‎1 ‏אֵיכָ֣ה׀ יָשְׁבָ֣ה בָדָ֗ד הָעִיר֙ רַבָּ֣תִי עָ֔ם הָיְתָ֖ה כְּאַלְמָנָ֑ה רַבָּ֣תִי בַגּוֹיִ֗ם שָׂרָ֙תִי֙ בַּמְּדִינ֔וֹת הָיְתָ֖ה לָמַֽס׃ ס

‎2 ‏בָּכ֨וֹ תִבְכֶּ֜ה בַּלַּ֗יְלָה וְדִמְעָתָהּ֙ עַ֣ל לֶֽחֱיָ֔הּ אֵֽין־לָ֥הּ מְנַחֵ֖ם מִכָּל־אֹהֲבֶ֑יהָ כָּל־רֵעֶ֙יהָ֙ בָּ֣גְדוּ בָ֔הּ הָ֥יוּ לָ֖הּ לְאֹיְבִֽים׃ ס

‎3 ‏גָּֽלְתָ֨ה יְהוּדָ֤ה מֵעֹ֙נִי֙ וּמֵרֹ֣ב עֲבֹדָ֔ה הִ֚יא יָשְׁבָ֣ה בַגּוֹיִ֔ם לֹ֥א מָצְאָ֖ה מָנ֑וֹחַ כָּל־רֹדְפֶ֥יהָ הִשִּׂיג֖וּהָ בֵּ֥ין הַמְּצָרִֽים׃ ס

‎4 ‏דַּרְכֵ֨י צִיּ֜וֹן אֲבֵל֗וֹת מִבְּלִי֙ בָּאֵ֣י מוֹעֵ֔ד כָּל־שְׁעָרֶ֙יהָ֙ שֽׁוֹמֵמִ֔ין כֹּהֲנֶ֖יהָ נֶאֱנָחִ֑ים בְּתוּלֹתֶ֥יהָ נּוּג֖וֹת³ וְהִ֥יא מַר־לָֽהּ׃ ס

‎5 ‏הָי֨וּ צָרֶ֤יהָ לְרֹאשׁ֙ אֹיְבֶ֣יהָ שָׁל֔וּ כִּֽי־יְהוָ֥ה הוֹגָ֖הּ עַ֣ל רֹב־פְּשָׁעֶ֑יהָ עוֹלָלֶ֛יהָ הָלְכ֥וּ שְׁבִ֖י לִפְנֵי־צָֽר׃ ס

‎6 ‏וַיֵּצֵ֥א מן־ בת־ מִבַּת־ צִיּ֖וֹן כָּל־הֲדָרָ֑הּ הָי֣וּ שָׂרֶ֗יהָ כְּאַיָּלִים֙ לֹא־מָצְא֣וּ מִרְעֶ֔ה וַיֵּלְכ֥וּ בְלֹא־כֹ֖חַ לִפְנֵ֥י רוֹדֵֽף׃ ס

‎7 ‏זָֽכְרָ֣ה יְרוּשָׁלִַ֗ם יְמֵ֤י עָנְיָהּ֙ וּמְרוּדֶ֔יהָ כֹּ֚ל מַחֲמֻדֶ֔יהָ אֲשֶׁ֥ר הָי֖וּ מִ֣ימֵי קֶ֑דֶם בִּנְפֹ֧ל עַמָּ֣הּ בְּיַד־צָ֗ר וְאֵ֤ין עוֹזֵר֙ לָ֔הּ רָא֣וּהָ צָרִ֔ים שָׂחֲק֖וּ עַ֥ל³ מִשְׁבַּתֶּֽהָ׃ ס

‎8 ‏חֵ֤טְא חָֽטְאָה֙ יְר֣וּשָׁלִַ֔ם עַל־כֵּ֖ן לְנִידָ֣ה הָיָ֑תָה כָּֽל־מְכַבְּדֶ֤יהָ הִזִּיל֙וּהָ֙ כִּי־רָא֣וּ עֶרְוָתָ֔הּ גַּם־הִ֥יא נֶאֶנְחָ֖ה וַתָּ֥שָׁב אָחֽוֹר׃ ס

‎9 ‏טֻמְאָתָ֣הּ בְּשׁוּלֶ֗יהָ לֹ֤א זָֽכְרָה֙ אַחֲרִיתָ֔הּ וַתֵּ֣רֶד פְּלָאִ֔ים אֵ֥ין מְנַחֵ֖ם לָ֑הּ רְאֵ֤ה יְהוָה֙ אֶת־עָנְיִ֔י כִּ֥י הִגְדִּ֖יל אוֹיֵֽב׃ ס

‎10 ‏יָדוֹ֙ פָּ֣רַשׂ צָ֔ר עַ֖ל כָּל־מַחֲמַדֶּ֑יהָ כִּֽי־רָאֲתָ֤ה גוֹיִם֙ בָּ֣אוּ מִקְדָּשָׁ֔הּ אֲשֶׁ֣ר צִוִּ֔יתָה לֹא־יָבֹ֥אוּ בַקָּהָ֖ל לָֽךְ׃ ס

‎11 ‏כָּל־עַמָּ֤הּ נֶאֱנָחִים֙ מְבַקְּשִׁ֣ים לֶ֔חֶם נָתְנ֧וּ מחמודיהם מַחֲמַדֵּיהֶ֛ם^y בְּאֹ֖כֶל לְהָשִׁ֣יב נָ֑פֶשׁ רְאֵ֤ה יְהוָה֙ וְֽהַבִּ֔יטָה כִּ֥י הָיִ֖יתִי זוֹלֵלָֽה׃ ס

‎12 ‏ל֣וֹא אֲלֵיכֶם֮ כָּל־עֹ֣בְרֵי דֶרֶךְ֒ הַבִּ֣יטוּ וּרְא֗וּ אִם־יֵ֤שׁ מַכְאוֹב֙ כְּמַכְאֹבִ֔י אֲשֶׁ֥ר עוֹלַ֖ל לִ֑י אֲשֶׁר֙ הוֹגָ֣ה יְהוָ֔ה בְּי֖וֹם חֲר֥וֹן אַפּֽוֹ׃ ס

‎13 ‏מִמָּר֛וֹם שָֽׁלַח־אֵ֥שׁ בְּעַצְמֹתַ֖י וַיִּרְדֶּ֑נָּה פָּרַ֨שׂ רֶ֤שֶׁת לְרַגְלַי֙ הֱשִׁיבַ֣נִי אָח֔וֹר נְתָנַ֙נִי֙ שֹֽׁמֵמָ֔ה כָּל־הַיּ֖וֹם דָּוָֽה׃ ס

‎14 ‏נִשְׂקַד֩ עֹ֨ל פְּשָׁעַ֜י בְּיָד֗וֹ יִשְׂתָּ֥רְג֛וּ³ עָל֥וּ עַל־צַוָּארִ֖י הִכְשִׁ֣יל כֹּחִ֑י נְתָנַ֣נִי אֲדֹנָ֔י בִּידֵ֖י לֹא־אוּכַ֥ל קֽוּם׃ ס

‎15 ‏סִלָּ֨ה כָל־אַבִּירַ֤י׀ אֲדֹנָי֙ בְּקִרְבִּ֔י קָרָ֥א עָלַ֛י מוֹעֵ֖ד לִשְׁבֹּ֣ר בַּחוּרָ֑י גַּ֚ת דָּרַ֣ךְ אֲדֹנָ֔י לִבְתוּלַ֖ת בַּת־יְהוּדָֽה׃ ס

‎16 ‏עַל־אֵ֣לֶּה׀ אֲנִ֣י בוֹכִיָּ֗ה עֵינִ֤י׀ עֵינִי֙ יֹ֣רְדָה מַּ֔יִם כִּֽי־רָחַ֥ק מִמֶּ֛נִּי מְנַחֵ֖ם מֵשִׁ֣יב נַפְשִׁ֑י הָי֤וּ בָנַי֙ שֽׁוֹמֵמִ֔ים כִּ֥י גָבַ֖ר אוֹיֵֽב׃ ס

‎17 ‏פֵּֽרְשָׂ֨ה צִיּ֜וֹן בְּיָדֶ֗יהָ אֵ֤ין מְנַחֵם֙ לָ֔הּ צִוָּ֧ה יְהוָ֛ה לְיַעֲקֹ֖ב סְבִיבָ֣יו צָרָ֑יו הָיְתָ֧ה יְרוּשָׁלִַ֛ם לְנִדָּ֖ה בֵּינֵיהֶֽם׃ ס

‎18 ‏צַדִּ֥יק ה֛וּא יְהוָ֖ה כִּ֣י פִ֣יהוּ מָרִ֑יתִי שִׁמְעוּ־נָ֣א כָל־עמים הָֽעַמִּ֗ים וּרְאוּ֙ מַכְאֹבִ֔י בְּתוּלֹתַ֥י וּבַחוּרַ֖י הָלְכ֥וּ בַשֶּֽׁבִי׃ ס

‎19 ‏קָרָ֤אתִי לַֽמְאַהֲבַי֙ הֵ֣מָּה רִמּ֔וּנִי כֹּהֲנַ֥י וּזְקֵנַ֖י בָּעִ֣יר גָּוָ֑עוּ כִּֽי־בִקְשׁ֥וּ אֹ֙כֶל֙ לָ֔מוֹ וְיָשִׁ֖יבוּ אֶת־נַפְשָֽׁם׃ ס

‎20 ‏רְאֵ֨ה יְהוָ֤ה כִּֽי־צַר־לִי֙ מֵעַ֣י חֳמַרְמָ֔רוּ נֶהְפַּ֤ךְ לִבִּי֙ בְּקִרְבִּ֔י כִּ֥י מָר֖וֹ מָרִ֑יתִי מִח֥וּץ שִׁכְּלָה־חֶ֖רֶב בַּבַּ֥יִת כַּמָּֽוֶת׃ ס

‎21 ‏שָׁמְע֞וּ כִּ֧י נֶאֱנָחָ֣ה אָ֗נִי אֵ֤ין מְנַחֵם֙ לִ֔י כָּל־אֹ֨יְבַ֜י שָׁמְע֤וּ רָֽעָתִי֙ שָׂ֔שׂוּ כִּ֥י אַתָּ֖ה עָשִׂ֑יתָ הֵבֵ֥אתָ יוֹם־קָרָ֖אתָ וְיִֽהְי֥וּ כָמֽוֹנִי׃ ס

‎22 ‏תָּבֹ֨א כָל־רָעָתָ֤ם לְפָנֶ֙יךָ֙ וְעוֹלֵ֣ל לָ֔מוֹ כַּאֲשֶׁ֥ר עוֹלַ֛לְתָּ לִ֖י עַ֣ל כָּל־פְּשָׁעָ֑י כִּֽי־רַבּ֥וֹת אַנְחֹתַ֖י וְלִבִּ֥י דַוָּֽי׃ פ

1 ’êḵâ| yāšəḇâ ḇāḏāḏ hā‘îr rabāṯî ‘ām hāyəṯâ kə’aləmānâ rabāṯî ḇagwōyim śārāṯî bamməḏînwōṯ hāyəṯâ lāmas: s

2 bāḵwō ṯiḇəkeh ballayəlâ wəḏimə‘āṯāh ‘al leḥĕyāh ’ên-lāh mən^aḥēm mikāl-’ōhăḇeyhā kāl-rē‘eyhā bāḡəḏû ḇāh hāyû lāh lə’ōyəḇîm: s

3 gāləṯâ yəhûḏâ mē‘ōnî ûmērōḇ ‘ăḇōḏâ hî’ yāšəḇâ ḇagwōyim lō’ māṣə’â mānwōḥa kāl-rōḏəfeyhā hiśśîḡûhā bên hamməṣārîm: s

4 darəḵê ṣîywōn ’ăḇēlwōṯ mibəlî bā’ê mwō‘ēḏ kāl-šə‘āreyhā šwōmēmîn kōhăneyhā ne’ĕnāḥîm bəṯûlōṯeyhā nnûḡwōṯ³ wəhî’ mar-lāh: s

5 hāyû ṣāreyhā lərō’š ’ōyəḇeyhā šālû kî-yəhwâ hwōḡāh ‘al rōḇ-pəšā‘eyhā ‘wōlāleyhā hāləḵû šəḇî lifənê-ṣār: s

6 wayyēṣē’ min- baṯ- mibaṯ- ṣîywōn kāl-hăḏārāh hāyû śāreyhā kə’ayyālîm lō’-māṣə’û mirə‘eh wayyēləḵû ḇəlō’-ḵōḥa lifənê rwōḏēf: s

7 zāḵərâ yərûšālaim yəmê ‘ānəyāh ûmərûḏeyhā kōl m^aḥămuḏeyhā ’ăšer hāyû mîmê qeḏem binəfōl ‘ammāh bəyaḏ-ṣār wə’ên ‘wōzēr lāh rā’ûhā ṣārîm śāḥăqû ‘al³ mišəbatehā: s

8 ḥēṭə’ ḥāṭə’â yərûšālaim ‘al-kēn lənîḏâ hāyāṯâ kāl-məḵabəḏeyhā hizzîlûhā kî-rā’û ‘erəwāṯāh gam-hî’ ne’enəḥâ watāšāḇ ’āḥwōr: s

9 ṭumə’āṯāh bəšûleyhā lō’ zāḵərâ ’^aḥărîṯāh watēreḏ pəlā’îm ’ên mən^aḥēm lāh rə’ēh yəhwâ ’eṯ-‘ānəyî kî hiḡədîl ’wōyēḇ: s

10 yāḏwō pāraś ṣār ‘al kāl-m^aḥămadeyhā kî-rā’ăṯâ ḡwōyim bā’û miqədāšāh ’ăšer ṣiûîṯâ lō’-yāḇō’û ḇaqqâāl lāḵə: s

11 kāl-‘ammāh ne’ĕnāḥîm məḇaqqəšîm leḥem nāṯənû m^aḥămwōdêhem m^aḥămadêhem^y bə’ōḵel ləhāšîḇ nāfeš rə’ēh yəhwâ wəhabîṭâ kî hāyîṯî zwōlēlâ: s

12 lwō’ ’ălêḵem kāl-‘ōḇərê ḏereḵə habîṭû ûrə’û ’im-yēš maḵə’wōḇ kəmaḵə’ōḇî ’ăšer ‘wōlal lî ’ăšer hwōḡâ yəhwâ bəywōm ḥărwōn ’apwō: s

13 mimmārwōm šāl^aḥ-’ēš bə‘aṣəmōṯay wayyirədennâ pāraś rešeṯ ləraḡəlay hĕšîḇanî ’āḥwōr nəṯānanî šōmēmâ kāl-hayywōm dāwâ: s

14 niśəqaḏ ‘ōl pəšā‘ay bəyāḏwō yiśətārəḡû³ ‘ālû ‘al-ṣaûā’rî hiḵəšîl kōḥî nəṯānanî ’ăḏōnāy bîḏê lō’-’ûḵal qûm: s

15 sillâ ḵāl-’abîray| ’ăḏōnāy bəqirəbî qārā’ ‘ālay mwō‘ēḏ lišəbōr b^aḥûrāy gaṯ dāraḵə ’ăḏōnāy liḇəṯûlaṯ baṯ-yəhûḏâ: s

16 ‘al-’ēlleh| ’ănî ḇwōḵîyâ ‘ênî| ‘ênî yōrəḏâ mmayim kî-rāḥaq mimmennî mən^aḥēm mēšîḇ nafəšî hāyû ḇānay šwōmēmîm kî ḡāḇar ’wōyēḇ: s

17 pērəśâ ṣîywōn bəyāḏeyhā ’ên mən^aḥēm lāh ṣiûâ yəhwâ ləy^a‘ăqōḇ səḇîḇāyw ṣārāyw hāyəṯâ yərûšālaim lənidâ bênêhem: s

18 ṣadîq hû’ yəhwâ kî fîhû mārîṯî šimə‘û-nā’ ḵāl-‘ammîm hā‘ammîm ûrə’û maḵə’ōḇî bəṯûlōṯay ûḇ^aḥûray hāləḵû ḇaššeḇî: s

19 qārā’ṯî lamə’ahăḇay hēmmâ rimmûnî kōhănay ûzəqēnay bā‘îr gāwā‘û kî-ḇiqəšû ’ōḵel lāmwō wəyāšîḇû ’eṯ-nafəšām: s

20 rə’ēh yəhwâ kî-ṣar-lî mē‘ay ḥŏmarəmārû nehəpaḵə libî bəqirəbî kî mārwō mārîṯî miḥûṣ šikəlâ-ḥereḇ babayiṯ kammāweṯ: s

21 šāmə‘û kî ne’ĕnāḥâ ’ānî ’ên mən^aḥēm lî kāl-’ōyəḇay šāmə‘û rā‘āṯî śāśû kî ’atâ ‘āśîṯā hēḇē’ṯā ywōm-qārā’ṯā wəyihəyû ḵāmwōnî: s

22 tāḇō’ ḵāl-rā‘āṯām ləfāneyḵā wə‘wōlēl lāmwō ka’ăšer ‘wōlalətā lî ‘al kāl-pəšā‘āy kî-rabwōṯ ’anəḥōṯay wəlibî ḏaûāy: f