‎1 ‏וַֽיְהִי־אִ֣ישׁ מבן־ ימין מִבִּנְיָמִ֗ין^a וּ֠שְׁמוֹ קִ֣ישׁ בֶּן־אֲבִיאֵ֞ל בֶּן־צְר֧וֹר בֶּן־בְּכוֹרַ֛ת בֶּן־אֲפִ֖יחַ בֶּן־אִ֣ישׁ יְמִינִ֑י גִּבּ֖וֹר חָֽיִל׃

‎2 ‏וְלוֹ־הָיָ֨ה בֵ֜ן וּשְׁמ֤וֹ שָׁאוּל֙ בָּח֣וּר וָט֔וֹב וְאֵ֥ין אִ֛ישׁ מִבְּנֵ֥י יִשְׂרָאֵ֖ל ט֣וֹב מִמֶּ֑נּוּ מִשִּׁכְמ֣וֹ וָמַ֔עְלָה גָּבֹ֖הַּ מִכָּל־הָעָֽם׃

‎3 ‏וַתֹּאבַ֙דְנָה֙ הָאֲתֹנ֔וֹת לְקִ֖ישׁ אֲבִ֣י שָׁא֑וּל וַיֹּ֨אמֶר קִ֜ישׁ אֶל־שָׁא֣וּל בְּנ֗וֹ קַח־נָ֤א אִתְּךָ֙ אֶת־אַחַ֣ד מֵֽהַנְּעָרִ֔ים וְק֣וּם לֵ֔ךְ בַּקֵּ֖שׁ אֶת־הָאֲתֹנֹֽת׃

‎4 ‏וַיַּעֲבֹ֧ר בְּהַר־אֶפְרַ֛יִם וַיַּעֲבֹ֥ר בְּאֶֽרֶץ־שָׁלִ֖שָׁה וְלֹ֣א מָצָ֑אוּ וַיַּעַבְר֤וּ בְאֶֽרֶץ־שַׁעֲלִים֙ וָאַ֔יִן וַיַּעֲבֹ֥ר בְּאֶֽרֶץ־יְמִינִ֖י וְלֹ֥א מָצָֽאוּ׃

‎5 ‏הֵ֗מָּה בָּ֚אוּ בְּאֶ֣רֶץ צ֔וּף וְשָׁא֥וּל אָמַ֛ר לְנַעֲר֥וֹ אֲשֶׁר־עִמּ֖וֹ לְכָ֣ה וְנָשׁ֑וּבָה פֶּן־יֶחְדַּ֥ל אָבִ֛י מִן־הָאֲתֹנ֖וֹת וְדָ֥אַג לָֽנוּ׃

‎6 ‏וַיֹּ֣אמֶר ל֗וֹ הִנֵּה־נָ֤א אִישׁ־אֱלֹהִים֙ בָּעִ֣יר הַזֹּ֔את וְהָאִ֣ישׁ נִכְבָּ֔ד כֹּ֥ל אֲשֶׁר־יְדַבֵּ֖ר בּ֣וֹא יָב֑וֹא עַתָּה֙ נֵ֣לֲכָה שָּׁ֔ם אוּלַי֙ יַגִּ֣יד לָ֔נוּ אֶת־דַּרְכֵּ֖נוּ אֲשֶׁר־הָלַ֥כְנוּ עָלֶֽיהָ׃

‎7 ‏וַיֹּ֨אמֶר שָׁא֜וּל לְנַעֲר֗וֹ וְהִנֵּ֣ה נֵלֵךְ֮ וּמַה־נָּבִ֣יא לָאִישׁ֒ כִּ֤י הַלֶּ֙חֶם֙ אָזַ֣ל מִכֵּלֵ֔ינוּ וּתְשׁוּרָ֥ה אֵין־לְהָבִ֖יא לְאִ֣ישׁ הָאֱלֹהִ֑ים מָ֖ה אִתָּֽנוּ׃

‎8 ‏וַיֹּ֤סֶף הַנַּ֙עַר֙ לַעֲנ֣וֹת אֶת־שָׁא֔וּל וַיֹּ֕אמֶר הִנֵּה֙ נִמְצָ֣א בְיָדִ֔י רֶ֖בַע שֶׁ֣קֶל כָּ֑סֶף וְנָֽתַתִּי֙ לְאִ֣ישׁ הָאֱלֹהִ֔ים וְהִגִּ֥יד לָ֖נוּ אֶת־דַּרְכֵּֽנוּ׃

‎9 ‏לְפָנִ֣ים׀ בְּיִשְׂרָאֵ֗ל כֹּֽה־אָמַ֤ר הָאִישׁ֙ בְּלֶכְתּוֹ֙ לִדְר֣וֹשׁ אֱלֹהִ֔ים לְכ֥וּ וְנֵלְכָ֖ה עַד־הָרֹאֶ֑ה כִּ֤י לַנָּבִיא֙ הַיּ֔וֹם יִקָּרֵ֥א לְפָנִ֖ים הָרֹאֶֽה׃

‎10 ‏וַיֹּ֨אמֶר שָׁא֧וּל לְנַעֲר֛וֹ ט֥וֹב דְּבָרְךָ֖ לְכָ֣ה׀ נֵלֵ֑כָה וַיֵּֽלְכוּ֙ אֶל־הָעִ֔יר אֲשֶׁר־שָׁ֖ם אִ֥ישׁ הָאֱלֹהִֽים׃

‎11 ‏הֵ֗מָּה עֹלִים֙ בְּמַעֲלֵ֣ה הָעִ֔יר וְהֵ֙מָּה֙ מָצְא֣וּ נְעָר֔וֹת יֹצְא֖וֹת לִשְׁאֹ֣ב מָ֑יִם וַיֹּאמְר֣וּ לָהֶ֔ן הֲיֵ֥שׁ בָּזֶ֖ה הָרֹאֶֽה׃

‎12 ‏וַתַּעֲנֶ֧ינָה אוֹתָ֛ם וַתֹּאמַ֥רְנָה יֵּ֖שׁ הִנֵּ֣ה לְפָנֶ֑יךָ מַהֵ֣ר׀ עַתָּ֗ה כִּ֤י הַיּוֹם֙ בָּ֣א לָעִ֔יר כִּ֣י זֶ֧בַח הַיּ֛וֹם לָעָ֖ם בַּבָּמָֽה׃

‎13 ‏כְּבֹאֲכֶ֣ם הָעִ֣יר כֵּ֣ן תִּמְצְא֣וּן אֹת֡וֹ בְּטֶרֶם֩ יַעֲלֶ֨ה הַבָּמָ֜תָה לֶאֱכֹ֗ל כִּ֠י לֹֽא־יֹאכַ֤ל הָעָם֙ עַד־בֹּא֔וֹ כִּֽי־הוּא֙ יְבָרֵ֣ךְ הַזֶּ֔בַח אַחֲרֵי־כֵ֖ן יֹאכְל֣וּ הַקְּרֻאִ֑ים וְעַתָּ֣ה עֲל֔וּ כִּֽי־אֹת֥וֹ כְהַיּ֖וֹם תִּמְצְא֥וּן אֹתֽוֹ׃

‎14 ‏וַֽיַּעֲל֖וּ הָעִ֑יר הֵ֗מָּה בָּאִים֙ בְּת֣וֹךְ הָעִ֔יר וְהִנֵּ֤ה שְׁמוּאֵל֙ יֹצֵ֣א לִקְרָאתָ֔ם לַעֲל֖וֹת הַבָּמָֽה׃ ס

‎15 ‏וַֽיהוָ֔ה גָּלָ֖ה אֶת־אֹ֣זֶן שְׁמוּאֵ֑ל י֣וֹם אֶחָ֔ד לִפְנֵ֥י בֽוֹא־שָׁא֖וּל לֵאמֹֽר׃

‎16 ‏כָּעֵ֣ת׀ מָחָ֡ר אֶשְׁלַח֩ אֵלֶ֨יךָ אִ֜ישׁ מֵאֶ֣רֶץ בִּנְיָמִ֗ן וּמְשַׁחְתּ֤וֹ לְנָגִיד֙ עַל־עַמִּ֣י יִשְׂרָאֵ֔ל וְהוֹשִׁ֥יעַ אֶת־עַמִּ֖י מִיַּ֣ד פְּלִשְׁתִּ֑ים כִּ֤י רָאִ֙יתִי֙ אֶת־עַמִּ֔י כִּ֛י בָּ֥אָה צַעֲקָת֖וֹ אֵלָֽי׃

‎17 ‏וּשְׁמוּאֵ֖ל רָאָ֣ה אֶת־שָׁא֑וּל וַיהוָ֣ה עָנָ֔הוּ הִנֵּ֤ה הָאִישׁ֙ אֲשֶׁ֣ר אָמַ֣רְתִּי אֵלֶ֔יךָ זֶ֖ה יַעְצֹ֥ר בְּעַמִּֽי׃

‎18 ‏וַיִּגַּ֥שׁ שָׁא֛וּל אֶת־שְׁמוּאֵ֖ל בְּת֣וֹךְ הַשָּׁ֑עַר וַיֹּ֙אמֶר֙ הַגִּֽידָה־נָּ֣א לִ֔י אֵי־זֶ֖ה בֵּ֥ית הָרֹאֶֽה׃

‎19 ‏וַיַּ֨עַן שְׁמוּאֵ֜ל אֶת־שָׁא֗וּל וַיֹּ֙אמֶר֙ אָנֹכִ֣י הָרֹאֶ֔ה עֲלֵ֤ה לְפָנַי֙ הַבָּמָ֔ה וַאֲכַלְתֶּ֥ם עִמִּ֖י הַיּ֑וֹם וְשִׁלַּחְתִּ֣יךָ בַבֹּ֔קֶר וְכֹ֛ל אֲשֶׁ֥ר בִּֽלְבָבְךָ֖ אַגִּ֥יד לָֽךְ׃

‎20 ‏וְלָאֲתֹנ֞וֹת הָאֹבְד֣וֹת לְךָ֗ הַיּוֹם֙ שְׁלֹ֣שֶׁת הַיָּמִ֔ים אַל־תָּ֧שֶׂם אֶֽת־לִבְּךָ֛ לָהֶ֖ם כִּ֣י נִמְצָ֑אוּ וּלְמִי֙ כָּל־חֶמְדַּ֣ת יִשְׂרָאֵ֔ל הֲל֣וֹא לְךָ֔ וּלְכֹ֖ל בֵּ֥ית אָבִֽיךָ׃ ס

‎21 ‏וַיַּ֨עַן שָׁא֜וּל וַיֹּ֗אמֶר הֲל֨וֹא בֶן־יְמִינִ֤י אָ֙נֹכִי֙ מִקַּטַנֵּי֙¹ שִׁבְטֵ֣י יִשְׂרָאֵ֔ל וּמִשְׁפַּחְתִּי֙ הַצְּעִרָ֔ה מִכָּֽל־מִשְׁפְּח֖וֹת שִׁבְטֵ֣י בִנְיָמִ֑ן וְלָ֙מָּה֙ דִּבַּ֣רְתָּ אֵלַ֔י כַּדָּבָ֖ר הַזֶּֽה׃ ס

‎22 ‏וַיִּקַּ֤ח שְׁמוּאֵל֙ אֶת־שָׁא֣וּל וְאֶֽת־נַעֲר֔וֹ וַיְבִיאֵ֖ם לִשְׁכָּ֑תָה וַיִּתֵּ֨ן לָהֶ֤ם מָקוֹם֙ בְּרֹ֣אשׁ הַקְּרוּאִ֔ים וְהֵ֖מָּה כִּשְׁלֹשִׁ֥ים אִֽישׁ׃

‎23 ‏וַיֹּ֤אמֶר שְׁמוּאֵל֙ לַטַּבָּ֔ח תְּנָה֙ אֶת־הַמָּנָ֔ה אֲשֶׁ֥ר נָתַ֖תִּי לָ֑ךְ אֲשֶׁר֙ אָמַ֣רְתִּי אֵלֶ֔יךָ שִׂ֥ים אֹתָ֖הּ עִמָּֽךְ׃

‎24 ‏וַיָּ֣רֶם הַ֠טַּבָּח אֶת־הַשּׁ֨וֹק וְהֶעָלֶ֜יהָ וַיָּ֣שֶׂם׀ לִפְנֵ֣י שָׁא֗וּל וַיֹּ֙אמֶר֙ הִנֵּ֤ה הַנִּשְׁאָר֙ שִׂים־לְפָנֶ֣יךָ אֱכֹ֔ל כִּ֧י לַמּוֹעֵ֛ד שָֽׁמוּר־לְךָ֥ לֵאמֹ֖ר הָעָ֣ם׀ קָרָ֑אתִי וַיֹּ֧אכַל שָׁא֛וּל עִם־שְׁמוּאֵ֖ל בַּיּ֥וֹם הַהֽוּא׃

‎25 ‏וַיֵּרְד֥וּ מֵהַבָּמָ֖ה הָעִ֑יר וַיְדַבֵּ֥ר עִם־שָׁא֖וּל עַל־הַגָּֽג׃

‎26 ‏וַיַּשְׁכִּ֗מוּ וַיְהִ֞י כַּעֲל֤וֹת הַשַּׁ֙חַר֙ וַיִּקְרָ֨א שְׁמוּאֵ֤ל אֶל־שָׁאוּל֙ הגג הַגָּ֣גָה לֵאמֹ֔ר ק֖וּמָה וַאֲשַׁלְּחֶ֑ךָּ וַיָּ֣קָם שָׁא֗וּל וַיֵּצְא֧וּ שְׁנֵיהֶ֛ם ה֥וּא וּשְׁמוּאֵ֖ל הַחֽוּצָה׃

‎27 ‏הֵ֗מָּה יֽוֹרְדִים֙ בִּקְצֵ֣ה הָעִ֔יר וּשְׁמוּאֵ֞ל אָמַ֣ר אֶל־שָׁא֗וּל אֱמֹ֥ר לַנַּ֛עַר וְיַעֲבֹ֥ר לְפָנֵ֖ינוּ וַֽיַּעֲבֹ֑ר וְאַתָּה֙ עֲמֹ֣ד כַּיּ֔וֹם וְאַשְׁמִיעֲךָ֖ אֶת־דְּבַ֥ר אֱלֹהִֽים׃ פ

1 wayəhî-’îš mibin- yāmîn mibinəyāmîn^a ûšəmwō qîš ben-’ăḇî’ēl ben-ṣərwōr ben-bəḵwōraṯ ben-’ăfîḥa ben-’îš yəmînî gibwōr ḥāyil:

2 wəlwō-hāyâ ḇēn ûšəmwō šā’ûl bāḥûr wāṭwōḇ wə’ên ’îš mibənê yiśərā’ēl ṭwōḇ mimmennû miššiḵəmwō wām^a‘əlâ gāḇōhha mikāl-hā‘ām:

3 watō’ḇaḏənâ hā’ăṯōnwōṯ ləqîš ’ăḇî šā’ûl wayyō’mer qîš ’el-šā’ûl bənwō q^aḥ-nā’ ’itəḵā ’eṯ-’^aḥaḏ mēhannə‘ārîm wəqûm lēḵə baqqēš ’eṯ-hā’ăṯōnōṯ:

4 wayy^a‘ăḇōr bəhar-’efərayim wayy^a‘ăḇōr bə’ereṣ-šālišâ wəlō’ māṣā’û wayy^a‘aḇərû ḇə’ereṣ-š^a‘ălîm wā’ayin wayy^a‘ăḇōr bə’ereṣ-yəmînî wəlō’ māṣā’û:

5 hēmmâ bā’û bə’ereṣ ṣûf wəšā’ûl ’āmar lən^a‘ărwō ’ăšer-‘immwō ləḵâ wənāšûḇâ pen-yeḥədal ’āḇî min-hā’ăṯōnwōṯ wəḏā’aḡ lānû:

6 wayyō’mer lwō hinnēh-nā’ ’îš-’ĕlōhîm bā‘îr hazzō’ṯ wəhā’îš niḵəbāḏ kōl ’ăšer-yəḏabēr bwō’ yāḇwō’ ‘atâ nēlăḵâ ššām ’ûlay yagîḏ lānû ’eṯ-darəkēnû ’ăšer-hālaḵənû ‘āleyhā:

7 wayyō’mer šā’ûl lən^a‘ărwō wəhinnēh nēlēḵə ûmah-nnāḇî’ lā’îš kî halleḥem ’āzal mikēlênû ûṯəšûrâ ’ên-ləhāḇî’ lə’îš hā’ĕlōhîm mâ ’itānû:

8 wayyōsef hann^a‘ar l^a‘ănwōṯ ’eṯ-šā’ûl wayyō’mer hinnēh niməṣā’ ḇəyāḏî reḇ^a‘ šeqel kāsef wənāṯatî lə’îš hā’ĕlōhîm wəhigîḏ lānû ’eṯ-darəkēnû:

9 ləfānîm| bəyiśərā’ēl kōh-’āmar hā’îš bəleḵətwō liḏərwōš ’ĕlōhîm ləḵû wənēləḵâ ‘aḏ-hārō’eh kî lannāḇî’ hayywōm yiqqārē’ ləfānîm hārō’eh:

10 wayyō’mer šā’ûl lən^a‘ărwō ṭwōḇ dəḇārəḵā ləḵâ| nēlēḵâ wayyēləḵû ’el-hā‘îr ’ăšer-šām ’îš hā’ĕlōhîm:

11 hēmmâ ‘ōlîm bəm^a‘ălēh hā‘îr wəhēmmâ māṣə’û nə‘ārwōṯ yōṣə’wōṯ lišə’ōḇ māyim wayyō’mərû lâen hăyēš bāzeh hārō’eh:

12 wat^a‘ăneynâ ’wōṯām watō’marənâ yyēš hinnēh ləfāneyḵā mahēr| ‘atâ kî hayywōm bā’ lā‘îr kî zeḇ^aḥ hayywōm lā‘ām babāmâ:

13 kəḇō’ăḵem hā‘îr kēn timəṣə’ûn ’ōṯwō bəṭerem y^a‘ăleh habāmāṯâ le’ĕḵōl kî lō’-yō’ḵal hā‘ām ‘aḏ-bō’wō kî-hû’ yəḇārēḵə hazzeḇ^aḥ ’^aḥărê-ḵēn yō’ḵəlû haqqəru’îm wə‘atâ ‘ălû kî-’ōṯwō ḵəhayywōm timəṣə’ûn ’ōṯwō:

14 wayy^a‘ălû hā‘îr hēmmâ bā’îm bəṯwōḵə hā‘îr wəhinnēh šəmû’ēl yōṣē’ liqərā’ṯām l^a‘ălwōṯ habāmâ: s

15 wayhwâ gālâ ’eṯ-’ōzen šəmû’ēl ywōm ’eḥāḏ lifənê ḇwō’-šā’ûl lē’mōr:

16 kā‘ēṯ| māḥār ’ešəl^aḥ ’ēleyḵā ’îš mē’ereṣ binəyāmin ûməš^aḥətwō lənāḡîḏ ‘al-‘ammî yiśərā’ēl wəhwōšî‘a ’eṯ-‘ammî mîyaḏ pəlišətîm kî rā’îṯî ’eṯ-‘ammî kî bā’â ṣ^a‘ăqāṯwō ’ēlāy:

17 ûšəmû’ēl rā’â ’eṯ-šā’ûl wayhwâ ‘ānâû hinnēh hā’îš ’ăšer ’āmarətî ’ēleyḵā zeh y^a‘əṣōr bə‘ammî:

18 wayyigaš šā’ûl ’eṯ-šəmû’ēl bəṯwōḵə haššā‘ar wayyō’mer hagîḏâ-nnā’ lî ’ê-zeh bêṯ hārō’eh:

19 wayy^a‘an šəmû’ēl ’eṯ-šā’ûl wayyō’mer ’ānōḵî hārō’eh ‘ălēh ləfānay habāmâ wa’ăḵalətem ‘immî hayywōm wəšill^aḥətîḵā ḇabōqer wəḵōl ’ăšer biləḇāḇəḵā ’agîḏ lāḵə:

20 wəlā’ăṯōnwōṯ hā’ōḇəḏwōṯ ləḵā hayywōm šəlōšeṯ hayyāmîm ’al-tāśem ’eṯ-libəḵā lâem kî niməṣā’û ûləmî kāl-ḥemədaṯ yiśərā’ēl hălwō’ ləḵā ûləḵōl bêṯ ’āḇîḵā: s

21 wayy^a‘an šā’ûl wayyō’mer hălwō’ ḇen-yəmînî ’ānōḵî miqqaṭannê¹ šiḇəṭê yiśərā’ēl ûmišəp^aḥətî haṣṣə‘irâ mikāl-mišəpəḥwōṯ šiḇəṭê ḇinəyāmin wəlāmmâ dibarətā ’ēlay kadāḇār hazzeh: s

22 wayyiqq^aḥ šəmû’ēl ’eṯ-šā’ûl wə’eṯ-n^a‘ărwō wayəḇî’ēm lišəkāṯâ wayyitēn lâem māqwōm bərō’š haqqərû’îm wəhēmmâ kišəlōšîm ’îš:

23 wayyō’mer šəmû’ēl laṭṭabāḥ tənâ ’eṯ-hammānâ ’ăšer nāṯatî lāḵə ’ăšer ’āmarətî ’ēleyḵā śîm ’ōṯāh ‘immāḵə:

24 wayyārem haṭṭabāḥ ’eṯ-haššwōq wəhe‘āleyhā wayyāśem| lifənê šā’ûl wayyō’mer hinnēh hannišə’ār śîm-ləfāneyḵā ’ĕḵōl kî lammwō‘ēḏ šāmûr-ləḵā lē’mōr hā‘ām| qārā’ṯî wayyō’ḵal šā’ûl ‘im-šəmû’ēl bayywōm hahû’:

25 wayyērəḏû mēhabāmâ hā‘îr wayəḏabēr ‘im-šā’ûl ‘al-hagāḡ:

26 wayyašəkimû wayəhî k^a‘ălwōṯ hašš^aḥar wayyiqərā’ šəmû’ēl ’el-šā’ûl hagāḡ hagāḡâ lē’mōr qûmâ wa’ăšalləḥeḵḵā wayyāqām šā’ûl wayyēṣə’û šənêhem hû’ ûšəmû’ēl h^aḥûṣâ:

27 hēmmâ ywōrəḏîm biqəṣēh hā‘îr ûšəmû’ēl ’āmar ’el-šā’ûl ’ĕmōr lann^a‘ar wəy^a‘ăḇōr ləfānênû wayy^a‘ăḇōr wə’atâ ‘ămōḏ kayywōm wə’ašəmî‘ăḵā ’eṯ-dəḇar ’ĕlōhîm: f