‎1 ‏וְנֶ֣פֶשׁ כִּֽי־תֶחֱטָ֗א וְשָֽׁמְעָה֙ ק֣וֹל אָלָ֔ה וְה֣וּא עֵ֔ד א֥וֹ רָאָ֖ה א֣וֹ יָדָ֑ע אִם־ל֥וֹא יַגִּ֖יד וְנָשָׂ֥א עֲוֹנֽוֹ׃

‎2 ‏א֣וֹ נֶ֗פֶשׁ אֲשֶׁ֣ר תִּגַּע֮ בְּכָל־דָּבָ֣ר טָמֵא֒ אוֹ֩ בְנִבְלַ֨ת חַיָּ֜ה טְמֵאָ֗ה א֚וֹ³ בְּנִבְלַת֙ בְּהֵמָ֣ה טְמֵאָ֔ה א֕וֹ בְּנִבְלַ֖ת שֶׁ֣רֶץ טָמֵ֑א וְנֶעְלַ֣ם מִמֶּ֔נּוּ וְה֥וּא טָמֵ֖א וְאָשֵֽׁם׃

‎3 ‏א֣וֹ כִ֤י יִגַּע֙ בְּטֻמְאַ֣ת אָדָ֔ם לְכֹל֙ טֻמְאָת֔וֹ אֲשֶׁ֥ר יִטְמָ֖א בָּ֑הּ וְנֶעְלַ֣ם מִמֶּ֔נּוּ וְה֥וּא יָדַ֖ע וְאָשֵֽׁם׃

‎4 ‏א֣וֹ נֶ֡פֶשׁ כִּ֣י תִשָּׁבַע֩ לְבַטֵּ֨א בִשְׂפָתַ֜יִם לְהָרַ֣ע׀ א֣וֹ לְהֵיטִ֗יב לְ֠כֹל אֲשֶׁ֨ר יְבַטֵּ֧א הָאָדָ֛ם בִּשְׁבֻעָ֖ה וְנֶעְלַ֣ם מִמֶּ֑נּוּ וְהוּא־יָדַ֥ע וְאָשֵׁ֖ם לְאַחַ֥ת מֵאֵֽלֶּה׃

‎5 ‏וְהָיָ֥ה כִֽי־יֶאְשַׁ֖ם לְאַחַ֣ת מֵאֵ֑לֶּה וְהִ֨תְוַדָּ֔ה אֲשֶׁ֥ר חָטָ֖א עָלֶֽיהָ׃

‎6 ‏וְהֵבִ֣יא אֶת־אֲשָׁמ֣וֹ לַיהוָ֡ה עַ֣ל חַטָּאתוֹ֩ אֲשֶׁ֨ר חָטָ֜א נְקֵבָ֨ה מִן־הַצֹּ֥אן כִּשְׂבָּ֛ה אֽוֹ־שְׂעִירַ֥ת עִזִּ֖ים לְחַטָּ֑את וְכִפֶּ֥ר עָלָ֛יו הַכֹּהֵ֖ן מֵחַטָּאתֽוֹ׃

‎7 ‏וְאִם־לֹ֨א תַגִּ֣יע¹ יָדוֹ֮ דֵּ֣י שֶׂה֒ וְהֵבִ֨יא אֶת־אֲשָׁמ֜וֹ אֲשֶׁ֣ר חָטָ֗א שְׁתֵּ֥י תֹרִ֛ים אֽוֹ־שְׁנֵ֥י בְנֵֽי־יוֹנָ֖ה לַֽיהוָ֑ה אֶחָ֥ד לְחַטָּ֖את וְאֶחָ֥ד לְעֹלָֽה׃

‎8 ‏וְהֵבִ֤יא אֹתָם֙ אֶל־הַכֹּהֵ֔ן וְהִקְרִ֛יב אֶת־אֲשֶׁ֥ר לַחַטָּ֖את רִאשׁוֹנָ֑ה וּמָלַ֧ק אֶת־רֹאשׁ֛וֹ מִמּ֥וּל עָרְפּ֖וֹ וְלֹ֥א יַבְדִּֽיל׃

‎9 ‏וְהִזָּ֞ה מִדַּ֤ם הַחַטָּאת֙ עַל־קִ֣יר הַמִּזְבֵּ֔חַ וְהַנִּשְׁאָ֣ר בַּדָּ֔ם יִמָּצֵ֖ה אֶל־יְס֣וֹד הַמִּזְבֵּ֑חַ חַטָּ֖את הֽוּא׃

‎10 ‏וְאֶת־הַשֵּׁנִ֛י יַעֲשֶׂ֥ה עֹלָ֖ה כַּמִּשְׁפָּ֑ט וְכִפֶּ֨ר עָלָ֧יו הַכֹּהֵ֛ן מֵחַטָּאת֥וֹ אֲשֶׁר־חָטָ֖א וְנִסְלַ֥ח לֽוֹ׃ ס

‎11 ‏וְאִם־לֹא֩ תַשִּׂ֨יג יָד֜וֹ לִשְׁתֵּ֣י תֹרִ֗ים אוֹ֮ לִשְׁנֵ֣י בְנֵי־יוֹנָה֒ וְהֵבִ֨יא אֶת־קָרְבָּנ֜וֹ אֲשֶׁ֣ר חָטָ֗א עֲשִׂירִ֧ת הָאֵפָ֛ה סֹ֖לֶת לְחַטָּ֑את לֹא־יָשִׂ֨ים עָלֶ֜יהָ שֶׁ֗מֶן וְלֹא־יִתֵּ֤ן עָלֶ֙יהָ֙ לְבֹנָ֔ה כִּ֥י חַטָּ֖את הִֽיא׃

‎12 ‏וֶהֱבִיאָהּ֮ אֶל־הַכֹּהֵן֒ וְקָמַ֣ץ הַכֹּהֵ֣ן׀ מִ֠מֶּנָּה מְל֨וֹא קֻמְצ֜וֹ אֶת־אַזְכָּרָתָה֙ וְהִקְטִ֣יר הַמִּזְבֵּ֔חָה עַ֖ל אִשֵּׁ֣י יְהוָ֑ה חַטָּ֖את הִֽוא׃

‎13 ‏וְכִפֶּר֩ עָלָ֨יו הַכֹּהֵ֜ן עַל־חַטָּאת֧וֹ אֲשֶׁר־חָטָ֛א מֵֽאַחַ֥ת מֵאֵ֖לֶּה וְנִסְלַ֣ח ל֑וֹ וְהָיְתָ֥ה לַכֹּהֵ֖ן כַּמִּנְחָֽה׃ ס

‎14 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎15 ‏נֶ֚פֶשׁ כִּֽי־תִמְעֹ֣ל מַ֔עַל וְחָֽטְאָה֙ בִּשְׁגָגָ֔ה מִקָּדְשֵׁ֖י יְהוָ֑ה וְהֵבִיא֩ אֶת־אֲשָׁמ֨וֹ לַֽיהוָ֜ה אַ֧יִל תָּמִ֣ים מִן־הַצֹּ֗אן בְּעֶרְכְּךָ֛ כֶּֽסֶף־שְׁקָלִ֥ים בְּשֶֽׁקֶל־הַקֹּ֖דֶשׁ לְאָשָֽׁם׃

‎16 ‏וְאֵ֣ת אֲשֶׁר֩ חָטָ֨א מִן־הַקֹּ֜דֶשׁ יְשַׁלֵּ֗ם וְאֶת־חֲמִֽישִׁתוֹ֙ יוֹסֵ֣ף עָלָ֔יו וְנָתַ֥ן אֹת֖וֹ לַכֹּהֵ֑ן וְהַכֹּהֵ֗ן יְכַפֵּ֥ר עָלָ֛יו בְּאֵ֥יל הָאָשָׁ֖ם וְנִסְלַ֥ח לֽוֹ׃ פ

‎17 ‏וְאִם־נֶ֙פֶשׁ֙ כִּ֣י תֶֽחֱטָ֔א וְעָֽשְׂתָ֗ה אַחַת֙ מִכָּל־מִצְוֹ֣ת יְהוָ֔ה אֲשֶׁ֖ר לֹ֣א תֵעָשֶׂ֑ינָה וְלֹֽא־יָדַ֥ע וְאָשֵׁ֖ם וְנָשָׂ֥א עֲוֹנֽוֹ׃

‎18 ‏וְ֠הֵבִיא אַ֣יִל תָּמִ֧ים מִן־הַצֹּ֛אן בְּעֶרְכְּךָ֥ לְאָשָׁ֖ם אֶל־הַכֹּהֵ֑ן וְכִפֶּר֩ עָלָ֨יו הַכֹּהֵ֜ן עַ֣ל שִׁגְגָת֧וֹ אֲשֶׁר־שָׁגָ֛ג וְה֥וּא לֹֽא־יָדַ֖ע וְנִסְלַ֥ח לֽוֹ׃

‎19 ‏אָשָׁ֖ם ה֑וּא אָשֹׁ֥ם אָשַׁ֖ם לַיהוָֽה׃ פ

‎20 ‏וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃

‎21 ‏נֶ֚פֶשׁ כִּ֣י תֶחֱטָ֔א וּמָעֲלָ֥ה מַ֖עַל בַּיהוָ֑ה וְכִחֵ֨שׁ בַּעֲמִית֜וֹ בְּפִקָּד֗וֹן אֽוֹ־בִתְשׂ֤וּמֶת יָד֙ א֣וֹ בְגָזֵ֔ל א֖וֹ עָשַׁ֥ק אֶת־עֲמִיתֽוֹ׃

‎22 ‏אֽוֹ־מָצָ֧א אֲבֵדָ֛ה וְכִ֥חֶשׁ בָּ֖הּ וְנִשְׁבַּ֣ע עַל־שָׁ֑קֶר עַל־אַחַ֗ת מִכֹּ֛ל אֲשֶׁר־יַעֲשֶׂ֥ה הָאָדָ֖ם לַחֲטֹ֥א בָהֵֽנָּה׃

‎23 ‏וְהָיָה֮ כִּֽי־יֶחֱטָ֣א וְאָשֵׁם֒ וְהֵשִׁ֨יב אֶת־הַגְּזֵלָ֜ה אֲשֶׁ֣ר גָּזָ֗ל א֤וֹ אֶת־הָעֹ֙שֶׁק֙ אֲשֶׁ֣ר עָשָׁ֔ק א֚וֹ אֶת־הַפִּקָּד֔וֹן אֲשֶׁ֥ר הָפְקַ֖ד אִתּ֑וֹ א֥וֹ אֶת־הָאֲבֵדָ֖ה אֲשֶׁ֥ר מָצָֽא׃

‎24 ‏א֠וֹ מִכֹּ֞ל אֲשֶׁר־יִשָּׁבַ֣ע עָלָיו֮ לַשֶּׁקֶר֒ וְשִׁלַּ֤ם אֹתוֹ֙ בְּרֹאשׁ֔וֹ וַחֲמִשִׁתָ֖יו יֹסֵ֣ף עָלָ֑יו לַאֲשֶׁ֨ר ה֥וּא ל֛וֹ יִתְּנֶ֖נּוּ בְּי֥וֹם אַשְׁמָתֽוֹ׃

‎25 ‏וְאֶת־אֲשָׁמ֥וֹ יָבִ֖יא לַיהוָ֑ה אַ֣יִל תָּמִ֧ים מִן־הַצֹּ֛אן בְּעֶרְכְּךָ֥ לְאָשָׁ֖ם אֶל־הַכֹּהֵֽן׃

‎26 ‏וְכִפֶּ֨ר עָלָ֧יו הַכֹּהֵ֛ן לִפְנֵ֥י יְהוָ֖ה וְנִסְלַ֣ח ל֑וֹ עַל־אַחַ֛ת מִכֹּ֥ל אֲשֶֽׁר־יַעֲשֶׂ֖ה לְאַשְׁמָ֥ה בָֽהּ׃ פ

1 wənefeš kî-ṯeḥĕṭā’ wəšāmə‘â qwōl ’ālâ wəhû’ ‘ēḏ ’wō rā’â ’wō yāḏā‘ ’im-lwō’ yagîḏ wənāśā’ ‘ăwōnwō:

2 ’wō nefeš ’ăšer tig^a‘ bəḵāl-dāḇār ṭāmē’ ’wō ḇəniḇəlaṯ ḥayyâ ṭəmē’â ’wō³ bəniḇəlaṯ bəhēmâ ṭəmē’â ’wō bəniḇəlaṯ šereṣ ṭāmē’ wəne‘əlam mimmennû wəhû’ ṭāmē’ wə’āšēm:

3 ’wō ḵî yig^a‘ bəṭumə’aṯ ’āḏām ləḵōl ṭumə’āṯwō ’ăšer yiṭəmā’ bāh wəne‘əlam mimmennû wəhû’ yāḏ^a‘ wə’āšēm:

4 ’wō nefeš kî ṯiššāḇ^a‘ ləḇaṭṭē’ ḇiśəfāṯayim ləhār^a‘| ’wō ləhêṭîḇ ləḵōl ’ăšer yəḇaṭṭē’ hā’āḏām bišəḇu‘â wəne‘əlam mimmennû wəhû’-yāḏ^a‘ wə’āšēm lə’^aḥaṯ mē’ēlleh:

5 wəhāyâ ḵî-ye’əšam lə’^aḥaṯ mē’ēlleh wəhiṯəwadâ ’ăšer ḥāṭā’ ‘āleyhā:

6 wəhēḇî’ ’eṯ-’ăšāmwō layhwâ ‘al ḥaṭṭā’ṯwō ’ăšer ḥāṭā’ nəqēḇâ min-haṣṣō’n kiśəbâ ’wō-śə‘îraṯ ‘izzîm ləḥaṭṭā’ṯ wəḵiper ‘ālāyw hakōhēn mēḥaṭṭā’ṯwō:

7 wə’im-lō’ ṯag yāḏwō dê śeh wəhēḇî’ ’eṯ-’ăšāmwō ’ăšer ḥāṭā’ šətê ṯōrîm ’wō-šənê ḇənê-ywōnâ layhwâ ’eḥāḏ ləḥaṭṭā’ṯ wə’eḥāḏ lə‘ōlâ:

8 wəhēḇî’ ’ōṯām ’el-hakōhēn wəhiqərîḇ ’eṯ-’ăšer l^aḥaṭṭā’ṯ ri’šwōnâ ûmālaq ’eṯ-rō’šwō mimmûl ‘ārəpwō wəlō’ yaḇədîl:

9 wəhizzâ midam h^aḥaṭṭā’ṯ ‘al-qîr hammizəbēḥa wəhannišə’ār badām yimmāṣēh ’el-yəswōḏ hammizəbēḥa ḥaṭṭā’ṯ hû’:

10 wə’eṯ-haššēnî y^a‘ăśeh ‘ōlâ kammišəpāṭ wəḵiper ‘ālāyw hakōhēn mēḥaṭṭā’ṯwō ’ăšer-ḥāṭā’ wənisəl^aḥ lwō: s

11 wə’im-lō’ ṯaśśîḡ yāḏwō lišətê ṯōrîm ’wō lišənê ḇənê-ywōnâ wəhēḇî’ ’eṯ-qārəbānwō ’ăšer ḥāṭā’ ‘ăśîriṯ hā’ēfâ sōleṯ ləḥaṭṭā’ṯ lō’-yāśîm ‘āleyhā šemen wəlō’-yitēn ‘āleyhā ləḇōnâ kî ḥaṭṭā’ṯ hî’:

12 wehĕḇî’āh ’el-hakōhēn wəqāmaṣ hakōhēn| mimmennâ məlwō’ quməṣwō ’eṯ-’azəkārāṯâ wəhiqəṭîr hammizəbēḥâ ‘al ’iššê yəhwâ ḥaṭṭā’ṯ hiw’:

13 wəḵiper ‘ālāyw hakōhēn ‘al-ḥaṭṭā’ṯwō ’ăšer-ḥāṭā’ mē’^aḥaṯ mē’ēlleh wənisəl^aḥ lwō wəhāyəṯâ lakōhēn kamminəḥâ: s

14 wayəḏabēr yəhwâ ’el-mōšeh llē’mōr:

15 nefeš kî-ṯimə‘ōl m^a‘al wəḥāṭə’â bišəḡāḡâ miqqāḏəšê yəhwâ wəhēḇî’ ’eṯ-’ăšāmwō layhwâ ’ayil tāmîm min-haṣṣō’n bə‘erəkəḵā kesef-šəqālîm bəšeqel-haqqōḏeš lə’āšām:

16 wə’ēṯ ’ăšer ḥāṭā’ min-haqqōḏeš yəšallēm wə’eṯ-ḥămîšiṯwō ywōsēf ‘ālāyw wənāṯan ’ōṯwō lakōhēn wəhakōhēn yəḵapēr ‘ālāyw bə’êl hā’āšām wənisəl^aḥ lwō: f

17 wə’im-nefeš kî ṯeḥĕṭā’ wə‘āśəṯâ ’^aḥaṯ mikāl-miṣəwōṯ yəhwâ ’ăšer lō’ ṯē‘āśeynâ wəlō’-yāḏ^a‘ wə’āšēm wənāśā’ ‘ăwōnwō:

18 wəhēḇî’ ’ayil tāmîm min-haṣṣō’n bə‘erəkəḵā lə’āšām ’el-hakōhēn wəḵiper ‘ālāyw hakōhēn ‘al šiḡəḡāṯwō ’ăšer-šāḡāḡ wəhû’ lō’-yāḏ^a‘ wənisəl^aḥ lwō:

19 ’āšām hû’ ’āšōm ’āšam layhwâ: f

20 wayəḏabēr yəhwâ ’el-mōšeh llē’mōr:

21 nefeš kî ṯeḥĕṭā’ ûmā‘ălâ m^a‘al bayhwâ wəḵiḥēš b^a‘ămîṯwō bəfiqqāḏwōn ’wō-ḇiṯəśûmeṯ yāḏ ’wō ḇəḡāzēl ’wō ‘āšaq ’eṯ-‘ămîṯwō:

22 ’wō-māṣā’ ’ăḇēḏâ wəḵiḥeš bāh wənišəb^a‘ ‘al-šāqer ‘al-’^aḥaṯ mikōl ’ăšer-y^a‘ăśeh hā’āḏām l^aḥăṭō’ ḇâēnnâ:

23 wəhāyâ kî-yeḥĕṭā’ wə’āšēm wəhēšîḇ ’eṯ-hagəzēlâ ’ăšer gāzāl ’wō ’eṯ-hā‘ōšeq ’ăšer ‘āšāq ’wō ’eṯ-hapiqqāḏwōn ’ăšer hāfəqaḏ ’itwō ’wō ’eṯ-hā’ăḇēḏâ ’ăšer māṣā’:

24 ’wō mikōl ’ăšer-yiššāḇ^a‘ ‘ālāyw laššeqer wəšillam ’ōṯwō bərō’šwō w^aḥămišiṯāyw yōsēf ‘ālāyw la’ăšer hû’ lwō yitənennû bəywōm ’ašəmāṯwō:

25 wə’eṯ-’ăšāmwō yāḇî’ layhwâ ’ayil tāmîm min-haṣṣō’n bə‘erəkəḵā lə’āšām ’el-hakōhēn:

26 wəḵiper ‘ālāyw hakōhēn lifənê yəhwâ wənisəl^aḥ lwō ‘al-’^aḥaṯ mikōl ’ăšer-y^a‘ăśeh lə’ašəmâ ḇāh: f