‎1 ‏נְבוּכַדְנֶצַּ֣ר מַלְכָּ֗א עֲבַד֙ צְלֵ֣ם דִּֽי־דְהַ֔ב רוּמֵהּ֙ אַמִּ֣ין שִׁתִּ֔ין פְּתָיֵ֖הּ אַמִּ֣ין שִׁ֑ת אֲקִימֵהּ֙ בְּבִקְעַ֣ת דּוּרָ֔א בִּמְדִינַ֖ת בָּבֶֽל׃

‎2 ‏וּנְבוּכַדְנֶצַּ֣ר מַלְכָּ֡א שְׁלַ֡ח לְמִכְנַ֣שׁ׀ לַֽאֲחַשְׁדַּרְפְּנַיָּ֡א סִגְנַיָּ֣א וּֽפַחֲוָתָ֡א אֲדַרְגָּזְרַיָּא֩ גְדָ֨בְרַיָּ֤א דְּתָבְרַיָּא֙ תִּפְתָּיֵ֔א וְכֹ֖ל שִׁלְטֹנֵ֣י מְדִֽינָתָ֑א לְמֵתֵא֙ לַחֲנֻכַּ֣ת צַלְמָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃

‎3 ‏בֵּאדַ֡יִן מִֽתְכַּנְּשִׁ֡ין אֲחַשְׁדַּרְפְּנַיָּ֡א סִגְנַיָּ֣א וּֽפַחֲוָתָ֡א³ אֲדַרְגָּזְרַיָּ֣א גְדָבְרַיָּא֩ דְּתָ֨בְרַיָּ֜א תִּפְתָּיֵ֗א וְכֹל֙ שִׁלְטֹנֵ֣י מְדִֽינָתָ֔א לַחֲנֻכַּ֣ת צַלְמָ֔א דִּ֥י הֲקֵ֖ים נְבוּכַדְנֶצַּ֣ר מַלְכָּ֑א וקאמין וְקָֽיְמִין֙ לָקֳבֵ֣ל צַלְמָ֔א דִּ֥י הֲקֵ֖ים נְבוּכַדְנֶצַּֽר׃

‎4 ‏וְכָרוֹזָ֖א קָרֵ֣א בְחָ֑יִל לְכ֤וֹן אָֽמְרִין֙ עַֽמְמַיָּ֔א אֻמַּיָּ֖א וְלִשָּׁנַיָּֽא׃

‎5 ‏בְּעִדָּנָ֡א דִּֽי־תִשְׁמְע֡וּן קָ֣ל קַרְנָ֣א מַ֠שְׁרוֹקִיתָא קיתרוס קַתְר֨וֹס סַבְּכָ֤א פְּסַנְתֵּרִין֙ סוּמְפֹּ֣נְיָ֔ה וְכֹ֖ל זְנֵ֣י זְמָרָ֑א תִּפְּל֤וּן וְתִסְגְּדוּן֙ לְצֶ֣לֶם דַּהֲבָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃

‎6 ‏וּמַן־דִּי־לָ֥א יִפֵּ֖ל וְיִסְגֻּ֑ד בַּהּ־שַׁעֲתָ֣א יִתְרְמֵ֔א לְגֽוֹא־אַתּ֥וּן נוּרָ֖א יָקִֽדְתָּֽא׃

‎7 ‏כָּל־קֳבֵ֣ל דְּנָ֡ה בֵּהּ־זִמְנָ֡א כְּדִ֣י שָֽׁמְעִ֣ין כָּֽל־עַמְמַיָּ֡א קָ֣ל קַרְנָא֩ מַשְׁר֨וֹקִיתָ֜א קיתרס קַתְר֤וֹס שַׂבְּכָא֙ פְּסַנְטֵרִ֔ין וְכֹ֖ל זְנֵ֣י זְמָרָ֑א נָֽפְלִ֨ין כָּֽל־עַֽמְמַיָּ֜א אֻמַיָּ֣א וְלִשָּׁנַיָּ֗א סָֽגְדִין֙ לְצֶ֣לֶם דַּהֲבָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃

‎8 ‏כָּל־קֳבֵ֤ל דְּנָה֙ בֵּהּ־זִמְנָ֔א קְרִ֖בוּ גֻּבְרִ֣ין כַּשְׂדָּאִ֑ין וַאֲכַ֥לוּ קַרְצֵיה֖וֹן דִּ֥י יְהוּדָיֵֽא׃

‎9 ‏עֲנוֹ֙ וְאָ֣מְרִ֔ין לִנְבוּכַדְנֶצַּ֖ר מַלְכָּ֑א מַלְכָּ֖א לְעָלְמִ֥ין חֱיִֽי׃

‎10 ‏אנתה אַ֣נְתְּ מַלְכָּא֮ שָׂ֣מְתָּ טְּעֵם֒ דִּ֣י כָל־אֱנָ֡שׁ דִּֽי־יִשְׁמַ֡ע קָ֣ל קַרְנָ֣א מַ֠שְׁרֹקִיתָא קיתרס קַתְר֨וֹס שַׂבְּכָ֤א פְסַנְתֵּרִין֙ וסיפניה וְסוּפֹּ֣נְיָ֔ה וְכֹ֖ל זְנֵ֣י זְמָרָ֑א יִפֵּ֥ל וְיִסְגֻּ֖ד לְצֶ֥לֶם דַּהֲבָֽא׃

‎11 ‏וּמַן־דִּי־לָ֥א יִפֵּ֖ל וְיִסְגֻּ֑ד יִתְרְמֵ֕א לְגֽוֹא־אַתּ֥וּן נוּרָ֖א יָקִֽדְתָּֽא׃

‎12 ‏אִיתַ֞י גֻּבְרִ֣ין יְהוּדָאיִ֗ן דִּֽי־מַנִּ֤יתָ יָתְהוֹן֙ עַל־עֲבִידַת֙ מְדִינַ֣ת בָּבֶ֔ל שַׁדְרַ֥ךְ מֵישַׁ֖ךְ וַעֲבֵ֣ד נְג֑וֹ גֻּבְרַיָּ֣א אִלֵּ֗ךְ לָא־שָׂ֨מֽוּ עליך עֲלָ֤ךְ מַלְכָּא֙ טְעֵ֔ם לאלהיך לֵֽאלָהָךְ֙ לָ֣א פָלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימְתָּ לָ֥א סָגְדִֽין׃ ס

‎13 ‏בֵּאדַ֤יִן נְבוּכַדְנֶצַּר֙ בִּרְגַ֣ז וַחֲמָ֔ה אֲמַר֙ לְהַיְתָיָ֔ה לְשַׁדְרַ֥ךְ מֵישַׁ֖ךְ וַעֲבֵ֣ד נְג֑וֹ בֵּאדַ֙יִן֙ גֻּבְרַיָּ֣א אִלֵּ֔ךְ הֵיתָ֖יוּ קֳדָ֥ם מַלְכָּֽא׃

‎14 ‏עָנֵ֤ה נְבֻֽכַדְנֶצַּר֙ וְאָמַ֣ר לְה֔וֹן הַצְדָּ֕א שַׁדְרַ֥ךְ מֵישַׁ֖ךְ וַעֲבֵ֣ד נְג֑וֹ לֵֽאלָהַ֗י לָ֤א אִֽיתֵיכוֹן֙ פָּֽלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימֶת לָ֥א סָֽגְדִֽין׃

‎15 ‏כְּעַ֞ן הֵ֧ן אִֽיתֵיכ֣וֹן עֲתִידִ֗ין דִּ֣י בְעִדָּנָ֡א דִּֽי־תִשְׁמְע֡וּן קָ֣ל קַרְנָ֣א מַשְׁרוֹקִיתָ֣א קיתרס קַתְר֣וֹס^y שַׂבְּכָ֡א פְּסַנְתֵּרִין֩ וְסוּמְפֹּ֨נְיָ֜ה וְכֹ֣ל׀ זְנֵ֣י זְמָרָ֗א תִּפְּל֣וּן וְתִסְגְּדוּן֮ לְצַלְמָ֣א דִֽי־עַבְדֵת֒ וְהֵן֙ לָ֣א תִסְגְּד֔וּן בַּהּ־שַׁעֲתָ֣ה תִתְרְמ֔וֹן לְגֽוֹא־אַתּ֥וּן נוּרָ֖א יָקִֽדְתָּ֑א וּמַן־ה֣וּא אֱלָ֔הּ דֵּ֥י¹ יְשֵֽׁיזְבִנְכ֖וֹן מִן־יְדָֽי׃

‎16 ‏עֲנ֗וֹ שַׁדְרַ֤ךְ מֵישַׁךְ֙ וַעֲבֵ֣ד נְג֔וֹ וְאָמְרִ֖ין לְמַלְכָּ֑א נְבֽוּכַדְנֶצַּ֔ר לָֽא־חַשְׁחִ֨ין אֲנַ֧חְנָה עַל־דְּנָ֛ה פִּתְגָ֖ם לַהֲתָבוּתָֽךְ׃

‎17 ‏הֵ֣ן אִיתַ֗י אֱלָהַ֙נָא֙ דִּֽי־אֲנַ֣חְנָא פָֽלְחִ֔ין יָכִ֖ל לְשֵׁיזָבוּתַ֑נָא מִן־אַתּ֨וּן נוּרָ֧א יָקִֽדְתָּ֛א וּמִן־יְדָ֥ךְ מַלְכָּ֖א יְשֵׁיזִֽב׃

‎18 ‏וְהֵ֣ן לָ֔א יְדִ֥יעַ לֶהֱוֵא־לָ֖ךְ מַלְכָּ֑א דִּ֤י לֵֽאלָהָיִךְ֙^q לָא־איתינא אִיתַ֣נָא פָֽלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימְתָּ לָ֥א נִסְגֻּֽד׃ ס

‎19 ‏בֵּאדַ֨יִן נְבוּכַדְנֶצַּ֜ר הִתְמְלִ֣י חֱמָ֗א וּצְלֵ֤ם אַנְפּ֙וֹהִי֙ אשתנו אֶשְׁתַּנִּ֔י עַל־שַׁדְרַ֥ךְ מֵישַׁ֖ךְ וַעֲבֵ֣ד נְג֑וֹ עָנֵ֤ה וְאָמַר֙ לְמֵזֵ֣א לְאַתּוּנָ֔א חַ֨ד־שִׁבְעָ֔ה עַ֛ל דִּ֥י חֲזֵ֖ה לְמֵזְיֵֽהּ׃

‎20 ‏וּלְגֻבְרִ֤ין גִּבָּֽרֵי־חַ֙יִל֙ דִּ֣י בְחַיְלֵ֔הּ אֲמַר֙ לְכַפָּתָ֔ה לְשַׁדְרַ֥ךְ מֵישַׁ֖ךְ וַעֲבֵ֣ד נְג֑וֹ לְמִרְמֵ֕א לְאַתּ֥וּן נוּרָ֖א יָקִֽדְתָּֽא׃

‎21 ‏בֵּאדַ֜יִן גֻּבְרַיָּ֣א³ אִלֵּ֗ךְ כְּפִ֙תוּ֙ בְּסַרְבָּלֵיהוֹן֙ פטישיהון פַּטְּשֵׁיה֔וֹן^y וְכַרְבְּלָתְה֖וֹן וּלְבֻשֵׁיה֑וֹן וּרְמִ֕יו לְגֽוֹא־אַתּ֥וּן נוּרָ֖א יָקִֽדְתָּֽא׃

‎22 ‏כָּל־קֳבֵ֣ל דְּנָ֗ה מִן־דִּ֞י מִלַּ֤ת מַלְכָּא֙ מַחְצְפָ֔ה וְאַתּוּנָ֖א אֵזֵ֣ה יַתִּ֑ירָא גֻּבְרַיָּ֣א אִלֵּ֗ךְ דִּ֤י הַסִּ֙קוּ֙ לְשַׁדְרַ֤ךְ מֵישַׁךְ֙ וַעֲבֵ֣ד נְג֔וֹ קַטִּ֣ל הִמּ֔וֹן שְׁבִיבָ֖א דִּ֥י נוּרָֽא׃

‎23 ‏וְגֻבְרַיָּ֤א אִלֵּךְ֙ תְּלָ֣תֵּה֔וֹן שַׁדְרַ֥ךְ מֵישַׁ֖ךְ וַעֲבֵ֣ד נְג֑וֹ נְפַ֛לוּ לְגֽוֹא־אַתּוּן־נוּרָ֥א יָֽקִדְתָּ֖א מְכַפְּתִֽין׃ פ

‎24 ‏אֱדַ֙יִן֙ נְבוּכַדְנֶצַּ֣ר מַלְכָּ֔א תְּוַ֖הּ וְקָ֣ם בְּהִתְבְּהָלָ֑ה עָנֵ֨ה וְאָמַ֜ר לְהַדָּֽבְר֗וֹהִי הֲלָא֩ גֻבְרִ֨ין תְּלָתָ֜א רְמֵ֤ינָא לְגוֹא־נוּרָא֙ מְכַפְּתִ֔ין עָנַ֤יִן וְאָמְרִין֙ לְמַלְכָּ֔א יַצִּיבָ֖א מַלְכָּֽא׃

‎25 ‏עָנֵ֣ה וְאָמַ֗ר הָֽא־אֲנָ֨ה חָזֵ֜ה גֻּבְרִ֣ין אַרְבְּעָ֗ה שְׁרַ֙יִן֙ מַהְלְכִ֣ין בְּגֽוֹא־נוּרָ֔א וַחֲבָ֖ל לָא־אִיתַ֣י בְּה֑וֹן וְרֵוֵהּ֙ דִּ֣י רביעיא רְֽבִיעָאָ֔ה דָּמֵ֖ה לְבַר־אֱלָהִֽין׃ ס

‎26 ‏בֵּאדַ֜יִן קְרֵ֣ב נְבוּכַדְנֶצַּ֗ר לִתְרַע֮ אַתּ֣וּן נוּרָ֣א יָקִֽדְתָּא֒ עָנֵ֣ה וְאָמַ֗ר שַׁדְרַ֨ךְ מֵישַׁ֧ךְ וַעֲבֵד־נְג֛וֹ עַבְד֛וֹהִי דִּֽי־אֱלָהָ֥א עליא עִלָּאָ֖ה פֻּ֣קוּ וֶאֱת֑וֹ בֵּאדַ֣יִן נָֽפְקִ֗ין שַׁדְרַ֥ךְ מֵישַׁ֛ךְ וַעֲבֵ֥ד נְג֖וֹ מִן־גּ֥וֹא נוּרָֽא׃

‎27 ‏וּ֠מִֽתְכַּנְּשִׁין אֲחַשְׁדַּרְפְּנַיָּ֞א סִגְנַיָּ֣א וּפַחֲוָתָא֮ וְהַדָּבְרֵ֣י מַלְכָּא֒ חָזַ֣יִן לְגֻבְרַיָּ֣א אִלֵּ֡ךְ דִּי֩ לָֽא־שְׁלֵ֨ט נוּרָ֜א בְּגֶשְׁמְה֗וֹן וּשְׂעַ֤ר רֵֽאשְׁהוֹן֙ לָ֣א הִתְחָרַ֔ךְ וְסָרְבָּלֵיה֖וֹן לָ֣א שְׁנ֑וֹ וְרֵ֣יחַ נ֔וּר לָ֥א עֲדָ֖ת בְּהֽוֹן׃

‎28 ‏עָנֵ֨ה נְבֽוּכַדְנֶצַּ֜ר וְאָמַ֗ר בְּרִ֤יךְ אֱלָהֲהוֹן֙ דִּֽי־שַׁדְרַ֤ךְ מֵישַׁךְ֙ וַעֲבֵ֣ד נְג֔וֹ דִּֽי־שְׁלַ֤ח מַלְאֲכֵהּ֙ וְשֵׁיזִ֣ב לְעַבְד֔וֹהִי דִּ֥י הִתְרְחִ֖צוּ עֲל֑וֹהִי וּמִלַּ֤ת מַלְכָּא֙ שַׁנִּ֔יו וִיהַ֣בוּ גשמיהון גֶשְׁמְה֗וֹן^y דִּ֠י לָֽא־יִפְלְח֤וּן וְלָֽא־יִסְגְּדוּן֙ לְכָל־אֱלָ֔הּ לָהֵ֖ן לֵאלָֽהֲהֽוֹן׃

‎29 ‏וּמִנִּי֮ שִׂ֣ים טְעֵם֒ דִּי֩ כָל־עַ֨ם אֻמָּ֜ה וְלִשָּׁ֗ן דִּֽי־יֵאמַ֤ר שלה שָׁלוּ֙ עַ֣ל אֱלָהֲה֗וֹן דִּֽי־שַׁדְרַ֤ךְ מֵישַׁךְ֙ וַעֲבֵ֣ד נְג֔וֹא הַדָּמִ֣ין יִתְעֲבֵ֔ד וּבַיְתֵ֖הּ נְוָלִ֣י יִשְׁתַּוֵּ֑ה כָּל־קֳבֵ֗ל דִּ֣י לָ֤א אִיתַי֙ אֱלָ֣ה אָחֳרָ֔ן דִּֽי־יִכֻּ֥ל לְהַצָּלָ֖ה כִּדְנָֽה׃

‎30 ‏בֵּאדַ֣יִן מַלְכָּ֗א הַצְלַ֛ח לְשַׁדְרַ֥ךְ מֵישַׁ֛ךְ וַעֲבֵ֥ד נְג֖וֹ בִּמְדִינַ֥ת בָּבֶֽל׃ פ

‎31 ‏נְבוּכַדְנֶצַּ֣ר מַלְכָּ֗א לְֽכָל־עַֽמְמַיָּ֞א אֻמַיָּ֧א וְלִשָּׁנַיָּ֛א דִּֽי־דארין דָיְרִ֥ין בְּכָל־אַרְעָ֖א שְׁלָמְכ֥וֹן יִשְׂגֵּֽא׃

‎32 ‏אָֽתַיָּא֙ וְתִמְהַיָּ֔א דִּ֚י עֲבַ֣ד עִמִּ֔י אֱלָהָ֖א עליא עִלָּאָ֑ה שְׁפַ֥ר קָֽדָמַ֖י לְהַחֲוָיָֽה׃

‎33 ‏אָת֙וֹהִי֙ כְּמָ֣ה רַבְרְבִ֔ין וְתִמְה֖וֹהִי כְּמָ֣ה תַקִּיפִ֑ין מַלְכוּתֵהּ֙ מַלְכ֣וּת עָלַ֔ם וְשָׁלְטָנֵ֖הּ עִם־דָּ֥ר וְדָֽר׃

1 nəḇûḵaḏəneṣṣar maləkā’ ‘ăḇaḏ ṣəlēm dî-ḏəhaḇ rûmēhh ’ammîn šitîn pəṯāyēhh ’ammîn šiṯ ’ăqîmēhh bəḇiqə‘aṯ dûrā’ biməḏînaṯ bāḇel:

2 ûnəḇûḵaḏəneṣṣar maləkā’ šəl^aḥ ləmiḵənaš| la’ăḥašədarəpənayyā’ siḡənayyā’ ûf^aḥăwāṯā’ ’ăḏarəgāzərayyā’ ḡəḏāḇərayyā’ dəṯāḇərayyā’ tifətāyē’ wəḵōl šiləṭōnê məḏînāṯā’ ləmēṯē’ l^aḥănukaṯ ṣaləmā’ dî hăqêm nəḇûḵaḏəneṣṣar maləkā’:

3 bē’ḏayin miṯəkannəšîn ’ăḥašədarəpənayyā’ siḡənayyā’ ûf^aḥăwāṯā’³ ’ăḏarəgāzərayyā’ ḡəḏāḇərayyā’ dəṯāḇərayyā’ tifətāyē’ wəḵōl šiləṭōnê məḏînāṯā’ l^aḥănukaṯ ṣaləmā’ dî hăqêm nəḇûḵaḏəneṣṣar maləkā’ wəqā’ămîn wəqāyəmîn lāqŏḇēl ṣaləmā’ dî hăqêm nəḇûḵaḏəneṣṣar:

4 wəḵārwōzā’ qārē’ ḇəḥāyil ləḵwōn ’āmərîn ‘aməmayyā’ ’ummayyā’ wəliššānayyā’:

5 bə‘idānā’ dî-ṯišəmə‘ûn qāl qarənā’ mašərwōqîṯā’ qîṯārwōs qaṯərwōs sabəḵā’ pəsanətērîn sûməpōnəyâ wəḵōl zənê zəmārā’ tipəlûn wəṯisəgəḏûn ləṣelem dahăḇā’ dî hăqêm nəḇûḵaḏəneṣṣar maləkā’:

6 ûman-dî-lā’ yipēl wəyisəguḏ b^ah-š^a‘ăṯā’ yiṯərəmē’ ləḡwō’-’atûn nûrā’ yāqiḏətā’:

7 kāl-qŏḇēl dənâ bēhh-zimənā’ kəḏî šāmə‘în kāl-‘aməmayyā’ qāl qarənā’ mašərwōqîṯā’ qîṯārōs qaṯərwōs śabəḵā’ pəsanəṭērîn wəḵōl zənê zəmārā’ nāfəlîn kāl-‘aməmayyā’ ’umayyā’ wəliššānayyā’ sāḡəḏîn ləṣelem dahăḇā’ dî hăqêm nəḇûḵaḏəneṣṣar maləkā’:

8 kāl-qŏḇēl dənâ bēhh-zimənā’ qəriḇû guḇərîn kaśədā’în wa’ăḵalû qarəṣêhwōn dî yəhûḏāyē’:

9 ‘ănwō wə’āmərîn linəḇûḵaḏəneṣṣar maləkā’ maləkā’ lə‘āləmîn ḥĕyî:

10 ’anətâ ’anətə maləkā’ śāmətā ṭṭə‘ēm dî ḵāl-’ĕnāš dî-yišəm^a‘ qāl qarənā’ mašərōqîṯā’ qîṯārōs qaṯərwōs śabəḵā’ fəsanətērîn wəsîpōnəyâ wəsûpōnəyâ wəḵōl zənê zəmārā’ yipēl wəyisəguḏ ləṣelem dahăḇā’:

11 ûman-dî-lā’ yipēl wəyisəguḏ yiṯərəmē’ ləḡwō’-’atûn nûrā’ yāqiḏətā’:

12 ’îṯay guḇərîn yəhûḏā’yin dî-mannîṯā yāṯəhwōn ‘al-‘ăḇîḏaṯ məḏînaṯ bāḇel šaḏəraḵə mêšaḵə w^a‘ăḇēḏ nəḡwō guḇərayyā’ ’illēḵə lā’-śāmû ‘ălayiḵə ‘ălāḵə maləkā’ ṭə‘ēm lē’lâayiḵə lē’lâāḵə lā’ fāləḥîn ûləṣelem dahăḇā’ dî hăqêmətā lā’ sāḡəḏîn: s

13 bē’ḏayin nəḇûḵaḏəneṣṣar birəḡaz w^aḥămâ ’ămar ləhayəṯāyâ ləšaḏəraḵə mêšaḵə w^a‘ăḇēḏ nəḡwō bē’ḏayin guḇərayyā’ ’illēḵə hêṯāyû qŏḏām maləkā’:

14 ‘ānēh nəḇuḵaḏəneṣṣar wə’āmar ləhwōn haṣədā’ šaḏəraḵə mêšaḵə w^a‘ăḇēḏ nəḡwō lē’lâay lā’ ’îṯêḵwōn pāləḥîn ûləṣelem dahăḇā’ dî hăqêmeṯ lā’ sāḡəḏîn:

15 kə‘an hēn ’îṯêḵwōn ‘ăṯîḏîn dî ḇə‘idānā’ dî-ṯišəmə‘ûn qāl qarənā’ mašərwōqîṯā’ qîṯārōs qaṯərwōs^y śabəḵā’ pəsanətērîn wəsûməpōnəyâ wəḵōl| zənê zəmārā’ tipəlûn wəṯisəgəḏûn ləṣaləmā’ ḏî-‘aḇəḏēṯ wəhēn lā’ ṯisəgəḏûn b^ah-š^a‘ăṯâ ṯiṯərəmwōn ləḡwō’-’atûn nûrā’ yāqiḏətā’ ûman-hû’ ’ĕlāh dê¹ yəšêzəḇinəḵwōn min-yəḏāy:

16 ‘ănwō šaḏəraḵə mêšaḵə w^a‘ăḇēḏ nəḡwō wə’āmərîn ləmaləkā’ nəḇûḵaḏəneṣṣar lā’-ḥašəḥîn ’ăn^aḥənâ ‘al-dənâ piṯəḡām lahăṯāḇûṯāḵə:

17 hēn ’îṯay ’ĕlâanā’ dî-’ăn^aḥənā’ fāləḥîn yāḵil ləšêzāḇûṯanā’ min-’atûn nûrā’ yāqiḏətā’ ûmin-yəḏāḵə maləkā’ yəšêziḇ:

18 wəhēn lā’ yəḏî‘a lehĕwē’-lāḵə maləkā’ dî lē’lâāyiḵə^q lā’-’îṯayənā’ ’îṯanā’ fāləḥîn ûləṣelem dahăḇā’ dî hăqêmətā lā’ nisəguḏ: s

19 bē’ḏayin nəḇûḵaḏəneṣṣar hiṯəməlî ḥĕmā’ ûṣəlēm ’anəpwōhî ’ešətannû ’ešətannî ‘al-šaḏəraḵə mêšaḵə w^a‘ăḇēḏ nəḡwō ‘ānēh wə’āmar ləmēzē’ lə’atûnā’ ḥaḏ-šiḇə‘â ‘al dî ḥăzēh ləmēzəyēhh:

20 ûləḡuḇərîn gibārê-ḥayil dî ḇəḥayəlēhh ’ămar ləḵapāṯâ ləšaḏəraḵə mêšaḵə w^a‘ăḇēḏ nəḡwō ləmirəmē’ lə’atûn nûrā’ yāqiḏətā’:

21 bē’ḏayin guḇərayyā’³ ’illēḵə kəfiṯû bəsarəbālêhwōn paṭṭîšêhwōn paṭṭəšêhwōn^y wəḵarəbəlāṯəhwōn ûləḇušêhwōn ûrəmîw ləḡwō’-’atûn nûrā’ yāqiḏətā’:

22 kāl-qŏḇēl dənâ min-dî millaṯ maləkā’ m^aḥəṣəfâ wə’atûnā’ ’ēzēh yatîrā’ guḇərayyā’ ’illēḵə dî hassiqû ləšaḏəraḵə mêšaḵə w^a‘ăḇēḏ nəḡwō qaṭṭil himmwōn šəḇîḇā’ dî nûrā’:

23 wəḡuḇərayyā’ ’illēḵə təlātēhwōn šaḏəraḵə mêšaḵə w^a‘ăḇēḏ nəḡwō nəfalû ləḡwō’-’atûn-nûrā’ yāqiḏətā’ məḵapəṯîn: f

24 ’ĕḏayin nəḇûḵaḏəneṣṣar maləkā’ təw^ah wəqām bəhiṯəbəhālâ ‘ānēh wə’āmar ləhadāḇərwōhî hălā’ ḡuḇərîn təlāṯā’ rəmênā’ ləḡwō’-nûrā’ məḵapəṯîn ‘ānayin wə’āmərîn ləmaləkā’ yaṣṣîḇā’ maləkā’:

25 ‘ānēh wə’āmar hā’-’ănâ ḥāzēh guḇərîn ’arəbə‘â šərayin mahələḵîn bəḡwō’-nûrā’ w^aḥăḇāl lā’-’îṯay bəhwōn wərēwēhh dî rəḇî‘āyā’ rəḇî‘ā’â dāmēh ləḇar-’ĕlâîn: s

26 bē’ḏayin qərēḇ nəḇûḵaḏəneṣṣar liṯər^a‘ ’atûn nûrā’ yāqiḏətā’ ‘ānēh wə’āmar šaḏəraḵə mêšaḵə w^a‘ăḇēḏ-nəḡwō ‘aḇəḏwōhî dî-’ĕlâā’ ‘illāyā’ ‘illā’â puqû we’ĕṯwō bē’ḏayin nāfəqîn šaḏəraḵə mêšaḵə w^a‘ăḇēḏ nəḡwō min-gwō’ nûrā’:

27 ûmiṯəkannəšîn ’ăḥašədarəpənayyā’ siḡənayyā’ ûf^aḥăwāṯā’ wəhadāḇərê maləkā’ ḥāzayin ləḡuḇərayyā’ ’illēḵə dî lā’-šəlēṭ nûrā’ bəḡešəməhwōn ûśə‘ar rē’šəhwōn lā’ hiṯəḥāraḵə wəsārəbālêhwōn lā’ šənwō wərêḥa nûr lā’ ‘ăḏāṯ bəhwōn:

28 ‘ānēh nəḇûḵaḏəneṣṣar wə’āmar bərîḵə ’ĕlâăhwōn dî-šaḏəraḵə mêšaḵə w^a‘ăḇēḏ nəḡwō dî-šəl^aḥ malə’ăḵēhh wəšêziḇ lə‘aḇəḏwōhî dî hiṯərəḥiṣû ‘ălwōhî ûmillaṯ maləkā’ šannîw wîhaḇû ḡešəmêhwōn ḡešəməhwōn^y dî lā’-yifələḥûn wəlā’-yisəgəḏûn ləḵāl-’ĕlāh lâēn lē’lâăhwōn:

29 ûminnî śîm ṭə‘ēm dî ḵāl-‘am ’ummâ wəliššān dî-yē’mar šēlâ šālû ‘al ’ĕlâăhwōn dî-šaḏəraḵə mêšaḵə w^a‘ăḇēḏ nəḡwō’ hadāmîn yiṯə‘ăḇēḏ ûḇayəṯēhh nəwālî yišətaûēh kāl-qŏḇēl dî lā’ ’îṯay ’ĕlâ ’āḥŏrān dî-yikul ləhaṣṣālâ kiḏənâ:

30 bē’ḏayin maləkā’ haṣəl^aḥ ləšaḏəraḵə mêšaḵə w^a‘ăḇēḏ nəḡwō biməḏînaṯ bāḇel: f

31 nəḇûḵaḏəneṣṣar maləkā’ ləḵāl-‘aməmayyā’ ’umayyā’ wəliššānayyā’ dî-ḏā’ărîn ḏāyərîn bəḵāl-’arə‘ā’ šəlāməḵwōn yiśəgē’:

32 ’āṯayyā’ wəṯiməhayyā’ dî ‘ăḇaḏ ‘immî ’ĕlâā’ ‘illāyā’ ‘illā’â šəfar qāḏāmay ləh^aḥăwāyâ:

33 ’āṯwōhî kəmâ raḇərəḇîn wəṯiməhwōhî kəmâ ṯaqqîfîn maləḵûṯēhh maləḵûṯ ‘ālam wəšāləṭānēhh ‘im-dār wəḏār: