‎1 ‏וַיַּ֣רְא הָעָ֔ם כִּֽי־בֹשֵׁ֥שׁ מֹשֶׁ֖ה לָרֶ֣דֶת מִן־הָהָ֑ר וַיִּקָּהֵ֨ל הָעָ֜ם עַֽל־אַהֲרֹ֗ן וַיֹּאמְר֤וּ אֵלָיו֙ ק֣וּם׀ עֲשֵׂה־לָ֣נוּ אֱלֹהִ֗ים אֲשֶׁ֤ר יֵֽלְכוּ֙ לְפָנֵ֔ינוּ כִּי־זֶ֣ה׀ מֹשֶׁ֣ה הָאִ֗ישׁ אֲשֶׁ֤ר הֶֽעֱלָ֙נוּ֙ מֵאֶ֣רֶץ מִצְרַ֔יִם לֹ֥א יָדַ֖עְנוּ מֶה־הָ֥יָה לֽוֹ׃

‎2 ‏וַיֹּ֤אמֶר אֲלֵהֶם֙ אַהֲרֹ֔ן פָּֽרְקוּ֙ נִזְמֵ֣י הַזָּהָ֔ב אֲשֶׁר֙ בְּאָזְנֵ֣י נְשֵׁיכֶ֔ם בְּנֵיכֶ֖ם וּבְנֹתֵיכֶ֑ם וְהָבִ֖יאוּ אֵלָֽי׃

‎3 ‏וַיִּתְפָּֽרְקוּ֙ כָּל־הָעָ֔ם אֶת־נִזְמֵ֥י הַזָּהָ֖ב אֲשֶׁ֣ר בְּאָזְנֵיהֶ֑ם וַיָּבִ֖יאוּ אֶֽל־אַהֲרֹֽן׃

‎4 ‏וַיִּקַּ֣ח מִיָּדָ֗ם וַיָּ֤צַר אֹתוֹ֙ בַּחֶ֔רֶט וַֽיַּעֲשֵׂ֖הוּ עֵ֣גֶל מַסֵּכָ֑ה וַיֹּ֣אמְר֔וּ אֵ֤לֶּה אֱלֹהֶ֙יךָ֙ יִשְׂרָאֵ֔ל אֲשֶׁ֥ר הֶעֱל֖וּךָ מֵאֶ֥רֶץ מִצְרָֽיִם׃

‎5 ‏וַיַּ֣רְא אַהֲרֹ֔ן וַיִּ֥בֶן מִזְבֵּ֖חַ לְפָנָ֑יו וַיִּקְרָ֤א אַֽהֲרֹן֙ וַיֹּאמַ֔ר חַ֥ג לַיהוָ֖ה מָחָֽר׃

‎6 ‏וַיַּשְׁכִּ֙ימוּ֙ מִֽמָּחֳרָ֔ת וַיַּעֲל֣וּ עֹלֹ֔ת וַיַּגִּ֖שׁוּ שְׁלָמִ֑ים וַיֵּ֤שֶׁב הָעָם֙ לֶֽאֱכֹ֣ל וְשָׁת֔וֹ וַיָּקֻ֖מוּ לְצַחֵֽק׃ פ

‎7 ‏וַיְדַבֵּ֥ר יְהוָ֖ה אֶל־מֹשֶׁ֑ה לֶךְ־רֵ֕ד כִּ֚י שִׁחֵ֣ת עַמְּךָ֔ אֲשֶׁ֥ר הֶעֱלֵ֖יתָ מֵאֶ֥רֶץ מִצְרָֽיִם׃

‎8 ‏סָ֣רוּ מַהֵ֗ר מִן־הַדֶּ֙רֶךְ֙ אֲשֶׁ֣ר צִוִּיתִ֔ם עָשׂ֣וּ לָהֶ֔ם עֵ֖גֶל מַסֵּכָ֑ה וַיִּשְׁתַּֽחֲווּ־לוֹ֙ וַיִּזְבְּחוּ־ל֔וֹ וַיֹּ֣אמְר֔וּ אֵ֤לֶּה אֱלֹהֶ֙יךָ֙ יִשְׂרָאֵ֔ל אֲשֶׁ֥ר הֶֽעֱל֖וּךָ מֵאֶ֥רֶץ מִצְרָֽיִם׃

‎9 ‏וַיֹּ֥אמֶר יְהוָ֖ה אֶל־מֹשֶׁ֑ה רָאִ֙יתִי֙ אֶת־הָעָ֣ם הַזֶּ֔ה וְהִנֵּ֥ה עַם־קְשֵׁה־עֹ֖רֶף הֽוּא׃

‎10 ‏וְעַתָּה֙ הַנִּ֣יחָה לִּ֔י וְיִֽחַר־אַפִּ֥י בָהֶ֖ם וַאֲכַלֵּ֑ם וְאֶֽעֱשֶׂ֥ה אוֹתְךָ֖ לְג֥וֹי גָּדֽוֹל׃

‎11 ‏וַיְחַ֣ל מֹשֶׁ֔ה אֶת־פְּנֵ֖י יְהוָ֣ה אֱלֹהָ֑יו וַיֹּ֗אמֶר לָמָ֤ה יְהוָה֙ יֶחֱרֶ֤ה אַפְּךָ֙ בְּעַמֶּ֔ךָ אֲשֶׁ֤ר הוֹצֵ֙אתָ֙ מֵאֶ֣רֶץ מִצְרַ֔יִם בְּכֹ֥חַ גָּד֖וֹל וּבְיָ֥ד חֲזָקָֽה׃

‎12 ‏לָמָּה֩ יֹאמְר֨וּ מִצְרַ֜יִם לֵאמֹ֗ר בְּרָעָ֤ה הֽוֹצִיאָם֙ לַהֲרֹ֤ג אֹתָם֙ בֶּֽהָרִ֔ים וּ֨לְכַלֹּתָ֔ם מֵעַ֖ל פְּנֵ֣י הָֽאֲדָמָ֑ה שׁ֚וּב מֵחֲר֣וֹן אַפֶּ֔ךָ וְהִנָּחֵ֥ם עַל־הָרָעָ֖ה לְעַמֶּֽךָ׃

‎13 ‏זְכֹ֡ר לְאַבְרָהָם֩ לְיִצְחָ֨ק וּלְיִשְׂרָאֵ֜ל עֲבָדֶ֗יךָ אֲשֶׁ֨ר נִשְׁבַּ֣עְתָּ לָהֶם֮ בָּךְ֒ וַתְּדַבֵּ֣ר אֲלֵהֶ֔ם אַרְבֶּה֙ אֶֽת־זַרְעֲכֶ֔ם כְּכוֹכְבֵ֖י הַשָּׁמָ֑יִם וְכָל־הָאָ֨רֶץ הַזֹּ֜את אֲשֶׁ֣ר אָמַ֗רְתִּי אֶתֵּן֙ לְזַרְעֲכֶ֔ם וְנָחֲל֖וּ לְעֹלָֽם׃

‎14 ‏וַיִּנָּ֖חֶם יְהוָ֑ה עַל־הָ֣רָעָ֔ה אֲשֶׁ֥ר דִּבֶּ֖ר לַעֲשׂ֥וֹת לְעַמּֽוֹ׃ פ

‎15 ‏וַיִּ֜פֶן וַיֵּ֤רֶד מֹשֶׁה֙ מִן־הָהָ֔ר וּשְׁנֵ֛י לֻחֹ֥ת הָעֵדֻ֖ת בְּיָד֑וֹ לֻחֹ֗ת כְּתֻבִים֙ מִשְּׁנֵ֣י עֶבְרֵיהֶ֔ם מִזֶּ֥ה וּמִזֶּ֖ה הֵ֥ם כְּתֻבִֽים׃

‎16 ‏וְהַ֨לֻּחֹ֔ת מַעֲשֵׂ֥ה אֱלֹהִ֖ים הֵ֑מָּה וְהַמִּכְתָּ֗ב מִכְתַּ֤ב אֱלֹהִים֙ ה֔וּא חָר֖וּת עַל־הַלֻּחֹֽת׃

‎17 ‏וַיִּשְׁמַ֧ע יְהוֹשֻׁ֛עַ אֶת־ק֥וֹל הָעָ֖ם בְּרֵעֹ֑ה^q וַיֹּ֙אמֶר֙ אֶל־מֹשֶׁ֔ה ק֥וֹל מִלְחָמָ֖ה בַּֽמַּחֲנֶה׃¹

‎18 ‏וַיֹּ֗אמֶר אֵ֥ין קוֹל֙ עֲנ֣וֹת גְּבוּרָ֔ה וְאֵ֥ין ק֖וֹל עֲנ֣וֹת חֲלוּשָׁ֑ה ק֣וֹל עַנּ֔וֹת אָנֹכִ֖י שֹׁמֵֽעַ׃

‎19 ‏וַֽיְהִ֗י כַּאֲשֶׁ֤ר קָרַב֙ אֶל־הַֽמַּחֲנֶ֔ה וַיַּ֥רְא אֶת־הָעֵ֖גֶל וּמְחֹלֹ֑ת וַיִּֽחַר־אַ֣ף מֹשֶׁ֗ה וַיַּשְׁלֵ֤ךְ מידו מִיָּדָיו֙ אֶת־הַלֻּחֹ֔ת וַיְשַׁבֵּ֥ר אֹתָ֖ם תַּ֥חַת הָהָֽר׃

‎20 ‏וַיִּקַּ֞ח אֶת־הָעֵ֨גֶל אֲשֶׁ֤ר עָשׂוּ֙ וַיִּשְׂרֹ֣ף בָּאֵ֔שׁ וַיִּטְחַ֖ן עַ֣ד אֲשֶׁר־דָּ֑ק וַיִּ֙זֶר֙ עַל־פְּנֵ֣י הַמַּ֔יִם וַיַּ֖שְׁקְ אֶת־בְּנֵ֥י יִשְׂרָאֵֽל׃

‎21 ‏וַיֹּ֤אמֶר מֹשֶׁה֙ אֶֽל־אַהֲרֹ֔ן מֶֽה־עָשָׂ֥ה לְךָ֖ הָעָ֣ם הַזֶּ֑ה כִּֽי־הֵבֵ֥אתָ עָלָ֖יו חֲטָאָ֥ה גְדֹלָֽה׃

‎22 ‏וַיֹּ֣אמֶר אַהֲרֹ֔ן אַל־יִ֥חַר אַ֖ף אֲדֹנִ֑י אַתָּה֙ יָדַ֣עְתָּ אֶת־הָעָ֔ם כִּ֥י בְרָ֖ע הֽוּא׃

‎23 ‏וַיֹּ֣אמְרוּ לִ֔י עֲשֵׂה־לָ֣נוּ אֱלֹהִ֔ים אֲשֶׁ֥ר יֵלְכ֖וּ לְפָנֵ֑ינוּ כִּי־זֶ֣ה׀ מֹשֶׁ֣ה הָאִ֗ישׁ אֲשֶׁ֤ר הֶֽעֱלָ֙נוּ֙ מֵאֶ֣רֶץ מִצְרַ֔יִם לֹ֥א יָדַ֖עְנוּ מֶה־הָ֥יָה לֽוֹ׃

‎24 ‏וָאֹמַ֤ר לָהֶם֙ לְמִ֣י זָהָ֔ב הִתְפָּרָ֖קוּ וַיִּתְּנוּ־לִ֑י וָאַשְׁלִכֵ֣הוּ בָאֵ֔שׁ וַיֵּצֵ֖א הָעֵ֥גֶל הַזֶּֽה׃

‎25 ‏וַיַּ֤רְא מֹשֶׁה֙ אֶת־הָעָ֔ם כִּ֥י פָרֻ֖עַ ה֑וּא כִּֽי־פְרָעֹ֣ה אַהֲרֹ֔ן לְשִׁמְצָ֖ה בְּקָמֵיהֶֽם׃

‎26 ‏וַיַּעֲמֹ֤ד מֹשֶׁה֙ בְּשַׁ֣עַר הַֽמַּחֲנֶ֔ה וַיֹּ֕אמֶר מִ֥י לַיהוָ֖ה אֵלָ֑י וַיֵּאָסְפ֥וּ אֵלָ֖יו כָּל־בְּנֵ֥י לֵוִֽי׃

‎27 ‏וַיֹּ֣אמֶר לָהֶ֗ם כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל שִׂ֥ימוּ אִישׁ־חַרְבּ֖וֹ עַל־יְרֵכ֑וֹ עִבְר֨וּ וָשׁ֜וּבוּ מִשַּׁ֤עַר לָשַׁ֙עַר֙ בַּֽמַּחֲנֶ֔ה וְהִרְג֧וּ אִֽישׁ־אֶת־אָחִ֛יו וְאִ֥ישׁ אֶת־רֵעֵ֖הוּ וְאִ֥ישׁ אֶת־קְרֹבֽוֹ׃

‎28 ‏וַיַּֽעֲשׂ֥וּ בְנֵֽי־לֵוִ֖י כִּדְבַ֣ר מֹשֶׁ֑ה וַיִּפֹּ֤ל מִן־הָעָם֙ בַּיּ֣וֹם הַה֔וּא כִּשְׁלֹ֥שֶׁת אַלְפֵ֖י אִֽישׁ׃

‎29 ‏וַיֹּ֣אמֶר מֹשֶׁ֗ה מִלְא֨וּ יֶדְכֶ֤ם הַיּוֹם֙ לַֽיהוָ֔ה כִּ֛י אִ֥ישׁ בִּבְנ֖וֹ וּבְאָחִ֑יו וְלָתֵ֧ת עֲלֵיכֶ֛ם הַיּ֖וֹם בְּרָכָֽה׃

‎30 ‏וַיְהִי֙ מִֽמָּחֳרָ֔ת וַיֹּ֤אמֶר מֹשֶׁה֙ אֶל־הָעָ֔ם אַתֶּ֥ם חֲטָאתֶ֖ם חֲטָאָ֣ה גְדֹלָ֑ה וְעַתָּה֙ אֶֽעֱלֶ֣ה אֶל־יְהוָ֔ה אוּלַ֥י אֲכַפְּרָ֖ה בְּעַ֥ד חַטַּאתְכֶֽם׃

‎31 ‏וַיָּ֧שָׁב מֹשֶׁ֛ה אֶל־יְהוָ֖ה וַיֹּאמַ֑ר אָ֣נָּ֗א חָטָ֞א הָעָ֤ם הַזֶּה֙ חֲטָאָ֣ה גְדֹלָ֔ה וַיַּֽעֲשׂ֥וּ לָהֶ֖ם אֱלֹהֵ֥י זָהָֽב׃

‎32 ‏וְעַתָּ֖ה אִם־תִּשָּׂ֣א חַטָּאתָ֑ם וְאִם־אַ֕יִן מְחֵ֣נִי נָ֔א מִֽסִּפְרְךָ֖ אֲשֶׁ֥ר כָּתָֽבְתָּ׃

‎33 ‏וַיֹּ֥אמֶר יְהוָ֖ה אֶל־מֹשֶׁ֑ה מִ֚י אֲשֶׁ֣ר חָֽטָא־לִ֔י אֶמְחֶ֖נּוּ מִסִּפְרִֽי׃

‎34 ‏וְעַתָּ֞ה לֵ֣ךְ׀ נְחֵ֣ה אֶת־הָעָ֗ם אֶ֤ל אֲשֶׁר־דִּבַּ֙רְתִּי֙ לָ֔ךְ הִנֵּ֥ה מַלְאָכִ֖י יֵלֵ֣ךְ לְפָנֶ֑יךָ וּבְי֣וֹם פָּקְדִ֔י וּפָקַדְתִּ֥י עֲלֵיהֶ֖ם חַטָּאתָֽם׃

‎35 ‏וַיִּגֹּ֥ף יְהוָ֖ה אֶת־הָעָ֑ם עַ֚ל אֲשֶׁ֣ר עָשׂ֣וּ אֶת־הָעֵ֔גֶל אֲשֶׁ֥ר עָשָׂ֖ה אַהֲרֹֽן׃ ס

1 wayyarə’ hā‘ām kî-ḇōšēš mōšeh lāreḏeṯ min-hâār wayyiqqâēl hā‘ām ‘al-’ahărōn wayyō’mərû ’ēlāyw qûm| ‘ăśēh-lānû ’ĕlōhîm ’ăšer yēləḵû ləfānênû kî-zeh| mōšeh hā’îš ’ăšer he‘ĕlānû mē’ereṣ miṣərayim lō’ yāḏ^a‘ənû meh-hāyâ lwō:

2 wayyō’mer ’ălēhem ’ahărōn pārəqû nizəmê hazzâāḇ ’ăšer bə’āzənê nəšêḵem bənêḵem ûḇənōṯêḵem wəhāḇî’û ’ēlāy:

3 wayyiṯəpārəqû kāl-hā‘ām ’eṯ-nizəmê hazzâāḇ ’ăšer bə’āzənêhem wayyāḇî’û ’el-’ahărōn:

4 wayyiqq^aḥ mîyāḏām wayyāṣar ’ōṯwō b^aḥereṭ wayy^a‘ăśēhû ‘ēḡel massēḵâ wayyō’mərû ’ēlleh ’ĕlōheyḵā yiśərā’ēl ’ăšer he‘ĕlûḵā mē’ereṣ miṣərāyim:

5 wayyarə’ ’ahărōn wayyiḇen mizəbēḥa ləfānāyw wayyiqərā’ ’ahărōn wayyō’mar ḥaḡ layhwâ māḥār:

6 wayyašəkîmû mimmāḥŏrāṯ wayy^a‘ălû ‘ōlōṯ wayyagišû šəlāmîm wayyēšeḇ hā‘ām le’ĕḵōl wəšāṯwō wayyāqumû ləṣ^aḥēq: f

7 wayəḏabēr yəhwâ ’el-mōšeh leḵə-rēḏ kî šiḥēṯ ‘amməḵā ’ăšer he‘ĕlêṯā mē’ereṣ miṣərāyim:

8 sārû mahēr min-hadereḵə ’ăšer ṣiûîṯim ‘āśû lâem ‘ēḡel massēḵâ wayyišət^aḥăwû-lwō wayyizəbəḥû-lwō wayyō’mərû ’ēlleh ’ĕlōheyḵā yiśərā’ēl ’ăšer he‘ĕlûḵā mē’ereṣ miṣərāyim:

9 wayyō’mer yəhwâ ’el-mōšeh rā’îṯî ’eṯ-hā‘ām hazzeh wəhinnēh ‘am-qəšēh-‘ōref hû’:

10 wə‘atâ hannîḥâ llî wəyiḥar-’apî ḇâem wa’ăḵallēm wə’e‘ĕśeh ’wōṯəḵā ləḡwōy gāḏwōl:

11 wayəḥal mōšeh ’eṯ-pənê yəhwâ ’ĕlōhāyw wayyō’mer lāmâ yəhwâ yeḥĕreh ’apəḵā bə‘ammeḵā ’ăšer hwōṣē’ṯā mē’ereṣ miṣərayim bəḵōḥa gāḏwōl ûḇəyāḏ ḥăzāqâ:

12 lāmmâ yō’mərû miṣərayim lē’mōr bərā‘â hwōṣî’ām lahărōḡ ’ōṯām behārîm ûləḵallōṯām mē‘al pənê hā’ăḏāmâ šûḇ mēḥărwōn ’apeḵā wəhinnāḥēm ‘al-hārā‘â lə‘ammeḵā:

13 zəḵōr lə’aḇərâām ləyiṣəḥāq ûləyiśərā’ēl ‘ăḇāḏeyḵā ’ăšer nišəb^a‘ətā lâem bāḵə watəḏabēr ’ălēhem ’arəbeh ’eṯ-zarə‘ăḵem kəḵwōḵəḇê haššāmāyim wəḵāl-hā’āreṣ hazzō’ṯ ’ăšer ’āmarətî ’etēn ləzarə‘ăḵem wənāḥălû lə‘ōlām:

14 wayyinnāḥem yəhwâ ‘al-hārā‘â ’ăšer diber l^a‘ăśwōṯ lə‘ammwō: f

15 wayyifen wayyēreḏ mōšeh min-hâār ûšənê luḥōṯ hā‘ēḏuṯ bəyāḏwō luḥōṯ kəṯuḇîm miššənê ‘eḇərêhem mizzeh ûmizzeh hēm kəṯuḇîm:

16 wəhalluḥōṯ m^a‘ăśēh ’ĕlōhîm hēmmâ wəhammiḵətāḇ miḵətaḇ ’ĕlōhîm hû’ ḥārûṯ ‘al-halluḥōṯ:

17 wayyišəm^a‘ yəhwōšu‘a ’eṯ-qwōl hā‘ām bərē‘ōh^q wayyō’mer ’el-mōšeh qwōl miləḥāmâ bamm^aḥăneh:¹

18 wayyō’mer ’ên qwōl ‘ănwōṯ gəḇûrâ wə’ên qwōl ‘ănwōṯ ḥălûšâ qwōl ‘annwōṯ ’ānōḵî šōmē‘a:

19 wayəhî ka’ăšer qāraḇ ’el-hamm^aḥăneh wayyarə’ ’eṯ-hā‘ēḡel ûməḥōlōṯ wayyiḥar-’af mōšeh wayyašəlēḵə mîyāḏwō mîyāḏāyw ’eṯ-halluḥōṯ wayəšabēr ’ōṯām t^aḥaṯ hâār:

20 wayyiqq^aḥ ’eṯ-hā‘ēḡel ’ăšer ‘āśû wayyiśərōf bā’ēš wayyiṭəḥan ‘aḏ ’ăšer-dāq wayyizer ‘al-pənê hammayim wayyašəqə ’eṯ-bənê yiśərā’ēl:

21 wayyō’mer mōšeh ’el-’ahărōn meh-‘āśâ ləḵā hā‘ām hazzeh kî-hēḇē’ṯā ‘ālāyw ḥăṭā’â ḡəḏōlâ:

22 wayyō’mer ’ahărōn ’al-yiḥar ’af ’ăḏōnî ’atâ yāḏ^a‘ətā ’eṯ-hā‘ām kî ḇərā‘ hû’:

23 wayyō’mərû lî ‘ăśēh-lānû ’ĕlōhîm ’ăšer yēləḵû ləfānênû kî-zeh| mōšeh hā’îš ’ăšer he‘ĕlānû mē’ereṣ miṣərayim lō’ yāḏ^a‘ənû meh-hāyâ lwō:

24 wā’ōmar lâem ləmî zâāḇ hiṯəpārāqû wayyitənû-lî wā’ašəliḵēhû ḇā’ēš wayyēṣē’ hā‘ēḡel hazzeh:

25 wayyarə’ mōšeh ’eṯ-hā‘ām kî fāru‘a hû’ kî-fərā‘ōh ’ahărōn ləšiməṣâ bəqāmêhem:

26 wayy^a‘ămōḏ mōšeh bəš^a‘ar hamm^aḥăneh wayyō’mer mî layhwâ ’ēlāy wayyē’āsəfû ’ēlāyw kāl-bənê lēwî:

27 wayyō’mer lâem kōh-’āmar yəhwâ ’ĕlōhê yiśərā’ēl śîmû ’îš-ḥarəbwō ‘al-yərēḵwō ‘iḇərû wāšûḇû mišš^a‘ar lāš^a‘ar bamm^aḥăneh wəhirəḡû ’îš-’eṯ-’āḥîw wə’îš ’eṯ-rē‘ēhû wə’îš ’eṯ-qərōḇwō:

28 wayy^a‘ăśû ḇənê-lēwî kiḏəḇar mōšeh wayyipōl min-hā‘ām bayywōm hahû’ kišəlōšeṯ ’aləfê ’îš:

29 wayyō’mer mōšeh milə’û yeḏəḵem hayywōm layhwâ kî ’îš biḇənwō ûḇə’āḥîw wəlāṯēṯ ‘ălêḵem hayywōm bərāḵâ:

30 wayəhî mimmāḥŏrāṯ wayyō’mer mōšeh ’el-hā‘ām ’atem ḥăṭā’ṯem ḥăṭā’â ḡəḏōlâ wə‘atâ ’e‘ĕleh ’el-yəhwâ ’ûlay ’ăḵapərâ bə‘aḏ ḥaṭṭa’ṯəḵem:

31 wayyāšāḇ mōšeh ’el-yəhwâ wayyō’mar ’ānnā’ ḥāṭā’ hā‘ām hazzeh ḥăṭā’â ḡəḏōlâ wayy^a‘ăśû lâem ’ĕlōhê zâāḇ:

32 wə‘atâ ’im-tiśśā’ ḥaṭṭā’ṯām wə’im-’ayin məḥēnî nā’ missifərəḵā ’ăšer kāṯāḇətā:

33 wayyō’mer yəhwâ ’el-mōšeh mî ’ăšer ḥāṭā’-lî ’eməḥennû missifərî:

34 wə‘atâ lēḵə| nəḥēh ’eṯ-hā‘ām ’el ’ăšer-dibarətî lāḵə hinnēh malə’āḵî yēlēḵə ləfāneyḵā ûḇəywōm pāqəḏî ûfāqaḏətî ‘ălêhem ḥaṭṭā’ṯām:

35 wayyigōf yəhwâ ’eṯ-hā‘ām ‘al ’ăšer ‘āśû ’eṯ-hā‘ēḡel ’ăšer ‘āśâ ’ahărōn: s