‎1 ‏בַּיּ֣וֹם הַה֗וּא יִֽהְיֶה֙ מָק֣וֹר נִפְתָּ֔ח לְבֵ֥ית דָּוִ֖יד וּלְיֹשְׁבֵ֣י יְרֽוּשָׁלִָ֑ם לְחַטַּ֖את וּלְנִדָּֽה׃

‎2 ‏וְהָיָה֩ בַיּ֨וֹם הַה֜וּא נְאֻ֣ם׀ יְהוָ֣ה צְבָא֗וֹת אַכְרִ֞ית אֶת־שְׁמ֤וֹת הָֽעֲצַבִּים֙ מִן־הָאָ֔רֶץ וְלֹ֥א יִזָּכְר֖וּ ע֑וֹד וְגַ֧ם אֶת־הַנְּבִיאִ֛ים וְאֶת־ר֥וּחַ הַטֻּמְאָ֖ה אַעֲבִ֥יר מִן־הָאָֽרֶץ׃

‎3 ‏וְהָיָ֗ה כִּֽי־יִנָּבֵ֣א אִישׁ֮ עוֹד֒ וְאָמְר֣וּ אֵ֠לָיו אָבִ֨יו וְאִמּ֤וֹ יֹֽלְדָיו֙ לֹ֣א תִֽחְיֶ֔ה כִּ֛י שֶׁ֥קֶר דִּבַּ֖רְתָּ בְּשֵׁ֣ם יְהוָ֑ה וּדְקָרֻ֜הוּ אָבִ֧יהוּ וְאִמּ֛וֹ יֹלְדָ֖יו בְּהִנָּבְאֽוֹ׃

‎4 ‏וְהָיָ֣ה׀ בַּיּ֣וֹם הַה֗וּא יֵבֹ֧שׁוּ הַנְּבִיאִ֛ים אִ֥ישׁ מֵחֶזְיֹנ֖וֹ בְּהִנָּֽבְאֹת֑וֹ וְלֹ֧א יִלְבְּשׁ֛וּ אַדֶּ֥רֶת שֵׂעָ֖ר לְמַ֥עַן כַּחֵֽשׁ׃

‎5 ‏וְאָמַ֕ר לֹ֥א נָבִ֖יא אָנֹ֑כִי אִישׁ־עֹבֵ֤ד אֲדָמָה֙ אָנֹ֔כִי כִּ֥י אָדָ֖ם הִקְנַ֥נִי מִנְּעוּרָֽי׃

‎6 ‏וְאָמַ֣ר אֵלָ֔יו מָ֧ה הַמַּכּ֛וֹת הָאֵ֖לֶּה בֵּ֣ין יָדֶ֑יךָ וְאָמַ֕ר אֲשֶׁ֥ר הֻכֵּ֖יתִי בֵּ֥ית מְאַהֲבָֽי׃ ס

‎7 ‏חֶ֗רֶב עוּרִ֤י עַל־רֹעִי֙ וְעַל־גֶּ֣בֶר עֲמִיתִ֔י נְאֻ֖ם יְהוָ֣ה צְבָא֑וֹת הַ֤ךְ אֶת־הָֽרֹעֶה֙ וּתְפוּצֶ֣יןָ הַצֹּ֔אן וַהֲשִׁבֹתִ֥י יָדִ֖י עַל־הַצֹּעֲרִֽים׃

‎8 ‏וְהָיָ֤ה בְכָל־הָאָ֙רֶץ֙ נְאֻם־יְהוָ֔ה פִּֽי־שְׁנַ֣יִם בָּ֔הּ יִכָּרְת֖וּ יִגְוָ֑עוּ וְהַשְּׁלִשִׁ֖ית יִוָּ֥תֶר בָּֽהּ׃

‎9 ‏וְהֵבֵאתִ֤י אֶת־הַשְּׁלִשִׁית֙ בָּאֵ֔שׁ וּצְרַפְתִּים֙ כִּצְרֹ֣ף אֶת־הַכֶּ֔סֶף וּבְחַנְתִּ֖ים כִּבְחֹ֣ן אֶת־הַזָּהָ֑ב ה֣וּא׀ יִקְרָ֣א בִשְׁמִ֗י וַֽאֲנִי אֶעֱנֶ֣ה אֹת֔וֹ אָמַ֙רְתִּי֙ עַמִּ֣י ה֔וּא וְה֥וּא יֹאמַ֖ר יְהוָ֥ה אֱלֹהָֽי׃ ס

1 bayywōm hahû’ yihəyeh māqwōr nifətāḥ ləḇêṯ dāwîḏ ûləyōšəḇê yərûšālāim ləḥaṭṭa’ṯ ûlənidâ:

2 wəhāyâ ḇayywōm hahû’ nə’um| yəhwâ ṣəḇā’wōṯ ’aḵərîṯ ’eṯ-šəmwōṯ hā‘ăṣabîm min-hā’āreṣ wəlō’ yizzāḵərû ‘wōḏ wəḡam ’eṯ-hannəḇî’îm wə’eṯ-rûḥa haṭṭumə’â ’^a‘ăḇîr min-hā’āreṣ:

3 wəhāyâ kî-yinnāḇē’ ’îš ‘wōḏ wə’āmərû ’ēlāyw ’āḇîw wə’immwō yōləḏāyw lō’ ṯiḥəyeh kî šeqer dibarətā bəšēm yəhwâ ûḏəqāruhû ’āḇîhû wə’immwō yōləḏāyw bəhinnāḇə’wō:

4 wəhāyâ| bayywōm hahû’ yēḇōšû hannəḇî’îm ’îš mēḥezəyōnwō bəhinnāḇə’ōṯwō wəlō’ yiləbəšû ’adereṯ śē‘ār ləm^a‘an k^aḥēš:

5 wə’āmar lō’ nāḇî’ ’ānōḵî ’îš-‘ōḇēḏ ’ăḏāmâ ’ānōḵî kî ’āḏām hiqənanî minnə‘ûrāy:

6 wə’āmar ’ēlāyw mâ hammakwōṯ hā’ēlleh bên yāḏeyḵā wə’āmar ’ăšer hukêṯî bêṯ mə’ahăḇāy: s

7 ḥereḇ ‘ûrî ‘al-rō‘î wə‘al-geḇer ‘ămîṯî nə’um yəhwâ ṣəḇā’wōṯ haḵə ’eṯ-hārō‘eh ûṯəfûṣeynā haṣṣō’n wahăšiḇōṯî yāḏî ‘al-haṣṣō‘ărîm:

8 wəhāyâ ḇəḵāl-hā’āreṣ nə’um-yəhwâ pî-šənayim bāh yikārəṯû yiḡəwā‘û wəhaššəlišîṯ yiûāṯer bāh:

9 wəhēḇē’ṯî ’eṯ-haššəlišîṯ bā’ēš ûṣərafətîm kiṣərōf ’eṯ-hakesef ûḇəḥanətîm kiḇəḥōn ’eṯ-hazzâāḇ hû’| yiqərā’ ḇišəmî wa’ănî ’e‘ĕneh ’ōṯwō ’āmarətî ‘ammî hû’ wəhû’ yō’mar yəhwâ ’ĕlōhāy: s