‎1 ‏וּֽלְנָעֳמִ֞י מידע מוֹדַ֣ע לְאִישָׁ֗הּ אִ֚ישׁ גִּבּ֣וֹר חַ֔יִל מִמִּשְׁפַּ֖חַת אֱלִימֶ֑לֶךְ וּשְׁמ֖וֹ בֹּֽעַז׃

‎2 ‏וַתֹּאמֶר֩ ר֨וּת הַמּוֹאֲבִיָּ֜ה אֶֽל־נָעֳמִ֗י אֵֽלְכָה־נָּ֤א הַשָּׂדֶה֙ וַאֲלַקֳטָ֣ה בַשִּׁבֳּלִ֔ים אַחַ֕ר אֲשֶׁ֥ר אֶמְצָא־חֵ֖ן בְּעֵינָ֑יו וַתֹּ֥אמֶר לָ֖הּ לְכִ֥י בִתִּֽי׃

‎3 ‏וַתֵּ֤לֶךְ וַתָּבוֹא֙ וַתְּלַקֵּ֣ט בַּשָּׂדֶ֔ה אַחֲרֵ֖י הַקֹּצְרִ֑ים וַיִּ֣קֶר מִקְרֶ֔הָ חֶלְקַ֤ת הַשָּׂדֶה֙ לְבֹ֔עַז אֲשֶׁ֖ר מִמִּשְׁפַּ֥חַת אֱלִימֶֽלֶךְ׃

‎4 ‏וְהִנֵּה־בֹ֗עַז בָּ֚א מִבֵּ֣ית לֶ֔חֶם וַיֹּ֥אמֶר לַקּוֹצְרִ֖ים יְהוָ֣ה עִמָּכֶ֑ם וַיֹּ֥אמְרוּ ל֖וֹ יְבָרֶכְךָ֥ יְהוָֽה׃

‎5 ‏וַיֹּ֤אמֶר בֹּ֙עַז֙ לְנַעֲר֔וֹ הַנִּצָּ֖ב עַל־הַקּֽוֹצְרִ֑ים לְמִ֖י הַנַּעֲרָ֥ה הַזֹּֽאת׃

‎6 ‏וַיַּ֗עַן הַנַּ֛עַר הַנִּצָּ֥ב עַל־הַקּוֹצְרִ֖ים וַיֹּאמַ֑ר נַעֲרָ֤ה מֽוֹאֲבִיָּה֙ הִ֔יא הַשָּׁ֥בָה עִֽם־נָעֳמִ֖י מִשְּׂדֵ֥ה מוֹאָֽב׃

‎7 ‏וַתֹּ֗אמֶר אֲלַקֳטָה־נָּא֙ וְאָסַפְתִּ֣י בָֽעֳמָרִ֔ים אַחֲרֵ֖י הַקּוֹצְרִ֑ים וַתָּב֣וֹא וַֽתַּעֲמ֗וֹד מֵאָ֤ז הַבֹּ֙קֶר֙ וְעַד־עַ֔תָּה זֶ֛ה שִׁבְתָּ֥הּ הַבַּ֖יִת מְעָֽט׃

‎8 ‏וַיֹּאמֶר֩ בֹּ֨עַז אֶל־ר֜וּת הֲל֧וֹא שָׁמַ֣עַתְּ בִּתִּ֗י אַל־תֵּלְכִי֙ לִלְקֹט֙ בְּשָׂדֶ֣ה אַחֵ֔ר וְגַ֛ם לֹ֥א תַעֲבוּרִ֖י מִזֶּ֑ה וְכֹ֥ה תִדְבָּקִ֖ין עִם־נַעֲרֹתָֽי׃

‎9 ‏עֵינַ֜יִךְ בַּשָּׂדֶ֤ה אֲשֶׁר־יִקְצֹרוּן֙ וְהָלַ֣כְתְּ אַחֲרֵיהֶ֔ן הֲל֥וֹא צִוִּ֛יתִי אֶת־הַנְּעָרִ֖ים לְבִלְתִּ֣י נָגְעֵ֑ךְ וְצָמִ֗ת וְהָלַכְתְּ֙ אֶל־הַכֵּלִ֔ים וְשָׁתִ֕ית מֵאֲשֶׁ֥ר יִשְׁאֲב֖וּן הַנְּעָרִֽים׃

‎10 ‏וַתִּפֹּל֙ עַל־פָּנֶ֔יהָ וַתִּשְׁתַּ֖חוּ אָ֑רְצָה וַתֹּ֣אמֶר אֵלָ֗יו מַדּוּעַ֩ מָצָ֨אתִי חֵ֤ן בְּעֵינֶ֙יךָ֙ לְהַכִּירֵ֔נִי וְאָנֹכִ֖י נָכְרִיָּֽה׃

‎11 ‏וַיַּ֤עַן בֹּ֙עַז֙ וַיֹּ֣אמֶר לָ֔הּ הֻגֵּ֨ד הֻגַּ֜ד לִ֗י כֹּ֤ל אֲשֶׁר־עָשִׂית֙ אֶת־חֲמוֹתֵ֔ךְ אַחֲרֵ֖י מ֣וֹת אִישֵׁ֑ךְ וַתַּֽעַזְבִ֞י אָבִ֣יךְ וְאִמֵּ֗ךְ וְאֶ֙רֶץ֙ מֽוֹלַדְתֵּ֔ךְ וַתֵּ֣לְכִ֔י אֶל־עַ֕ם אֲשֶׁ֥ר לֹא־יָדַ֖עַתְּ תְּמ֥וֹל שִׁלְשֽׁוֹם׃

‎12 ‏יְשַׁלֵּ֥ם יְהוָ֖ה פָּעֳלֵ֑ךְ וּתְהִ֨י מַשְׂכֻּרְתֵּ֜ךְ שְׁלֵמָ֗ה מֵעִ֤ם יְהוָה֙ אֱלֹהֵ֣י יִשְׂרָאֵ֔ל אֲשֶׁר־בָּ֖את לַחֲס֥וֹת תַּֽחַת־כְּנָפָֽיו׃

‎13 ‏וַ֠תֹּאמֶר אֶמְצָא־חֵ֨ן בְּעֵינֶ֤יךָ אֲדֹנִי֙ כִּ֣י נִֽחַמְתָּ֔נִי וְכִ֥י דִבַּ֖רְתָּ עַל־לֵ֣ב שִׁפְחָתֶ֑ךָ וְאָנֹכִי֙ לֹ֣א אֶֽהְיֶ֔ה כְּאַחַ֖ת שִׁפְחֹתֶֽיךָ׃

‎14 ‏וַיֹּאמֶר֩ לָ֨ה בֹ֜עַז לְעֵ֣ת הָאֹ֗כֶל גֹּ֤שִֽׁי הֲלֹם֙ וְאָכַ֣לְתְּ מִן־הַלֶּ֔חֶם וְטָבַ֥לְתְּ פִּתֵּ֖ךְ בַּחֹ֑מֶץ וַתֵּ֙שֶׁב֙ מִצַּ֣ד הַקּֽוֹצְרִ֔ים וַיִּצְבָּט־לָ֣הּ קָלִ֔י וַתֹּ֥אכַל וַתִּשְׂבַּ֖ע וַתֹּתַֽר׃

‎15 ‏וַתָּ֖קָם לְלַקֵּ֑ט וַיְצַו֩ בֹּ֨עַז אֶת־נְעָרָ֜יו לֵאמֹ֗ר גַּ֣ם בֵּ֧ין הָֽעֳמָרִ֛ים תְּלַקֵּ֖ט וְלֹ֥א תַכְלִימֽוּהָ׃

‎16 ‏וְגַ֛ם שֹׁל־תָּשֹׁ֥לּוּ לָ֖הּ מִן־הַצְּבָתִ֑ים וַעֲזַבְתֶּ֥ם וְלִקְּטָ֖ה וְלֹ֥א תִגְעֲרוּ־בָֽהּ׃

‎17 ‏וַתְּלַקֵּ֥ט בַּשָּׂדֶ֖ה עַד־הָעָ֑רֶב וַתַּחְבֹּט֙ אֵ֣ת אֲשֶׁר־לִקֵּ֔טָה וַיְהִ֖י כְּאֵיפָ֥ה שְׂעֹרִֽים׃

‎18 ‏וַתִּשָּׂא֙ וַתָּב֣וֹא הָעִ֔יר וַתֵּ֥רֶא חֲמוֹתָ֖הּ אֵ֣ת אֲשֶׁר־לִקֵּ֑טָה וַתּוֹצֵא֙ וַתִּתֶּן־לָ֔הּ אֵ֥ת אֲשֶׁר־הוֹתִ֖רָה מִשָּׂבְעָֽהּ׃

‎19 ‏וַתֹּאמֶר֩ לָ֨הּ חֲמוֹתָ֜הּ אֵיפֹ֨ה לִקַּ֤טְתְּ הַיּוֹם֙ וְאָ֣נָה עָשִׂ֔ית יְהִ֥י מַכִּירֵ֖ךְ בָּר֑וּךְ וַתַּגֵּ֣ד לַחֲמוֹתָ֗הּ אֵ֤ת אֲשֶׁר־עָשְׂתָה֙ עִמּ֔וֹ וַתֹּ֗אמֶר שֵׁ֤ם הָאִישׁ֙ אֲשֶׁ֨ר עָשִׂ֧יתִי עִמּ֛וֹ הַיּ֖וֹם בֹּֽעַז׃

‎20 ‏וַתֹּ֨אמֶר נָעֳמִ֜י לְכַלָּתָ֗הּ בָּר֥וּךְ הוּא֙ לַיהוָ֔ה אֲשֶׁר֙ לֹא־עָזַ֣ב חַסְדּ֔וֹ אֶת־הַחַיִּ֖ים וְאֶת־הַמֵּתִ֑ים וַתֹּ֧אמֶר לָ֣הּ נָעֳמִ֗י קָר֥וֹב לָ֙נוּ֙ הָאִ֔ישׁ מִֽגֹּאֲלֵ֖נוּ הֽוּא׃

‎21 ‏וַתֹּ֖אמֶר ר֣וּת הַמּוֹאֲבִיָּ֑ה גַּ֣ם׀ כִּי־אָמַ֣ר אֵלַ֗י עִם־הַנְּעָרִ֤ים אֲשֶׁר־לִי֙ תִּדְבָּקִ֔ין עַ֣ד אִם־כִּלּ֔וּ אֵ֥ת כָּל־הַקָּצִ֖יר אֲשֶׁר־לִֽי׃

‎22 ‏וַתֹּ֥אמֶר נָעֳמִ֖י אֶל־ר֣וּת כַּלָּתָ֑הּ ט֣וֹב בִּתִּ֗י כִּ֤י תֵֽצְאִי֙ עִם־נַ֣עֲרוֹתָ֔יו וְלֹ֥א יִפְגְּעוּ־בָ֖ךְ בְּשָׂדֶ֥ה אַחֵֽר׃

‎23 ‏וַתִּדְבַּ֞ק בְּנַעֲר֥וֹת בֹּ֙עַז֙ לְלַקֵּ֔ט עַד־כְּל֥וֹת קְצִֽיר־הַשְּׂעֹרִ֖ים וּקְצִ֣יר הַֽחִטִּ֑ים וַתֵּ֖שֶׁב אֶת־חֲמוֹתָֽהּ׃

1 ûlənā‘ŏmî məyudā‘ mwōḏ^a‘ lə’îšāh ’îš gibwōr ḥayil mimmišəp^aḥaṯ ’ĕlîmeleḵə ûšəmwō bō‘az:

2 watō’mer rûṯ hammwō’ăḇîyâ ’el-nā‘ŏmî ’ēləḵâ-nnā’ haśśāḏeh wa’ălaqŏṭâ ḇaššibŏlîm ’^aḥar ’ăšer ’eməṣā’-ḥēn bə‘ênāyw watō’mer lāh ləḵî ḇitî:

3 watēleḵə watāḇwō’ watəlaqqēṭ baśśāḏeh ’^aḥărê haqqōṣərîm wayyiqer miqərehā ḥeləqaṯ haśśāḏeh ləḇō‘az ’ăšer mimmišəp^aḥaṯ ’ĕlîmeleḵə:

4 wəhinnēh-ḇō‘az bā’ mibêṯ leḥem wayyō’mer laqqwōṣərîm yəhwâ ‘immāḵem wayyō’mərû lwō yəḇāreḵəḵā yəhwâ:

5 wayyō’mer bō‘az lən^a‘ărwō hanniṣṣāḇ ‘al-haqqwōṣərîm ləmî hann^a‘ărâ hazzō’ṯ:

6 wayy^a‘an hann^a‘ar hanniṣṣāḇ ‘al-haqqwōṣərîm wayyō’mar n^a‘ărâ mwō’ăḇîyâ hî’ haššāḇâ ‘im-nā‘ŏmî miśśəḏēh mwō’āḇ:

7 watō’mer ’ălaqŏṭâ-nnā’ wə’āsafətî ḇā‘ŏmārîm ’^aḥărê haqqwōṣərîm watāḇwō’ wat^a‘ămwōḏ mē’āz habōqer wə‘aḏ-‘atâ zeh šiḇətāh habayiṯ mə‘āṭ:

8 wayyō’mer bō‘az ’el-rûṯ hălwō’ šām^a‘atə bitî ’al-tēləḵî liləqōṭ bəśāḏeh ’^aḥēr wəḡam lō’ ṯ^a‘ăḇûrî mizzeh wəḵōh ṯiḏəbāqîn ‘im-n^a‘ărōṯāy:

9 ‘ênayiḵə baśśāḏeh ’ăšer-yiqəṣōrûn wəhālaḵətə ’^aḥărêhen hălwō’ ṣiûîṯî ’eṯ-hannə‘ārîm ləḇilətî nāḡə‘ēḵə wəṣāmiṯ wəhālaḵətə ’el-hakēlîm wəšāṯîṯ mē’ăšer yišə’ăḇûn hannə‘ārîm:

10 watipōl ‘al-pāneyhā watišət^aḥû ’ārəṣâ watō’mer ’ēlāyw madû‘a māṣā’ṯî ḥēn bə‘êneyḵā ləhakîrēnî wə’ānōḵî nāḵərîyâ:

11 wayy^a‘an bō‘az wayyō’mer lāh hugēḏ hugaḏ lî kōl ’ăšer-‘āśîṯ ’eṯ-ḥămwōṯēḵə ’^aḥărê mwōṯ ’îšēḵə wat^a‘azəḇî ’āḇîḵə wə’immēḵə wə’ereṣ mwōlaḏətēḵə watēləḵî ’el-‘am ’ăšer lō’-yāḏ^a‘atə təmwōl šiləšwōm:

12 yəšallēm yəhwâ pā‘ŏlēḵə ûṯəhî maśəkurətēḵə šəlēmâ mē‘im yəhwâ ’ĕlōhê yiśərā’ēl ’ăšer-bā’ṯ l^aḥăswōṯ t^aḥaṯ-kənāfāyw:

13 watō’mer ’eməṣā’-ḥēn bə‘êneyḵā ’ăḏōnî kî niḥamətānî wəḵî ḏibarətā ‘al-lēḇ šifəḥāṯeḵā wə’ānōḵî lō’ ’ehəyeh kə’^aḥaṯ šifəḥōṯeyḵā:

14 wayyō’mer lâ ḇō‘az lə‘ēṯ hā’ōḵel gōšî hălōm wə’āḵalətə min-halleḥem wəṭāḇalətə pitēḵə b^aḥōmeṣ watēšeḇ miṣṣaḏ haqqwōṣərîm wayyiṣəbāṭ-lāh qālî watō’ḵal watiśəb^a‘ watōṯar:

15 watāqām ləlaqqēṭ wayəṣaw bō‘az ’eṯ-nə‘ārāyw lē’mōr gam bên hā‘ŏmārîm təlaqqēṭ wəlō’ ṯaḵəlîmûhā:

16 wəḡam šōl-tāšōllû lāh min-haṣṣəḇāṯîm w^a‘ăzaḇətem wəliqqəṭâ wəlō’ ṯiḡə‘ărû-ḇāh:

17 watəlaqqēṭ baśśāḏeh ‘aḏ-hā‘āreḇ wat^aḥəbōṭ ’ēṯ ’ăšer-liqqēṭâ wayəhî kə’êfâ śə‘ōrîm:

18 watiśśā’ watāḇwō’ hā‘îr watēre’ ḥămwōṯāh ’ēṯ ’ăšer-liqqēṭâ watwōṣē’ watiten-lāh ’ēṯ ’ăšer-hwōṯirâ miśśāḇə‘āh:

19 watō’mer lāh ḥămwōṯāh ’êfōh liqqaṭətə hayywōm wə’ānâ ‘āśîṯ yəhî makîrēḵə bārûḵə watagēḏ l^aḥămwōṯāh ’ēṯ ’ăšer-‘āśəṯâ ‘immwō watō’mer šēm hā’îš ’ăšer ‘āśîṯî ‘immwō hayywōm bō‘az:

20 watō’mer nā‘ŏmî ləḵallāṯāh bārûḵə hû’ layhwâ ’ăšer lō’-‘āzaḇ ḥasədwō ’eṯ-h^aḥayyîm wə’eṯ-hammēṯîm watō’mer lāh nā‘ŏmî qārwōḇ lānû hā’îš migō’ălēnû hû’:

21 watō’mer rûṯ hammwō’ăḇîyâ gam| kî-’āmar ’ēlay ‘im-hannə‘ārîm ’ăšer-lî tiḏəbāqîn ‘aḏ ’im-killû ’ēṯ kāl-haqqāṣîr ’ăšer-lî:

22 watō’mer nā‘ŏmî ’el-rûṯ kallāṯāh ṭwōḇ bitî kî ṯēṣə’î ‘im-n^a‘ărwōṯāyw wəlō’ yifəgə‘û-ḇāḵə bəśāḏeh ’^aḥēr:

23 watiḏəbaq bən^a‘ărwōṯ bō‘az ləlaqqēṭ ‘aḏ-kəlwōṯ qəṣîr-haśśə‘ōrîm ûqəṣîr h^aḥiṭṭîm watēšeḇ ’eṯ-ḥămwōṯāh: