‎1 ‏וָאָשֻׁ֗ב וָאֶשָּׂ֤א עֵינַי֙ וָֽאֶרְאֶ֔ה וְהִנֵּ֨ה אַרְבַּ֤ע מַרְכָּבוֹת֙ יֹֽצְא֔וֹת מִבֵּ֖ין שְׁנֵ֣י הֶֽהָרִ֑ים וְהֶהָרִ֖ים הָרֵ֥י נְחֹֽשֶׁת׃

‎2 ‏בַּמֶּרְכָּבָ֥ה הָרִֽאשֹׁנָ֖ה סוּסִ֣ים אֲדֻמִּ֑ים וּבַמֶּרְכָּבָ֥ה הַשֵּׁנִ֖ית סוּסִ֥ים שְׁחֹרִֽים׃

‎3 ‏וּבַמֶּרְכָּבָ֥ה הַשְּׁלִשִׁ֖ית סוּסִ֣ים לְבָנִ֑ים וּבַמֶּרְכָּבָה֙ הָרְבִעִ֔ית סוּסִ֥ים בְּרֻדִּ֖ים אֲמֻצִּֽים׃

‎4 ‏וָאַ֙עַן֙ וָֽאֹמַ֔ר אֶל־הַמַּלְאָ֖ךְ הַדֹּבֵ֣ר בִּ֑י מָה־אֵ֖לֶּה אֲדֹנִֽי׃

‎5 ‏וַיַּ֥עַן הַמַּלְאָ֖ךְ וַיֹּ֣אמֶר אֵלָ֑י אֵ֗לֶּה אַרְבַּע֙ רֻח֣וֹת הַשָּׁמַ֔יִם יוֹצְא֕וֹת מֵֽהִתְיַצֵּ֖ב עַל־אֲד֥וֹן כָּל־הָאָֽרֶץ׃

‎6 ‏אֲשֶׁר־בָּ֞הּ הַסּוּסִ֣ים הַשְּׁחֹרִ֗ים יֹֽצְאִים֙ אֶל־אֶ֣רֶץ צָפ֔וֹן וְהַלְּבָנִ֔ים יָצְא֖וּ אֶל־אַֽחֲרֵיהֶ֑ם וְהַ֨בְּרֻדִּ֔ים יָצְא֖וּ אֶל־אֶ֥רֶץ הַתֵּימָֽן׃

‎7 ‏וְהָאֲמֻצִּ֣ים יָצְא֗וּ וַיְבַקְשׁוּ֙ לָלֶ֙כֶת֙ לְהִתְהַלֵּ֣ך¹ בָּאָ֔רֶץ וַיֹּ֕אמֶר לְכ֖וּ הִתְהַלְּכ֣וּ בָאָ֑רֶץ וַתִּתְהַלַּ֖כְנָה בָּאָֽרֶץ׃

‎8 ‏וַיַּזְעֵ֣ק אֹתִ֔י וַיְדַבֵּ֥ר אֵלַ֖י לֵאמֹ֑ר רְאֵ֗ה הַיּֽוֹצְאִים֙ אֶל־אֶ֣רֶץ צָפ֔וֹן הֵנִ֥יחוּ אֶת־רוּחִ֖י בְּאֶ֥רֶץ צָפֽוֹן׃ ס

‎9 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎10 ‏לָק֙וֹחַ֙ מֵאֵ֣ת הַגּוֹלָ֔ה מֵחֶלְדַּ֕י וּמֵאֵ֥ת טוֹבִיָּ֖ה וּמֵאֵ֣ת יְדַֽעְיָ֑ה וּבָאתָ֤ אַתָּה֙ בַּיּ֣וֹם הַה֔וּא וּבָ֗אתָ בֵּ֚ית יֹאשִׁיָּ֣ה בֶן־צְפַנְיָ֔ה אֲשֶׁר־בָּ֖אוּ מִבָּבֶֽל׃

‎11 ‏וְלָקַחְתָּ֥ כֶֽסֶף־וְזָהָ֖ב וְעָשִׂ֣יתָ עֲטָר֑וֹת וְשַׂמְתָּ֗ בְּרֹ֛אשׁ יְהוֹשֻׁ֥עַ בֶּן־יְהוֹצָדָ֖ק הַכֹּהֵ֥ן הַגָּדֽוֹל׃

‎12 ‏וְאָמַרְתָּ֤ אֵלָיו֙ לֵאמֹ֔ר כֹּ֥ה אָמַ֛ר יְהוָ֥ה צְבָא֖וֹת לֵאמֹ֑ר הִנֵּה־אִ֞ישׁ צֶ֤מַח שְׁמוֹ֙ וּמִתַּחְתָּ֣יו יִצְמָ֔ח וּבָנָ֖ה אֶת־הֵיכַ֥ל יְהוָֽה׃

‎13 ‏וְ֠הוּא יִבְנֶ֞ה אֶת־הֵיכַ֤ל יְהוָה֙ וְהֽוּא־יִשָּׂ֣א ה֔וֹד וְיָשַׁ֥ב וּמָשַׁ֖ל עַל־כִּסְא֑וֹ וְהָיָ֤ה כֹהֵן֙ עַל־כִּסְא֔וֹ וַעֲצַ֣ת שָׁל֔וֹם תִּהְיֶ֖ה בֵּ֥ין שְׁנֵיהֶֽם׃

‎14 ‏וְהָעֲטָרֹ֗ת תִּֽהְיֶה֙ לְחֵ֙לֶם֙ וּלְטוֹבִיָּ֣ה וְלִידַֽעְיָ֔ה וּלְחֵ֖ן בֶּן־צְפַנְיָ֑ה לְזִכָּר֖וֹן בְּהֵיכַ֥ל יְהוָֽה׃

‎15 ‏וּרְחוֹקִ֣ים׀ יָבֹ֗אוּ וּבָנוּ֙ בְּהֵיכַ֣ל יְהוָ֔ה וִידַעְתֶּ֕ם כִּֽי־יְהוָ֥ה צְבָא֖וֹת שְׁלָחַ֣נִי אֲלֵיכֶ֑ם וְהָיָה֙ אִם־שָׁמ֣וֹעַ תִּשְׁמְע֔וּן בְּק֖וֹל יְהוָ֥ה אֱלֹהֵיכֶֽם׃ ס

1 wā’āšuḇ wā’eśśā’ ‘ênay wā’erə’eh wəhinnēh ’arəb^a‘ marəkāḇwōṯ yōṣə’wōṯ mibên šənê hehārîm wəhehārîm hārê nəḥōšeṯ:

2 bammerəkāḇâ hāri’šōnâ sûsîm ’ăḏummîm ûḇammerəkāḇâ haššēnîṯ sûsîm šəḥōrîm:

3 ûḇammerəkāḇâ haššəlišîṯ sûsîm ləḇānîm ûḇammerəkāḇâ hārəḇi‘îṯ sûsîm bərudîm ’ămuṣṣîm:

4 wā’^a‘an wā’ōmar ’el-hammalə’āḵə hadōḇēr bî mâ-’ēlleh ’ăḏōnî:

5 wayy^a‘an hammalə’āḵə wayyō’mer ’ēlāy ’ēlleh ’arəb^a‘ ruḥwōṯ haššāmayim ywōṣə’wōṯ mēhiṯəyaṣṣēḇ ‘al-’ăḏwōn kāl-hā’āreṣ:

6 ’ăšer-bāh hassûsîm haššəḥōrîm yōṣə’îm ’el-’ereṣ ṣāfwōn wəhalləḇānîm yāṣə’û ’el-’^aḥărêhem wəhabərudîm yāṣə’û ’el-’ereṣ hatêmān:

7 wəhā’ămuṣṣîm yāṣə’û wayəḇaqəšû lāleḵeṯ ləhiṯəhallēḵ¹ bā’āreṣ wayyō’mer ləḵû hiṯəhalləḵû ḇā’āreṣ watiṯəhallaḵənâ bā’āreṣ:

8 wayyazə‘ēq ’ōṯî wayəḏabēr ’ēlay lē’mōr rə’ēh hayywōṣə’îm ’el-’ereṣ ṣāfwōn hēnîḥû ’eṯ-rûḥî bə’ereṣ ṣāfwōn: s

9 wayəhî ḏəḇar-yəhwâ ’ēlay lē’mōr:

10 lāqwōḥa mē’ēṯ hagwōlâ mēḥeləday ûmē’ēṯ ṭwōḇîyâ ûmē’ēṯ yəḏ^a‘əyâ ûḇā’ṯā ’atâ bayywōm hahû’ ûḇā’ṯā bêṯ yō’šîyâ ḇen-ṣəfanəyâ ’ăšer-bā’û mibāḇel:

11 wəlāq^aḥətā ḵesef-wəzâāḇ wə‘āśîṯā ‘ăṭārwōṯ wəśamətā bərō’š yəhwōšu‘a ben-yəhwōṣāḏāq hakōhēn hagāḏwōl:

12 wə’āmarətā ’ēlāyw lē’mōr kōh ’āmar yəhwâ ṣəḇā’wōṯ lē’mōr hinnēh-’îš ṣem^aḥ šəmwō ûmit^aḥətāyw yiṣəmāḥ ûḇānâ ’eṯ-hêḵal yəhwâ:

13 wəhû’ yiḇəneh ’eṯ-hêḵal yəhwâ wəhû’-yiśśā’ hwōḏ wəyāšaḇ ûmāšal ‘al-kisə’wō wəhāyâ ḵōhēn ‘al-kisə’wō w^a‘ăṣaṯ šālwōm tihəyeh bên šənêhem:

14 wəhā‘ăṭārōṯ tihəyeh ləḥēlem ûləṭwōḇîyâ wəlîḏ^a‘əyâ ûləḥēn ben-ṣəfanəyâ ləzikārwōn bəhêḵal yəhwâ:

15 ûrəḥwōqîm| yāḇō’û ûḇānû bəhêḵal yəhwâ wîḏ^a‘ətem kî-yəhwâ ṣəḇā’wōṯ šəlāḥanî ’ălêḵem wəhāyâ ’im-šāmwō‘a tišəmə‘ûn bəqwōl yəhwâ ’ĕlōhêḵem: s