’eśśā’ ləḇilətî ‘ăśwōṯ ‘immāḵem nəḇālâ kî lō’ ḏibarətem ’ēlay nəḵwōnâ kə‘aḇədî ’îywōḇ:

9 wayyēləḵû ’ĕlîfaz hatêmānî ûḇilədaḏ haššûḥî ṣōfar hann^a‘ămāṯî wayy^a‘ăśû ka’ăšer diber ’ălêhem yəhwâ wayyiśśā’ yəhwâ ’eṯ-pənê ’îywōḇ:

10 wayhwâ šāḇ ’eṯ-šəḇîṯ šəḇûṯ ’îywōḇ bəhiṯəpaləlwō bə‘aḏ rē‘ēhû wayyōsef yəhwâ ’eṯ-kāl-’ăšer lə’îywōḇ ləmišəneh:

11 wayyāḇō’û ’ēlāyw kāl-’eḥāyw wəḵāl-’^aḥəyōṯāyw ’^aḥəywōṯāyw wəḵāl-yōḏə‘āyw ləfānîm wayyō’ḵəlû ‘immwō leḥem bəḇêṯwō wayyānuḏû lwō wayən^aḥămû ’ōṯwō ‘al kāl-hārā‘â ’ăšer-hēḇî’ yəhwâ ‘ālāyw wayyitənû-lwō ’îš qəśîṭâ ’eḥāṯ wə’îš nezem zâāḇ ’eḥāḏ: ³s

12 wayhwâ bēraḵə ’eṯ-’^aḥărîṯ ’îywōḇ mērē’šiṯwō wayəhî-lwō ’arəbā‘â ‘āśār ’elef ṣō’n wəšēšeṯ ’ălāfîm gəmallîm wə’elef-ṣemeḏ bāqār wə’elef ’ăṯwōnwōṯ:

13 wayəhî-lwō šiḇə‘ānâ ḇānîm wəšālwōš bānwōṯ:

14 wayyiqərā’ šēm-hā’^aḥaṯ yəmîmâ wəšēm haššēnîṯ qəṣî‘â wəšēm haššəlîšîṯ qeren hapûḵə:

15 wəlō’ niməṣā’ nāšîm yāfwōṯ kiḇənwōṯ ’îywōḇ bəḵāl-hā’āreṣ wayyitēn lâem ’ăḇîhem n^aḥălâ bəṯwōḵə ’ăḥêhem: s

16 wayəḥî ’îywōḇ ’^aḥărê-zō’ṯ mē’â wə’arəbā‘îm šānâ wayyarə’ wayyirə’eh ’eṯ-bānāyw wə’eṯ-bənê ḇānāyw ’arəbā‘â dōrwōṯ:

17 wayyāmāṯ ’îywōḇ zāqēn ûśəḇ^a‘ yāmîm: