‎1 ‏וְאֵ֙לֶּה֙ הַכֹּהֲנִ֣ים וְהַלְוִיִּ֔ם אֲשֶׁ֥ר עָל֛וּ עִם־זְרֻבָּבֶ֥ל בֶּן־שְׁאַלְתִּיאֵ֖ל וְיֵשׁ֑וּעַ שְׂרָיָ֥ה יִרְמְיָ֖ה עֶזְרָֽא׃

‎2 ‏אֲמַרְיָ֥ה מַלּ֖וּךְ חַטּֽוּשׁ׃

‎3 ‏שְׁכַנְיָ֥ה רְחֻ֖ם מְרֵמֹֽת׃

‎4 ‏עִדּ֥וֹא גִנְּת֖וֹי אֲבִיָּֽה׃

‎5 ‏מִיָּמִ֥ין מַֽעַדְיָ֖ה בִּלְגָּֽה׃

‎6 ‏שְׁמַֽעְיָ֥ה וְיוֹיָרִ֖יב יְדַֽעְיָֽה׃

‎7 ‏סַלּ֣וּ עָמ֔וֹק חִלְקִיָּ֖ה יְדַֽעְיָ֑ה אֵ֣לֶּה רָאשֵׁ֧י הַכֹּהֲנִ֛ים וַאֲחֵיהֶ֖ם בִּימֵ֥י יֵשֽׁוּעַ׃ פ

‎8 ‏וְהַלְוִיִּ֗ם יֵשׁ֧וּעַ בִּנּ֛וּי קַדְמִיאֵ֥ל שֵׁרֵבְיָ֖ה יְהוּדָ֣ה מַתַּנְיָ֑ה עַֽל־הֻיְּד֖וֹת ה֥וּא וְאֶחָֽיו׃³

‎9 ‏וּבַקְבֻּֽקְיָ֨ה וענו וְעֻנִּ֧י אֲחֵיהֶ֛ם לְנֶגְדָּ֖ם לְמִשְׁמָרֽוֹת׃

‎10 ‏וְיֵשׁ֖וּעַ הוֹלִ֣יד אֶת־יֽוֹיָקִ֑ים וְיֽוֹיָקִים֙ הוֹלִ֣יד אֶת־אֶלְיָשִׁ֔יב וְאֶלְיָשִׁ֖יב אֶת־יוֹיָדָֽע׃

‎11 ‏וְיוֹיָדָע֙ הוֹלִ֣יד אֶת־יוֹנָתָ֔ן וְיוֹנָתָ֖ן הוֹלִ֥יד אֶת־יַדּֽוּעַ׃

‎12 ‏וּבִימֵי֙ יֽוֹיָקִ֔ים הָי֥וּ כֹהֲנִ֖ים רָאשֵׁ֣י הָאָב֑וֹת לִשְׂרָיָ֣ה מְרָיָ֔ה לְיִרְמְיָ֖ה חֲנַנְיָֽה׃

‎13 ‏לְעֶזְרָ֣א מְשֻׁלָּ֔ם לַאֲמַרְיָ֖ה יְהוֹחָנָֽן׃

‎14 ‏למלוכי לִמְלִ֙יכוּ֙ יֽוֹנָתָ֔ן לִשְׁבַנְיָ֖ה יוֹסֵֽף׃

‎15 ‏לְחָרִ֣ם עַדְנָ֔א לִמְרָי֖וֹת חֶלְקָֽי׃

‎16 ‏לעדיא לְעִדּ֥וֹא זְכַרְיָ֖ה לְגִנְּת֥וֹן מְשֻׁלָּֽם׃

‎17 ‏לַאֲבִיָּ֖ה זִכְרִ֑י לְמִ֨נְיָמִ֔ין לְמוֹעַדְיָ֖ה פִּלְטָֽי׃

‎18 ‏לְבִלְגָּ֣ה שַׁמּ֔וּעַ לִֽשְׁמַעְיָ֖ה יְהוֹנָתָֽן׃

‎19 ‏וּלְיוֹיָרִ֣יב מַתְּנַ֔י לִֽידַֽעְיָ֖ה עֻזִּֽי׃

‎20 ‏לְסַלַּ֥י קַלָּ֖י לְעָמ֥וֹק עֵֽבֶר׃

‎21 ‏לְחִלְקִיָּ֣ה חֲשַׁבְיָ֔ה לִֽידַֽעְיָ֖ה נְתַנְאֵֽל׃

‎22 ‏הַלְוִיִּם֩ בִּימֵ֨י אֶלְיָשִׁ֜יב יוֹיָדָ֤ע וְיוֹחָנָן֙ וְיַדּ֔וּעַ כְּתוּבִ֖ים רָאשֵׁ֣י אָב֑וֹת וְהַכֹּ֣הֲנִ֔ים עַל־מַלְכ֖וּת דָּרְיָ֥וֶשׁ הַפָּֽרְסִֽי׃ פ

‎23 ‏בְּנֵ֤י לֵוִי֙ רָאשֵׁ֣י הָֽאָב֔וֹת כְּתוּבִ֕ים עַל־סֵ֖פֶר דִּבְרֵ֣י הַיָּמִ֑ים וְעַד־יְמֵ֖י יֽוֹחָנָ֥ן בֶּן־אֶלְיָשִֽׁיב׃

‎24 ‏וְרָאשֵׁ֣י הַ֠לְוִיִּם חֲשַׁבְיָ֨ה שֵֽׁרֵבְיָ֜ה וְיֵשׁ֤וּעַ בֶּן־קַדְמִיאֵל֙ וַאֲחֵיהֶ֣ם לְנֶגְדָּ֔ם לְהַלֵּ֣ל לְהוֹד֔וֹת בְּמִצְוַ֖ת דָּוִ֣יד אִישׁ־הָאֱלֹהִ֑ים מִשְׁמָ֖ר לְעֻמַּ֥ת מִשְׁמָֽר׃

‎25 ‏מַתַּנְיָ֧ה וּבַקְבֻּֽקְיָ֛ה עֹבַדְיָ֥ה מְשֻׁלָּ֖ם טַלְמ֣וֹן עַקּ֑וּב שֹׁמְרִ֤ים שֽׁוֹעֲרִים֙ מִשְׁמָ֔ר בַּאֲסֻפֵּ֖י הַשְּׁעָרִֽים׃

‎26 ‏אֵ֕לֶּה בִּימֵ֛י יוֹיָקִ֥ים בֶּן־יֵשׁ֖וּעַ בֶּן־יוֹצָדָ֑ק וּבִימֵי֙ נְחֶמְיָ֣ה הַפֶּחָ֔ה וְעֶזְרָ֥א הַכֹּהֵ֖ן הַסּוֹפֵֽר׃ פ

‎27 ‏וּבַחֲנֻכַּ֞ת חוֹמַ֣ת יְרוּשָׁלִַ֗ם בִּקְשׁ֤וּ אֶת־הַלְוִיִּם֙ מִכָּל־מְק֣וֹמֹתָ֔ם לַהֲבִיאָ֖ם לִֽירוּשָׁלִָ֑ם לַעֲשֹׂ֨ת חֲנֻכָּ֤ה וְשִׂמְחָה֙ וּבְתוֹד֣וֹת וּבְשִׁ֔יר מְצִלְתַּ֖יִם נְבָלִ֥ים וּבְכִנֹּרֽוֹת׃

‎28 ‏וַיֵּאָ֣סְפ֔וּ בְּנֵ֖י הַמְשֹׁרְרִ֑ים וּמִן־הַכִּכָּר֙ סְבִיב֣וֹת יְרוּשָׁלִַ֔ם וּמִן־חַצְרֵ֖י נְטֹפָתִֽי׃

‎29 ‏וּמִבֵּית֙ הַגִּלְגָּ֔ל וּמִשְּׂד֥וֹת גֶּ֖בַע וְעַזְמָ֑וֶת כִּ֣י חֲצֵרִ֗ים בָּנ֤וּ לָהֶם֙ הַמְשֹׁ֣רֲרִ֔ים סְבִיב֖וֹת יְרוּשָׁלִָֽם׃

‎30 ‏וַיִּֽטַּהֲר֔וּ הַכֹּהֲנִ֖ים וְהַלְוִיִּ֑ם וַֽיְטַהֲרוּ֙ אֶת־הָעָ֔ם וְאֶת־הַשְּׁעָרִ֖ים וְאֶֽת־הַחוֹמָֽה׃

‎31 ‏וָאַעֲלֶה֙ אֶת־שָׂרֵ֣י יְהוּדָ֔ה מֵעַ֖ל לַחוֹמָ֑ה וָאַעֲמִ֡ידָה שְׁתֵּ֣י תוֹדֹת֩ גְּדוֹלֹ֨ת וְתַהֲלֻכֹ֤ת לַיָּמִין֙ מֵעַ֣ל לַחוֹמָ֔ה לְשַׁ֖עַר הָאַשְׁפֹּֽת׃

‎32 ‏וַיֵּ֤לֶךְ אַחֲרֵיהֶם֙ הוֹשַׁ֣עְיָ֔ה וַחֲצִ֖י שָׂרֵ֥י יְהוּדָֽה׃

‎33 ‏וַעֲזַרְיָ֥ה עֶזְרָ֖א וּמְשֻׁלָּֽם׃

‎34 ‏יְהוּדָה֙ וּבִנְיָמִ֔ן וּֽשְׁמַֽעְיָ֖ה וְיִרְמְיָֽה׃ ס

‎35 ‏וּמִבְּנֵ֥י הַכֹּהֲנִ֖ים בַּחֲצֹצְר֑וֹת זְכַרְיָ֨ה בֶן־יֽוֹנָתָ֜ן בֶּן־שְׁמַֽעְיָ֗ה בֶּן־מַתַּנְיָה֙ בֶּן־מִ֣יכָיָ֔ה בֶּן־זַכּ֖וּר בֶּן־אָסָֽף׃

‎36 ‏וְֽאֶחָ֡יו שְֽׁמַעְיָ֡ה וַעֲזַרְאֵ֡ל מִֽלֲלַ֡י גִּֽלֲלַ֡י מָעַ֞י נְתַנְאֵ֤ל וִֽיהוּדָה֙ חֲנָ֔נִי בִּכְלֵי־שִׁ֥יר דָּוִ֖יד אִ֣ישׁ הָאֱלֹהִ֑ים וְעֶזְרָ֥א הַסּוֹפֵ֖ר לִפְנֵיהֶֽם׃

‎37 ‏וְעַל֩ שַׁ֨עַר הָעַ֜יִן וְנֶגְדָּ֗ם עָלוּ֙ עַֽל־מַעֲלוֹת֙ עִ֣יר דָּוִ֔יד בַּֽמַּעֲלֶ֖ה לַחוֹמָ֑ה מֵעַל֙ לְבֵ֣ית דָּוִ֔יד וְעַ֛ד שַׁ֥עַר הַמַּ֖יִם מִזְרָֽח׃

‎38 ‏וְהַתּוֹדָ֧ה הַשֵּׁנִ֛ית הַהוֹלֶ֥כֶת לְמ֖וֹאל וַאֲנִ֣י אַחֲרֶ֑יהָ וַחֲצִ֨י הָעָ֜ם מֵעַ֣ל לְהַחוֹמָ֗ה מֵעַל֙ לְמִגְדַּ֣ל הַתַּנּוּרִ֔ים וְעַ֖ד הַחוֹמָ֥ה הָרְחָבָֽה׃

‎39 ‏וּמֵעַ֣ל לְשַֽׁעַר־אֶ֠פְרַיִם וְעַל־שַׁ֨עַר הַיְשָׁנָ֜ה וְעַל־שַׁ֣עַר הַדָּגִ֗ים וּמִגְדַּ֤ל חֲנַנְאֵל֙ וּמִגְדַּ֣ל הַמֵּאָ֔ה וְעַ֖ד שַׁ֣עַר הַצֹּ֑אן³ וְעָ֣מְד֔וּ בְּשַׁ֖עַר הַמַּטָּרָֽה׃

‎40 ‏וַֽתַּעֲמֹ֛דְנָה שְׁתֵּ֥י הַתּוֹדֹ֖ת בְּבֵ֣ית הָאֱלֹהִ֑ים וַאֲנִ֕י וַחֲצִ֥י הַסְּגָנִ֖ים עִמִּֽי׃

‎41 ‏וְהַכֹּהֲנִ֡ים אֶלְיָקִ֡ים מַעֲשֵׂיָ֡ה מִ֠נְיָמִין מִיכָיָ֧ה אֶלְיוֹעֵינַ֛י זְכַרְיָ֥ה חֲנַנְיָ֖ה בַּחֲצֹצְרֽוֹת׃

‎42 ‏וּמַעֲשֵׂיָ֨ה וּֽשְׁמַֽעְיָ֜ה וְאֶלְעָזָ֧ר וְעֻזִּ֛י וִֽיהוֹחָנָ֥ן וּמַלְכִּיָּ֖ה וְעֵילָ֣ם וָעָ֑זֶר וַיַּשְׁמִ֙יעוּ֙ הַמְשֹׁ֣רְרִ֔ים וְיִֽזְרַחְיָ֖ה הַפָּקִֽיד׃

‎43 ‏וַיִּזְבְּח֣וּ בַיּוֹם־הַ֠הוּא זְבָחִ֨ים גְּדוֹלִ֜ים וַיִּשְׂמָ֗חוּ כִּ֤י הָאֱלֹהִים֙ שִׂמְּחָם֙ שִׂמְחָ֣ה גְדוֹלָ֔ה וְגַ֧ם הַנָּשִׁ֛ים וְהַיְלָדִ֖ים שָׂמֵ֑חוּ וַתִּשָּׁמַ֛ע שִׂמְחַ֥ת יְרוּשָׁלִַ֖ם מֵרָחֽוֹק׃

‎44 ‏וַיִּפָּקְד֣וּ בַיּוֹם֩ הַה֨וּא אֲנָשִׁ֜ים עַל־הַנְּשָׁכ֗וֹת לָא֨וֹצָר֥וֹת לַתְּרוּמוֹת֮ לָרֵאשִׁ֣ית וְלַמַּֽעַשְׂרוֹת֒ לִכְנ֨וֹס בָּהֶ֜ם לִשְׂדֵ֤י הֶעָרִים֙ מְנָא֣וֹת הַתּוֹרָ֔ה לַכֹּהֲנִ֖ים וְלַלְוִיִּ֑ם כִּ֚י שִׂמְחַ֣ת יְהוּדָ֔ה עַל־הַכֹּהֲנִ֥ים וְעַל־הַלְוִיִּ֖ם הָעֹמְדִֽים׃

‎45 ‏וַֽיִּשְׁמְר֞וּ מִשְׁמֶ֤רֶת אֱלֹֽהֵיהֶם֙ וּמִשְׁמֶ֣רֶת הַֽטָּהֳרָ֗ה וְהַמְשֹׁרְרִ֖ים וְהַשֹּׁעֲרִ֑ים כְּמִצְוַ֥ת דָּוִ֖יד שְׁלֹמֹ֥ה בְנֽוֹ׃

‎46 ‏כִּֽי־בִימֵ֥י דָוִ֛יד וְאָסָ֖ף מִקֶּ֑דֶם ראש רָאשֵׁי֙ הַמְשֹׁ֣רְרִ֔ים וְשִׁיר־תְּהִלָּ֥ה וְהֹד֖וֹת לֵֽאלֹהִֽים׃

‎47 ‏וְכָל־יִשְׂרָאֵל֩ בִּימֵ֨י זְרֻבָּבֶ֜ל וּבִימֵ֣י נְחֶמְיָ֗ה נֹֽתְנִ֛ים מְנָי֛וֹת הַמְשֹׁרְרִ֥ים וְהַשֹּׁעֲרִ֖ים דְּבַר־י֣וֹם בְּיוֹמ֑וֹ וּמַקְדִּשִׁים֙ לַלְוִיִּ֔ם וְהַלְוִיִּ֔ם מַקְדִּשִׁ֖ים לִבְנֵ֥י אַהֲרֹֽן׃ פ

1 wə’ēlleh hakōhănîm wəhaləwîyim ’ăšer ‘ālû ‘im-zərubāḇel ben-šə’alətî’ēl wəyēšû‘a śərāyâ yirəməyâ ‘ezərā’:

2 ’ămarəyâ mallûḵə ḥaṭṭûš:

3 šəḵanəyâ rəḥum mərēmōṯ:

4 ‘idwō’ ḡinnəṯwōy ’ăḇîyâ:

5 mîyāmîn m^a‘aḏəyâ biləgâ:

6 šəm^a‘əyâ wəywōyārîḇ yəḏ^a‘əyâ:

7 sallû ‘āmwōq ḥiləqîyâ yəḏ^a‘əyâ ’ēlleh rā’šê hakōhănîm wa’ăḥêhem bîmê yēšû‘a: f

8 wəhaləwîyim yēšû‘a binnûy qaḏəmî’ēl šērēḇəyâ yəhûḏâ matanəyâ ‘al-huyyəḏwōṯ hû’ wə’eḥāyw:³

9 ûḇaqəbuqəyâ wə‘unnwō wə‘unnî ’ăḥêhem ləneḡədām ləmišəmārwōṯ:

10 wəyēšû‘a hwōlîḏ ’eṯ-ywōyāqîm wəywōyāqîm hwōlîḏ ’eṯ-’eləyāšîḇ wə’eləyāšîḇ ’eṯ-ywōyāḏā‘:

11 wəywōyāḏā‘ hwōlîḏ ’eṯ-ywōnāṯān wəywōnāṯān hwōlîḏ ’eṯ-yadû‘a:

12 ûḇîmê ywōyāqîm hāyû ḵōhănîm rā’šê hā’āḇwōṯ liśərāyâ mərāyâ ləyirəməyâ ḥănanəyâ:

13 lə‘ezərā’ məšullām la’ămarəyâ yəhwōḥānān:

14 liməlûḵî liməlîḵû ywōnāṯān lišəḇanəyâ ywōsēf:

15 ləḥārim ‘aḏənā’ limərāywōṯ ḥeləqāy:

16 l^a‘ăḏāyā’ lə‘idwō’ zəḵarəyâ ləḡinnəṯwōn məšullām:

17 la’ăḇîyâ ziḵərî ləminəyāmîn ləmwō‘aḏəyâ piləṭāy:

18 ləḇiləgâ šammû‘a lišəm^a‘əyâ yəhwōnāṯān:

19 ûləywōyārîḇ matənay lîḏ^a‘əyâ ‘uzzî:

20 ləsallay qallāy lə‘āmwōq ‘ēḇer:

21 ləḥiləqîyâ ḥăšaḇəyâ lîḏ^a‘əyâ nəṯanə’ēl:

22 haləwîyim bîmê ’eləyāšîḇ ywōyāḏā‘ wəywōḥānān wəyadû‘a kəṯûḇîm rā’šê ’āḇwōṯ wəhakōhănîm ‘al-maləḵûṯ dārəyāweš hapārəsî: f

23 bənê lēwî rā’šê hā’āḇwōṯ kəṯûḇîm ‘al-sēfer diḇərê hayyāmîm wə‘aḏ-yəmê ywōḥānān ben-’eləyāšîḇ:

24 wərā’šê haləwîyim ḥăšaḇəyâ šērēḇəyâ wəyēšû‘a ben-qaḏəmî’ēl wa’ăḥêhem ləneḡədām ləhallēl ləhwōḏwōṯ bəmiṣəwaṯ dāwîḏ ’îš-hā’ĕlōhîm mišəmār lə‘ummaṯ mišəmār:

25 matanəyâ ûḇaqəbuqəyâ ‘ōḇaḏəyâ məšullām ṭaləmwōn ‘aqqûḇ šōmərîm šwō‘ărîm mišəmār ba’ăsupê haššə‘ārîm:

26 ’ēlleh bîmê ywōyāqîm ben-yēšû‘a ben-ywōṣāḏāq ûḇîmê nəḥeməyâ hapeḥâ wə‘ezərā’ hakōhēn hasswōfēr: f

27 ûḇ^aḥănukaṯ ḥwōmaṯ yərûšālaim biqəšû ’eṯ-haləwîyim mikāl-məqwōmōṯām lahăḇî’ām lîrûšālāim l^a‘ăśōṯ ḥănukâ wəśiməḥâ ûḇəṯwōḏwōṯ ûḇəšîr məṣilətayim nəḇālîm ûḇəḵinnōrwōṯ:

28 wayyē’āsəfû bənê haməšōrərîm ûmin-hakikār səḇîḇwōṯ yərûšālaim ûmin-ḥaṣərê nəṭōfāṯî:

29 ûmibêṯ hagiləgāl ûmiśśəḏwōṯ geḇ^a‘ wə‘azəmāweṯ kî ḥăṣērîm bānû lâem haməšōrărîm səḇîḇwōṯ yərûšālāim:

30 wayyiṭṭahărû hakōhănîm wəhaləwîyim wayəṭahărû ’eṯ-hā‘ām wə’eṯ-haššə‘ārîm wə’eṯ-h^aḥwōmâ:

31 wā’^a‘ăleh ’eṯ-śārê yəhûḏâ mē‘al l^aḥwōmâ wā’^a‘ămîḏâ šətê ṯwōḏōṯ gəḏwōlōṯ wəṯahăluḵōṯ layyāmîn mē‘al l^aḥwōmâ ləš^a‘ar hā’ašəpōṯ:

32 wayyēleḵə ’^aḥărêhem hwōš^a‘əyâ w^aḥăṣî śārê yəhûḏâ:

33 w^a‘ăzarəyâ ‘ezərā’ ûməšullām:

34 yəhûḏâ ûḇinəyāmin ûšəm^a‘əyâ wəyirəməyâ: s

35 ûmibənê hakōhănîm b^aḥăṣōṣərwōṯ zəḵarəyâ ḇen-ywōnāṯān ben-šəm^a‘əyâ ben-matanəyâ ben-mîḵāyâ ben-zakûr ben-’āsāf:

36 wə’eḥāyw šəm^a‘əyâ w^a‘ăzarə’ēl milălay gilălay mā‘ay nəṯanə’ēl wîhûḏâ ḥănānî biḵəlê-šîr dāwîḏ ’îš hā’ĕlōhîm wə‘ezərā’ hasswōfēr lifənêhem:

37 wə‘al š^a‘ar hā‘ayin wəneḡədām ‘ālû ‘al-m^a‘ălwōṯ ‘îr dāwîḏ bamm^a‘ăleh l^aḥwōmâ mē‘al ləḇêṯ dāwîḏ wə‘aḏ š^a‘ar hammayim mizərāḥ:

38 wəhatwōḏâ haššēnîṯ hahwōleḵeṯ ləmwō’l wa’ănî ’^aḥăreyhā w^aḥăṣî hā‘ām mē‘al ləh^aḥwōmâ mē‘al ləmiḡədal hatannûrîm wə‘aḏ h^aḥwōmâ hārəḥāḇâ:

39 ûmē‘al ləš^a‘ar-’efərayim wə‘al-š^a‘ar hayəšānâ wə‘al-š^a‘ar hadāḡîm ûmiḡədal ḥănanə’ēl ûmiḡədal hammē’â wə‘aḏ š^a‘ar haṣṣō’n³ wə‘āməḏû bəš^a‘ar hammaṭṭārâ:

40 wat^a‘ămōḏənâ šətê hatwōḏōṯ bəḇêṯ hā’ĕlōhîm wa’ănî w^aḥăṣî hassəḡānîm ‘immî:

41 wəhakōhănîm ’eləyāqîm m^a‘ăśêâ minəyāmîn mîḵāyâ ’eləywō‘ênay zəḵarəyâ ḥănanəyâ b^aḥăṣōṣərwōṯ:

42 ûm^a‘ăśêâ ûšəm^a‘əyâ wə’elə‘āzār wə‘uzzî wîhwōḥānān ûmaləkîyâ wə‘êlām wā‘āzer wayyašəmî‘û haməšōrərîm wəyizər^aḥəyâ hapāqîḏ:

43 wayyizəbəḥû ḇayywōm-hahû’ zəḇāḥîm gəḏwōlîm wayyiśəmāḥû kî hā’ĕlōhîm śimməḥām śiməḥâ ḡəḏwōlâ wəḡam hannāšîm wəhayəlāḏîm śāmēḥû watiššām^a‘ śiməḥaṯ yərûšālaim mērāḥwōq:

44 wayyipāqəḏû ḇayywōm hahû’ ’ănāšîm ‘al-hannəšāḵwōṯ lā’wōṣārwōṯ latərûmwōṯ lārē’šîṯ wəlamm^a‘aśərwōṯ liḵənwōs bâem liśəḏê he‘ārîm mənā’wōṯ hatwōrâ lakōhănîm wəlaləwîyim kî śiməḥaṯ yəhûḏâ ‘al-hakōhănîm wə‘al-haləwîyim hā‘ōməḏîm:

45 wayyišəmərû mišəmereṯ ’ĕlōhêhem ûmišəmereṯ haṭṭâŏrâ wəhaməšōrərîm wəhaššō‘ărîm kəmiṣəwaṯ dāwîḏ šəlōmōh ḇənwō:

46 kî-ḇîmê ḏāwîḏ wə’āsāf miqqeḏem rō’š rā’šê haməšōrərîm wəšîr-təhillâ wəhōḏwōṯ lē’lōhîm:

47 wəḵāl-yiśərā’ēl bîmê zərubāḇel ûḇîmê nəḥeməyâ nōṯənîm mənāywōṯ haməšōrərîm wəhaššō‘ărîm dəḇar-ywōm bəywōmwō ûmaqədišîm laləwîyim wəhaləwîyim maqədišîm liḇənê ’ahărōn: f