‎1 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎2 ‏רְאֵ֖ה קָרָ֣אתִֽי³ בְשֵׁ֑ם בְּצַלְאֵ֛ל בֶּן־אוּרִ֥י בֶן־ח֖וּר לְמַטֵּ֥ה יְהוּדָֽה׃

‎3 ‏וָאֲמַלֵּ֥א אֹת֖וֹ ר֣וּחַ אֱלֹהִ֑ים בְּחָכְמָ֛ה וּבִתְבוּנָ֥ה וּבְדַ֖עַת וּבְכָל־מְלָאכָֽה׃

‎4 ‏לַחְשֹׁ֖ב מַחֲשָׁבֹ֑ת לַעֲשׂ֛וֹת בַּזָּהָ֥ב וּבַכֶּ֖סֶף וּבַנְּחֹֽשֶׁת׃

‎5 ‏וּבַחֲרֹ֥שֶׁת אֶ֛בֶן לְמַלֹּ֖את וּבַחֲרֹ֣שֶׁת עֵ֑ץ לַעֲשׂ֖וֹת בְּכָל־מְלָאכָֽה׃

‎6 ‏וַאֲנִ֞י הִנֵּ֧ה נָתַ֣תִּי אִתּ֗וֹ אֵ֣ת אָהֳלִיאָ֞ב בֶּן־אֲחִֽיסָמָךְ֙ לְמַטֵּה־דָ֔ן וּבְלֵ֥ב כָּל־חֲכַם־לֵ֖ב נָתַ֣תִּי חָכְמָ֑ה וְעָשׂ֕וּ אֵ֖ת כָּל־אֲשֶׁ֥ר צִוִּיתִֽךָ׃

‎7 ‏אֵ֣ת׀ אֹ֣הֶל מוֹעֵ֗ד וְאֶת־הָֽאָרֹן֙ לָֽעֵדֻ֔ת וְאֶת־הַכַּפֹּ֖רֶת אֲשֶׁ֣ר עָלָ֑יו וְאֵ֖ת כָּל־כְּלֵ֥י הָאֹֽהֶל׃

‎8 ‏וְאֶת־הַשֻּׁלְחָן֙ וְאֶת־כֵּלָ֔יו וְאֶת־הַמְּנֹרָ֥ה הַטְּהֹרָ֖ה וְאֶת־כָּל־כֵּלֶ֑יהָ וְאֵ֖ת מִזְבַּ֥ח הַקְּטֹֽרֶת׃

‎9 ‏וְאֶת־מִזְבַּ֥ח³ הָעֹלָ֖ה וְאֶת־כָּל־כֵּלָ֑יו וְאֶת־הַכִּיּ֖וֹר וְאֶת־כַּנּֽוֹ׃

‎10 ‏וְאֵ֖ת בִּגְדֵ֣י הַשְּׂרָ֑ד וְאֶת־בִּגְדֵ֤י הַקֹּ֙דֶשׁ֙ לְאַהֲרֹ֣ן הַכֹּהֵ֔ן וְאֶת־בִּגְדֵ֥י בָנָ֖יו לְכַהֵֽן׃

‎11 ‏וְאֵ֨ת שֶׁ֧מֶן הַמִּשְׁחָ֛ה וְאֶת־קְטֹ֥רֶת הַסַּמִּ֖ים לַקֹּ֑דֶשׁ כְּכֹ֥ל אֲשֶׁר־צִוִּיתִ֖ךָ יַעֲשֽׂוּ׃ פ

‎12 ‏וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃

‎13 ‏וְאַתָּ֞ה דַּבֵּ֨ר אֶל־בְּנֵ֤י יִשְׂרָאֵל֙ לֵאמֹ֔ר אַ֥ךְ אֶת־שַׁבְּתֹתַ֖י תִּשְׁמֹ֑רוּ כִּי֩ א֨וֹת הִ֜וא בֵּינִ֤י וּבֵֽינֵיכֶם֙ לְדֹרֹ֣תֵיכֶ֔ם לָדַ֕עַת כִּ֛י אֲנִ֥י יְהוָ֖ה מְקַדִּשְׁכֶֽם׃

‎14 ‏וּשְׁמַרְתֶּם֙ אֶת־הַשַּׁבָּ֔ת כִּ֛י קֹ֥דֶשׁ הִ֖וא לָכֶ֑ם מְחַֽלְלֶ֙יהָ֙ מ֣וֹת יוּמָ֔ת כִּ֗י כָּל־הָעֹשֶׂ֥ה בָהּ֙ מְלָאכָ֔ה וְנִכְרְתָ֛ה הַנֶּ֥פֶשׁ הַהִ֖וא מִקֶּ֥רֶב עַמֶּֽיהָ׃

‎15 ‏שֵׁ֣שֶׁת יָמִים֮ יֵעָשֶׂ֣ה מְלָאכָה֒ וּבַיּ֣וֹם הַשְּׁבִיעִ֗י שַׁבַּ֧ת שַׁבָּת֛וֹן קֹ֖דֶשׁ לַיהוָ֑ה כָּל־הָעֹשֶׂ֧ה מְלָאכָ֛ה בְּי֥וֹם הַשַּׁבָּ֖ת מ֥וֹת יוּמָֽת׃

‎16 ‏וְשָׁמְר֥וּ בְנֵֽי־יִשְׂרָאֵ֖ל אֶת־הַשַּׁבָּ֑ת לַעֲשׂ֧וֹת אֶת־הַשַּׁבָּ֛ת לְדֹרֹתָ֖ם בְּרִ֥ית עוֹלָֽם׃

‎17 ‏בֵּינִ֗י וּבֵין֙ בְּנֵ֣י יִשְׂרָאֵ֔ל א֥וֹת הִ֖וא לְעֹלָ֑ם כִּי־שֵׁ֣שֶׁת יָמִ֗ים עָשָׂ֤ה יְהוָה֙ אֶת־הַשָּׁמַ֣יִם וְאֶת־הָאָ֔רֶץ וּבַיּוֹם֙ הַשְּׁבִיעִ֔י שָׁבַ֖ת וַיִּנָּפַֽשׁ׃ ס

‎18 ‏וַיִּתֵּ֣ן אֶל־מֹשֶׁ֗ה כְּכַלֹּתוֹ֙ לְדַבֵּ֤ר אִתּוֹ֙ בְּהַ֣ר סִינַ֔י שְׁנֵ֖י לֻחֹ֣ת הָעֵדֻ֑ת לֻחֹ֣ת אֶ֔בֶן כְּתֻבִ֖ים בְּאֶצְבַּ֥ע אֱלֹהִֽים׃

1 wayəḏabēr yəhwâ ’el-mōšeh llē’mōr:

2 rə’ēh qārā’ṯî³ ḇəšēm bəṣalə’ēl ben-’ûrî ḇen-ḥûr ləmaṭṭēh yəhûḏâ:

3 wā’ămallē’ ’ōṯwō rûḥa ’ĕlōhîm bəḥāḵəmâ ûḇiṯəḇûnâ ûḇəḏ^a‘aṯ ûḇəḵāl-məlā’ḵâ:

4 l^aḥəšōḇ m^aḥăšāḇōṯ l^a‘ăśwōṯ bazzâāḇ ûḇakesef ûḇannəḥōšeṯ:

5 ûḇ^aḥărōšeṯ ’eḇen ləmallō’ṯ ûḇ^aḥărōšeṯ ‘ēṣ l^a‘ăśwōṯ bəḵāl-məlā’ḵâ:

6 wa’ănî hinnēh nāṯatî ’itwō ’ēṯ ’âŏlî’āḇ ben-’ăḥîsāmāḵə ləmaṭṭēh-ḏān ûḇəlēḇ kāl-ḥăḵam-lēḇ nāṯatî ḥāḵəmâ wə‘āśû ’ēṯ kāl-’ăšer ṣiûîṯiḵā:

7 ’ēṯ| ’ōhel mwō‘ēḏ wə’eṯ-hā’ārōn lā‘ēḏuṯ wə’eṯ-hakapōreṯ ’ăšer ‘ālāyw wə’ēṯ kāl-kəlê hā’ōhel:

8 wə’eṯ-haššuləḥān wə’eṯ-kēlāyw wə’eṯ-hammənōrâ haṭṭəhōrâ wə’eṯ-kāl-kēleyhā wə’ēṯ mizəb^aḥ haqqəṭōreṯ:

9 wə’eṯ-mizəb^aḥ³ hā‘ōlâ wə’eṯ-kāl-kēlāyw wə’eṯ-hakîywōr wə’eṯ-kannwō:

10 wə’ēṯ biḡəḏê haśśərāḏ wə’eṯ-biḡəḏê haqqōḏeš lə’ahărōn hakōhēn wə’eṯ-biḡəḏê ḇānāyw ləḵahēn:

11 wə’ēṯ šemen hammišəḥâ wə’eṯ-qəṭōreṯ hassammîm laqqōḏeš kəḵōl ’ăšer-ṣiûîṯiḵā y^a‘ăśû: f

12 wayyō’mer yəhwâ ’el-mōšeh llē’mōr:

13 wə’atâ dabēr ’el-bənê yiśərā’ēl lē’mōr ’aḵə ’eṯ-šabəṯōṯay tišəmōrû kî ’wōṯ hiw’ bênî ûḇênêḵem ləḏōrōṯêḵem lāḏ^a‘aṯ kî ’ănî yəhwâ məqadišəḵem:

14 ûšəmarətem ’eṯ-haššabāṯ kî qōḏeš hiw’ lāḵem məḥaləleyhā mwōṯ yûmāṯ kî kāl-hā‘ōśeh ḇāh məlā’ḵâ wəniḵərəṯâ hannefeš hahiw’ miqqereḇ ‘ammeyhā:

15 šēšeṯ yāmîm yē‘āśeh məlā’ḵâ ûḇayywōm haššəḇî‘î šabaṯ šabāṯwōn qōḏeš layhwâ kāl-hā‘ōśeh məlā’ḵâ bəywōm haššabāṯ mwōṯ yûmāṯ:

16 wəšāmərû ḇənê-yiśərā’ēl ’eṯ-haššabāṯ l^a‘ăśwōṯ ’eṯ-haššabāṯ ləḏōrōṯām bərîṯ ‘wōlām:

17 bênî ûḇên bənê yiśərā’ēl ’wōṯ hiw’ lə‘ōlām kî-šēšeṯ yāmîm ‘āśâ yəhwâ ’eṯ-haššāmayim wə’eṯ-hā’āreṣ ûḇayywōm haššəḇî‘î šāḇaṯ wayyinnāfaš: s

18 wayyitēn ’el-mōšeh kəḵallōṯwō ləḏabēr ’itwō bəhar sînay šənê luḥōṯ hā‘ēḏuṯ luḥōṯ ’eḇen kəṯuḇîm bə’eṣəb^a‘ ’ĕlōhîm: