‎1 ‏בָּ֣אתִי לְגַנִּי֮ אֲחֹתִ֣י כַלָּה֒ אָרִ֤יתִי מוֹרִי֙ עִם־בְּשָׂמִ֔י אָכַ֤לְתִּי יַעְרִי֙ עִם־דִּבְשִׁ֔י שָׁתִ֥יתִי יֵינִ֖י עִם־חֲלָבִ֑י אִכְל֣וּ רֵעִ֔ים שְׁת֥וּ וְשִׁכְר֖וּ דּוֹדִֽים׃ ס

‎2 ‏אֲנִ֥י יְשֵׁנָ֖ה וְלִבִּ֣י עֵ֑ר ק֣וֹל׀ דּוֹדִ֣י דוֹפֵ֗ק פִּתְחִי־לִ֞י אֲחֹתִ֤י רַעְיָתִי֙ יוֹנָתִ֣י תַמָּתִ֔י שֶׁרֹּאשִׁי֙ נִמְלָא־טָ֔ל קְוֻּצּוֹתַ֖י רְסִ֥יסֵי לָֽיְלָה׃

‎3 ‏פָּשַׁ֙טְתִּי֙ אֶת־כֻּתָּנְתִּ֔י אֵיכָ֖כָה אֶלְבָּשֶׁ֑נָּה רָחַ֥צְתִּי אֶת־רַגְלַ֖י אֵיכָ֥כָה אֲטַנְּפֵֽם׃

‎4 ‏דּוֹדִ֗י שָׁלַ֤ח יָדוֹ֙ מִן־הַחֹ֔ר וּמֵעַ֖י הָמ֥וּ עָלָֽיו׃

‎5 ‏קַ֥מְתִּֽי אֲנִ֖י לִפְתֹּ֣חַ לְדוֹדִ֑י וְיָדַ֣י נָֽטְפוּ־מ֗וֹר וְאֶצְבְּעֹתַי֙ מ֣וֹר עֹבֵ֔ר עַ֖ל כַּפּ֥וֹת הַמַּנְעֽוּל׃

‎6 ‏פָּתַ֤חְתִּֽי אֲנִי֙ לְדוֹדִ֔י וְדוֹדִ֖י חָמַ֣ק עָבָ֑ר נַפְשִׁי֙ יָֽצְאָ֣ה בְדַבְּר֔וֹ בִּקַּשְׁתִּ֙יהוּ֙ וְלֹ֣א מְצָאתִ֔יהוּ קְרָאתִ֖יו וְלֹ֥א עָנָֽנִי׃

‎7 ‏מְצָאֻ֧נִי הַשֹּׁמְרִ֛ים הַסֹּבְבִ֥ים בָּעִ֖יר הִכּ֣וּנִי פְצָע֑וּנִי נָשְׂא֤וּ אֶת־רְדִידִי֙ מֵֽעָלַ֔י שֹׁמְרֵ֖י הַחֹמֽוֹת׃

‎8 ‏הִשְׁבַּ֥עְתִּי אֶתְכֶ֖ם בְּנ֣וֹת יְרוּשָׁלִָ֑ם אִֽם־תִּמְצְאוּ֙ אֶת־דּוֹדִ֔י מַה־תַּגִּ֣ידוּ ל֔וֹ שֶׁחוֹלַ֥ת אַהֲבָ֖ה אָֽנִי׃

‎9 ‏מַה־דּוֹדֵ֣ךְ מִדּ֔וֹד הַיָּפָ֖ה בַּנָּשִׁ֑ים מַה־דּוֹדֵ֣ךְ מִדּ֔וֹד שֶׁכָּ֖כָה הִשְׁבַּעְתָּֽנוּ׃

‎10 ‏דּוֹדִ֥י צַח֙ וְאָד֔וֹם דָּג֖וּל מֵרְבָבָֽה׃

‎11 ‏רֹאשׁ֖וֹ כֶּ֣תֶם פָּ֑ז קְוּצּוֹתָיו֙¹ תַּלְתַּלִּ֔ים שְׁחֹר֖וֹת כָּעוֹרֵֽב׃

‎12 ‏עֵינָ֕יו כְּיוֹנִ֖ים עַל־אֲפִ֣יקֵי מָ֑יִם רֹֽחֲצוֹת֙ בֶּֽחָלָ֔ב יֹשְׁב֖וֹת עַל־מִלֵּֽאת׃

‎13 ‏לְחָיָו֙ כַּעֲרוּגַ֣ת הַבֹּ֔שֶׂם מִגְדְּל֖וֹת מֶרְקָחִ֑ים שִׂפְתוֹתָיו֙ שֽׁוֹשַׁנִּ֔ים נֹטְפ֖וֹת מ֥וֹר עֹבֵֽר׃

‎14 ‏יָדָיו֙ גְּלִילֵ֣י זָהָ֔ב מְמֻלָּאִ֖ים בַּתַּרְשִׁ֑ישׁ מֵעָיו֙ עֶ֣שֶׁת שֵׁ֔ן מְעֻלֶּ֖פֶת סַפִּירִֽים׃

‎15 ‏שׁוֹקָיו֙ עַמּ֣וּדֵי שֵׁ֔שׁ מְיֻסָּדִ֖ים עַל־אַדְנֵי־פָ֑ז מַרְאֵ֙הוּ֙ כַּלְּבָנ֔וֹן בָּח֖וּר כָּאֲרָזִֽים׃

‎16 ‏חִכּוֹ֙ מַֽמְתַקִּ֔ים וְכֻלּ֖וֹ מַחֲמַדִּ֑ים זֶ֤ה דוֹדִי֙ וְזֶ֣ה רֵעִ֔י בְּנ֖וֹת יְרוּשָׁלִָֽם׃

1 bā’ṯî ləḡannî ’ăḥōṯî ḵallâ ’ārîṯî mwōrî ‘im-bəśāmî ’āḵalətî y^a‘ərî ‘im-diḇəšî šāṯîṯî yênî ‘im-ḥălāḇî ’iḵəlû rē‘îm šəṯû wəšiḵərû dwōḏîm: s

2 ’ănî yəšēnâ wəlibî ‘ēr qwōl| dwōḏî ḏwōfēq piṯəḥî-lî ’ăḥōṯî r^a‘əyāṯî ywōnāṯî ṯammāṯî šerrō’šî niməlā’-ṭāl qəûuṣṣwōṯay rəsîsê lāyəlâ:

3 pāšaṭətî ’eṯ-kutānətî ’êḵāḵâ ’eləbāšennâ rāḥaṣətî ’eṯ-raḡəlay ’êḵāḵâ ’ăṭannəfēm:

4 dwōḏî šāl^aḥ yāḏwō min-h^aḥōr ûmē‘ay hāmû ‘ālāyw:

5 qamətî ’ănî lifətōḥa ləḏwōḏî wəyāḏay nāṭəfû-mwōr wə’eṣəbə‘ōṯay mwōr ‘ōḇēr ‘al kapwōṯ hammanə‘ûl:

6 pāṯ^aḥətî ’ănî ləḏwōḏî wəḏwōḏî ḥāmaq ‘āḇār nafəšî yāṣə’â ḇəḏabərwō biqqašətîhû wəlō’ məṣā’ṯîhû qərā’ṯîw wəlō’ ‘ānānî:

7 məṣā’unî haššōmərîm hassōḇəḇîm bā‘îr hikûnî fəṣā‘ûnî nāśə’û ’eṯ-rəḏîḏî mē‘ālay šōmərê h^aḥōmwōṯ:

8 hišəb^a‘ətî ’eṯəḵem bənwōṯ yərûšālāim ’im-timəṣə’û ’eṯ-dwōḏî mah-tagîḏû lwō šeḥwōlaṯ ’ahăḇâ ’ānî:

9 mah-dwōḏēḵə midwōḏ hayyāfâ bannāšîm mah-dwōḏēḵə midwōḏ šekāḵâ hišəb^a‘ətānû:

10 dwōḏî ṣ^aḥ wə’āḏwōm dāḡûl mērəḇāḇâ:

11 rō’šwō keṯem pāz qəûṣṣwōṯāyw¹ talətallîm šəḥōrwōṯ kā‘wōrēḇ:

12 ‘ênāyw kəywōnîm ‘al-’ăfîqê māyim rōḥăṣwōṯ beḥālāḇ yōšəḇwōṯ ‘al-millē’ṯ:

13 ləḥāyāw k^a‘ărûḡaṯ habōśem miḡədəlwōṯ merəqāḥîm śifəṯwōṯāyw šwōšannîm nōṭəfwōṯ mwōr ‘ōḇēr:

14 yāḏāyw gəlîlê zâāḇ məmullā’îm batarəšîš mē‘āyw ‘ešeṯ šēn mə‘ullefeṯ sapîrîm:

15 šwōqāyw ‘ammûḏê šēš məyussāḏîm ‘al-’aḏənê-fāz marə’ēhû kalləḇānwōn bāḥûr kā’ărāzîm:

16 ḥikwō maməṯaqqîm wəḵullwō m^aḥămadîm zeh ḏwōḏî wəzeh rē‘î bənwōṯ yərûšālāim: